Eimreiðin - 01.07.1928, Qupperneq 28

eimreiðin
r
Utvarp og menning.
Þegar útvarpið fyrir tæpum átta ár-
um hóf sigurför sína um allan heim,
þá voru það í fyrstu ekki margir, sem
spáðu hreyfingu þessari langlífi, en
flestir héldu, að hér væri aðeins um
hégóma að ræða, sem dagblöðin hefðu
blásið upp, og myndi hverfa skjótt
aftur. Nú er nýjabrumið farið af út-
varpinu, og samt eykst því stöðugt
fylgi. Er það nú alment viðurkent sem
atkvæðamesta menningarstofnun nú-
tímans. Nærri 100 miljónir manna
hlýða nú daglega á útvarp, þar af
helmingurinn í Evrópu; í nokkrum
löndum er það fjórði hluti þjóðarinnar, og í sumum borgum
helmingur íbúanna. T. d. er það nú áttundi hluti Berlínarbúa,
sem útvarpstæki eiga, og lágt reiknað eru að meðaltali fjórir,
sem hafa gagn af hverju tæki, eða með öðrum orðum, um
helmingur borgarbúa hlustar þar á útvarp. Á síðasta ári fjölS"
aði útvarpsnotendum í Evrópu samtals um meir en fjórðung,
en í mörgum löndum um nærri þriðjung. Þessar fáu tölur lýsa
þýðingu útvarpsins betur en mörg orð og myndir. Það lig9ur
nærri að líkja útvarpinu við prentlisíina. Það voru víst ekki
margir meðal samtíðarmanna Gutenbergs, sem gerðu sér fulla
grein fyrir hinum geysilegu áhrifum, sem prentun bóka og
blaða átti að koma til að hafa í menningarsögu síðari alda,
og eins er það sennilegt, að okkur sé ekki enn ljóst nema lítið
brot af þeim víðtæku möguleikum, sem útvarpið felur í ser'
Útvarpið er nú orðið ómissandi liður í lífi þjóðanna; uieð
því hefur mannkynið öðlast nýtt og sérstaklega áhrifamikið
meðal til að láta í ljósi hugsanir og tilfinningar, og mennirnir
munu ekki sleppa því aftur úr greipum sér, en leitast við að
bæta það og fullkomna eftir mætti. Möguleikinn til þess að

Gunnlaugur Briem.