Ægir - 01.02.1980, Page 10

Innfjarðarækjan
í þessu tbl. Ægis er að finna margvíslegan fróðleik
um rækjuveiðar og rækjurannsóknir, einkum þó
innfjarðar. Minna má á, að á s.l. ári birtist í Ægi
greinaflokkur um djúprækju. Þótt þær veiðar hafi
ekki borið þann árangur, sem vænzt var, getum við
þó lifað í voninni um betri tíð í því efni, a.m.k. um
sinn, þar sem náttúruleg skilyrði hér við land virðast
ekki frábrugðin þeim sem er að finna víða annars-
staðar við norðanvert Atlantshaf þar sem veiðar
djúprækju hafa gefið góða raun.
Margt hefur breytzt frá því að rækjuveiðar hér við
land hófust fyrst í ísafjarðardjúpi á fjórða áratug
þessarar aldar. Tækni við veiðarnar hefur breytzt
mjög til hins betra, fleiri veiðislóðir hafa fundizt
víða umhverfis landið, þótt án efa séu ekki öll kurl
komin til grafar í því efni. Rækjuaflinn hefur stór-
aukizt, svo og vinnsla og útflutningur rækjuafurða.
Þá hefur aukið kapp verið lagt á vísindalegar rann-
sóknir á rækjustofninum og þekking á lífsvenjum
og veiðiþoli hans hafa vaxið.
Markaðir fyrir íslenzka rækju hafa frá upphafi
verið helztir í löndum V.Evrópu, framan af fyrir
niðursoðna rækju, en á síðustu áratugum hefur
mestur hluti aflans verið frystur.
Um alllangt skeið voru Bretland og Norðurlönd
helztu kaupendur frystrar rækju og hélzt svo á með-
an þessi lönd voru þátttakendur í Fríverzlunarsvæði
Evrópu (EFTA). Hinir tiltölulega háu innflutnings-
tollar Efnahagsbandalagsins ollu margvíslegum
erfiðleikum í viðskiptum við bandalagsríkin. Með
inngöngu Bretlands og Danmerkur í Efnahags-
bandalagið, þrengdist markaður fyrir rækju í þeim
löndum verulega. Eftir að viðskiptasamningur ís-
lands við EBE hvað varðar sjávarafurðir tók gildi
um mitt ár 1976, hefur rækjuútflutningur til banda-
lagsríkjanna hinsvegar vaxið hröðum skrefum, eins
og meðfylgjandi tafla um útflutning frystrar rækju
ber með sér. Þá er Svíþjóð og mikilvægt markaðs-
land í þessu efni.
Rækjuútflutningur í lestum (frystur)
Lönd 1975 1977 1979
tonn tonn tonn
Danmörk 69 138 307
Noregur 84 128 28
Svíþjóð 631 488 439
Bretland 188 389 534
V.Þýskaland 33 163 237
Önnur EBE-lönd 42 63 50
önnur lönd 8 17 44
1055 1386 1639
Gerist áskrifendur að tímaritinu ÆGI
,,ÆGIR" mun nú vera eitt elsta tímarit sem gefiö er út hér á landi, en fyrsta tölublaöið kom út í júlí 1905.
Kom ,,ÆGIR“ reglulega út i hverjum mánuði til ársins 1909, en þá varð smáhlé áútgáfunni, þartil í ársbyrjun
1912, en frá þeim tíma hefur „ÆGIR" komið út óslitið og verið gefinn út af Fiskifélagi íslands.
Margir af elstu árgöngum ,,ÆGIS“ eru upþseldir fyrir löngu, en fáanleg eru örfá eintök af árgöngunum
frá 1919 til 1923 (milli 10 og 20),svo og árinu 1931 (10). Fráárinu 1932 til 1947eru fyrirliggjandi um50eintök
af hverjum árgangi, en af yngri árgöngunum eru til um og innan við 100 eintök.
Þeir, sem áhuga hafa á að eignast framanskráða árganga ættu að hafa samband við Fiskifélag Islands
sem fyrst og munu gamlir áskrifendur tímaritsins ganga fyrir, svo þeim gefist kostur á að fá þá árganga sem
þá kann að vanta inní safn sitt.
Hver árgangur verður seldur á 2000 kr.
FISKIFÉLAG ÍSLANDS
66 — ÆGIR