Eimreiðin - 01.10.1959, Síða 70

308
EIMREIÐIN
gera sér grein fyrir hver morðinginn muni vera og mun það
að minni hyggju verða mörgum alleríitt viðfangsefni.
Leikenda skal nú getið í þeirri röð, sem þeir konta á sviðið.
Konu gistihússeigandans, Mollie Ralston, leikur Arnhifdur
Jónsdóttir við lítinn orðstír. Hlutverkið gefur livað eftir ann-
að tilefni til að sýna tilfinningahita, meðaumkun, undrun,
forvitni, angist, ástúð, þrúgun og skelfingu. Arnhildi tekst
ekki að sýna neitt af þessu. Hún er aðeins sæmilega skýr flytj-
andi utanaðlærðs hlutverks, ekki leikari. Hún á drýgstan
þátt í því að spilla heildaráhrifum leiksins.
Mann hennar, Giles Ralston, leikur Sigurður Grétar Guð-
mundsson. Aðalgalli hans er að framsögnin er óskýr, liann
þarf að læra að tala áður en hann tekur að sér næsta hlutverk
á sviðinu. Auk þess eru hreyfingar hans stirðlegar en við og
við bregður fyrir svipbrigðum, sem gætu bent til þess, að
manninum væri ekki alls varnað sem leikara þegar liann hef-
ur náð viðunandi tökurn á framsögn móðurmálsins.
Kristófer Wren leikur Björn Magnússon af fjöri og lipur-
leika, sem vel hæfir hlutverkinu.
Hæst rís þó leikmeðferðin í leik Ingu Blandon. Frú BoyR
hefur séð fífil sinn fegri á yngri árurn meðan hún gengndi
ábyrgðarmiklu starfi í þágu liins opinbera. Þegar við kynn-
umst henni er hún taugaveikluð og skjálfhent, gröm við allt
og alla og skeytir skapi sínu á hverjum sem er, í einu orði
sagt regluleg norn. Ingu Blandon hefur tekizt að gera kerlingu
það sennilega, að flestum mun standa stuggur af henni og
láta sig litlu skipta þótt hún sé kyrkt í lok fyrsta þáttar. Slíkui'
skapgerðarleikur er ekki á margra færi og mun Inga verða
mörgum minnisstæð fyrir þessa túlkun.
Árni Kárason leikur Metcalf major, lítið hlutverk, sem ekki
veitir tilefni til sérstakra átaka, en Árni skilar því eins og
efni standa til.
Hugrún Gunnarsdóttir leikur ungfrú Casewell, greinda og
hvatvíslega stúlku, sem virðist vita hvað liún vill. Hugrún
leikur rösklega, sérstaklega eru svipbrigði hennar góð í sam-
bancli við hárlokkinn. Hins vegar er framsögnin óskýr og
mjög til lýta.
Paravicini á fyrst og fremst að vera öðruvísi en hitt fólkið