Eimreiðin - 01.10.1959, Síða 78

Þann 10. okt. s. 1. fór fram doktorsvörn við heimspekideild
Háskóla íslands, er Robert Abraham Ottóson varði ritgerð
sína nm npphaf og gerð Þorlákstíða. Athöfn þessi var hin
merkasta á ýrnsa Innd. Einn merkasti fræðimaður um litur-
giskan söng, dr. Stáblein í Erlangen, var fenginn til andmæla,
ásamt guðfræðiprófessor Magnúsi Má Lárussyni. Var þannig
leitað út fyrir heimspekideildina í þetta sinn, enda í fyrsta
sinn að þessi grein fræða er tekin til meðferðar við háskólann
hér. Efni ritgerðarinnar liggur að jöfnu í ísl .fræðum og gre-
goriskum söng eða miðalda-liturgíu. Dr. Stáblein fjallaði urn
þá hlið efnis, er að tónlist lýtur, en próf Magnús Már að
Jiinni íslenzku sögulegu.
Niðurstöður voru m. a. þær, að fyrirmynd að Þorlákstíðum
er að finna í messusöng Dominikanamunka, vinzað úr og að-
felld ísl. háttum. Texti og sönglínur eru svo vel samhæfð, að
vart getur hafa verið nema einn höfundur verksins, e. t. v.
tveir og þá mjög samhæfðir menn. — Þorlákstíðir munu samd-
ar á síðari hluta 14. aldar eða fyrstu tveim áratugum 15. Þær
voru sungnar á hinum tveim hátíðadögum Þorláks biskups
helga, 20. júlí og 23. des., einkum í klaustrum.
Andmælendur luku miklu lofsorði á verk doktorsefnis og
töldu það traustan grundvöll að frekari rannsóknum á þessum
lítt könnuðu fræðum.
Ritgerðin kom út s. I. sumar á vegum Árnasafns hjá Einari
Munksgaard í Khöfn. Ritið, sem er hið vandaðasta, hefst a
ljósprentun af handritum, en því lýkur með tíðasöngnum,
umrituðum í nútímanótnaletur.
Fjöldi brota af gömlum messusöngsliandritum er að finna
í landsbóka- og þjóðminjasafninu. Magnús Már Lárusson fann