Ægir - 01.11.1983, Side 50

Afmæliskveðja
Magnús Magnússon,
fískiþingsfulltrúi
75 ára
Magnús Magnússon, Laufási Eyrarbakka varð 75
ára h. 28. júní s.l. Hann fæddist að Ósgerði í Ölfusi
1908 og ólst þar upp til sex ára aldurs. Þá missti hann
föður sinn og fluttist að Núpum í Ölfusi. Nokkru síðar
fluttist hann með móður sinni til Eyrarbakka og hefur
alið aldur sinn þar æ síðan.
Á yngri árum stundaði Magnús sjóinn frá Eyrar-
bakka, en var einnig á togurum m.a. á „Surprise“ og
„Garðari“ með hinum landskunna skipstjóra Sigur-
jóni Einarssyni.
Á Eyrarbakka tók Magnús mikinn þátt í félags-
málum staðarins og var þar frammámaður um marga
góða hluti plássinu til framdráttar. Hann var m.a.
einn af aðalhvatamönnum að stofnun Hraðfrystihúss
Eyrarbakka og sat lengi í stjórn þess fyrirtækis. í sam-
vinnu við Jón Guðjónsson á Skúmstöðum lét hann
smíða bátinn ÆGI á Eyrarbakka og gerðu þeir hann
út í sameiningu um árabil. Ennfremur rak hann lengi
umfangsmikla vikursteinagerð á Eyrarbakka, svo og
stundaði hann mikla kartöflurækt.
Árið 1962 stofnaði hann Sandsöluna í Reykjavík,
sem hann rekur nú undir nafninu Sandur s.f. Þar
hefur hann verið stjórnarformaður frá upphafi og
vinnur enn þar fullan vinnudag.
Um árabil hefur hann stundað laxveiði í net í Ölfus-
árósum á sumrin og stundar enn, enda maður líkam-
lega velásig kominn.
Magnús hefur um áratugaskeið látið málefni sjáv-
arútvegsins sig miklu skipta og m.a. tekið virkan þátt
í starfi fiskideilda Fiskifélags íslands í Sunnlend-
ingafjórðungi og átt sæti í stjórn þeirra í yfir 30 ár.
Hann tók fyrst sæti á Fiskiþingi 1949 og sat öll þing allt
til ársins 1980. Magnús er góður ræðumaður og á
einkar hægt með að láta álit sitt rökfast og skýrt í ljós,
enda vel kunnugur málefnum sjávarútvegsins eftir
áratuga störf í sambandi við hann. Margar eru þær til-
lögur og samþykktir Fiskiþings er Magnús hefur átt
mikinn þátt í að móta og koma í framkvæmd til hags-
bóta fyrir íslenskan sjávarútveg.
Magnús er kvæntur Borghildi Thorarensen og eiga
þau einn son, Sigurð Magnús.
Stjórn og starfsfólk Fiskifélags íslands sendir
Magnúsi og fjölskyldu hans bestu árnaðaróskir og
þakkar áratuga ánægjulegt samstarf.
UniTOR
Björgunar-
föt
Vidurkennd af
Siglingamála-
stofnun
íslands.
Veitum allar
upplýsingar
Friörik A. Jónsson h.f.
Skipholti 7, Reykjavik,
Símar 14135 — 14340.
610-ÆGIR