Sjómannadagsblaðið - 01.06.1985, Qupperneq 7

sem fjallað var um. Það var samdóma
álit allra þeirra, sem ráðstefnuna
sóttu, en það munu hafa verið á
þriðja hundrað manns, að hún hafi
tekist með afbrigðum vel og vakið
menn til tímabærra umræðna og um-
hugsunar um þessi mál. Erindi þau
sem flutt voru á ráðstefnunni og nið-
urstöður umræðna verða þráðlega
gefnar út í bókarformi.
Af þeim tillögum í 17 liðum sem
öryggismálanefnd sjómanna afhenti
niér í október 1984 og áður hefur ver-
ið minnst á, hafa sumar þegar komið
til framkvæmdar en aðrar eru til at-
hugunar og úrvinnslu í samgöngu-
ráðuneytinu. Hafa þegar verið skip-
aðar 2 nefndir til að endurskoða ann-
ars vegar lög um Siglingamálastofnun
ríkisins og hins vegar til að gera til-
lögur um vissa þætti í öryggismálum
sjómanna. í samræmi við tillögur
nefndarinnar voru lög um atvinnu-
réttindi skipstjórnarmanna og önnur
lög um atvinnuréttindi vélfræðinga,
vélstjóra og vélavarða á íslenskum
skipum endurskoðuð og breytt í sam-
ræmi við breyttar aðstæður og af-
greidd sem lög frá Alþingi fyrir síð-
ustu áramót. Með nýju lögunum eru
atvinnuréttindi nokkuð rýmkuð á
minni fiskiskipum jafnframt voru
undanþágumál fyrir yfirmenn á ís-
lenskum skipum tekin til gagngerrar
endurskoðunar og stefnt að því að
undanþágum fækki verulega. Á
næstu tveimur árum munu því verða
haldin námskeið í öllum landshlut-
um til öflunar atvinnuréttinda fyrir
þá, sem starfað hafa samkvæmt und-
anþágu um nokkurt skeið. Samhliða
þessu var stofnaður sérstakur styrkt-
arsjóður, sem veita mun fjárstyrk
þeim undanþágumönnum sem fara í
nám til að afla sér tilskilinna réttinda.
Sérstök nefnd á vegum ráðuneyt-
isíns vinnur nú að því að gera tillögur
um skipulag á fræðslustarfsemi fyrir
sjómenn um öryggismál. Hér er bæði
átt við námskeið fyrir yfirmenn á
skipum og fyrir almenna sjómenn og
verður stefnt að því að viðurkenning
frá slíkum námskeiðum verði skylda
til að menn fái lögskráningu á skip. Á
þessum námskeiðum þarf að kenna
öryggis- og slysavarnir, brunavarnir
og reykköfun, svo að einhver dæmi
séu nefnd. Nefndin stefnir að því að
leggja fram hugmyndir sínar og til-
lögur mjög bráðlega.
Jafnframt þessu hefur Öryggis-
málanefnd sjómanna haldið áfram
starfsemi sinni, m.a. með áróðurs-
herferð í ijölmiðlum, sem lesendur
þessarar greinar kannast vafalaust
við.
í nóvember 1982 skipaði þáverandi
samgönguráðherra nefnd til að kanna
öryggisbúnað fiski- og farskipa sam-
kvæmt þál. sem samþykkt var á Al-
þingi vorið 1982. Þessi nefnd hefurátt
erfitt um vik, þar sem hana hefur
skort fé til þess að vinna að verkefni
sínu. Eins og dæmin sanna eru þó tví-
mælalaust slysagildrur víða í höfnum
landsins og því nauðsynlegt að þess-
um þætti öryggismála verði sinnt, og
hef ég nú nýverið gert ráðstafanir til
þess að nefndin geti á viðunandi hátt
skilað tillögum um bætt öryggi í
höfnum landsins.
Og síðast en ekki síst ber að geta
þess að til þeirra mála og þeirrar
starfsemi, sem hér hefur verið lýst
hefur tekist að afla á fjárlögum 3,0
millj. kr. úr ríkissjóði og annarra 3,0
millj. kr. úr gengishagnaðarsjóði eða
samtals 6,0 millj. kr., þannig að vel
á að vera séð fyrir ljárþörf vegna
öryggismála sjómanna á þessu ári.
Ég hef hér að framan fyrst og
fremst fjallað um tillögur Öryggis-
málanefndar sjómanna og fram-
kvæmd á þeim. Rétt og skylt er þó að
geta þess, að auk þess sem Slysa-
varnarfélag íslands, Siglingamála-
stofnun ríkisins, Rannsóknarnefnd
sjóslysa og fleiri aðilar eiga þátt í
framkvæmd þessara tillagna, þá hafa
þessar stofnanir á margvíslegan hátt
unnið að öryggismálum sjómanna
umfram það sem hér er getið. Auð-
vitað er þessi starfsemi jafn mikils
virði fyrir öryggismál sjómanna, enda
þótt hún sé ekki tíunduð hér sérstak-
lega.
Meginmálið er það, að ég held að
fullyrða megi, að aldrei fyrr hafi tek-
ist jafn gott og mikið samstarf jafn
margra aðila að öryggismálum sjó-
manna og nú hefur gerst. Það er trú
mín og von að þar láti menn ekki
deigan síga, en geti sýnt von bráðar
verulegan raunhæfan árangur í fækk-
un slysa á sjó. Grundvallarskilyrði
þess, að það megi takast, eru þó ekki
þær aðgerðir og tillögur sem hér hafa
verið nefndar, heldur hitt að sjómenn
séu sjálfir stöðugt á verði fyrir sínu
eigin öryggi og félaga sinna, svo og
hitt sem stundum hefur verið sagt, að
ekkert björgunartæki jafnast á við
skipið sjálft.
SJÓMENN SJÓMENN
LÍFEYRISSJÓÐUR SJÓMANNA
minnir ykkur á, að samkvæmt íslenskum lögum ber öllum launþegum og atvinnurekendum
að greiöa í lífeyrissjóð.
Hefur ÞÚ athugað hvort ÞfNUM iðgjöldum sé skilvíslega skllað f réttan sjóð.
Ef svo er ekkl, kannaðu þá mállð fyrr en seinna. Það margborgar sig.
Lífeyrissjóður sjómanna
Laugavegi114 sími 91-19300
SJÓMANNADAGSBLAÐIÐ 7