Eimreiðin - 01.07.1928, Qupperneq 43

eimreiðin
FRÁ GRÍMSEV
235
skýjunum, og síldin glitrar á þiljum uppi. — Þetta setur sinn
svip á eyna.
Og samgöngurnar verða örari og örari. — Yfir sumarmán-
uðina eru ferðir oft vikulega, aðallega vélbátar Húsavíkur-
verzlananna og vélbátar eyjarmanna, auk strandferðaskipsins
*Unnur«, — að >Esju« ógleymdri.
Þó skortir ærið á, að sambandið við land sé eins og æski-
legt væri. — Það verður það eigi fyr en loftskeytin koma, —
eru þau ofarlega í hug margra eyjarbúa nú. — Vetrarferðir
enn óvissar og ótryggar, vanalega engar mánuðina nóvember,
dezember og janúar.
En svo kemur vorið, — annirnar, sólskinið og þreytan.
Hvergi á Norðurlandi mun nú meiri atgangur og hamfarir við
þorskveiðarnar en hér yfir mánuðina apríl og maí, 3—4 síð-
«stu árin. — Veiðin er óhemja, — margir tugir vélbáta og
skipa, margir tugir árabáta hlaða sig af glampandi gulum
þorskinum dag eftir dag, nokkur hundruð faðma frá landi. —
Nótt eftir nótt er vakað. Húsin fyllast af þorski og salti,
bjóðum og beitusíld. Víkin fyllist af slori, og innan um það er
•ðandi kös af mönnum og möðkum. Sundið er flekkótt af
bátum á flugferð til eyjar eða frá ey. — Fara með fisk. Koma
Weð beitu. Hvítlöðrið streymir um kynnungana. — Þorskur,
sólskin og síld.
VI.
Skák! — Að segja frá Grímsey og Grímseyingum án þess .
að minnast á skák! — Er það hægt? — Allur þorri manna
hefur varla heyrt Grímseyinga getið í sambandi við annað
en skák.
Eg gæti lýst þeim frá öllum hliðum nema þessari, sagt af
t>eim allar sögur nema þá, — hrósað þeim fyrir alt nema
það. — Ég hef verið hér að mestu í fjögur ár og get tæp-
lega sagt, að ég hafi séð hér teflda skák, að undanskildu einu
heimili, þar sem alt eru viðvaningar.
Hvað veldur? — Umrótið, — annirnar, — fjölþættara hugs-
analíf, — auknar skemtanir o. s. frv. Það verður eina svarið,
eina vörnin.