Ægir - 01.02.1991, Side 40

92
ÆGIR
2/91
vinnslu slíkra verðauka pakkninga í
framtíðinni. íslenskar sjávarafurðir
hf. munu leggja mikla áherslu í
framtíðinni á aukið starf á þessum
vettvangi.
Bandaríkin
Heildarsala lceland Seafood
Corporation dróst lítið eitt saman
að magni til milli ára eða úr 82.9
millj. punda í 77.8 millj. Þrátt fyrir
minna magn jókst verðmætið um
4%, fór úr 132.7 milljónum í
138.1 millljón dollara.
Starfsemi fyrirtækisins er
tvíþætt. Sala á flakapakkningum
og framleiðsla og sala fiskrétta
sem framleiddir eru aðallega úr
blokkum.
Vegna mikilla hækkana á fisk-
flökum í Evrópu á síðasta ári og
aukinnar framleiðslu fyrir markaði
þar, skapaðist vöntun hjá fyrir-
tækjum um eða upp úr miðju ári
og hélst út árið. Segja má að lagt
sé upp á nýju ári með afar litlar
birgðir.
Asía
Söluskrifstofa sjávarafurða-
deildar (nú íslenskar sjávarafurðir
hf.) í Reykjavík sá um sölu til Asíu.
Aðalviðskiptalöndin eru Japan,
Taiwan og Kórea. Útflutningur
árið 1990 varð 8.870 tonn en var
12.880 tonn árið áður. Ástæða
þessa samdráttar er meðal annars
mun minni grálúðuveiðar og nán-
ast engin loðnuframleiðsla. Aðrar
tegundir sem seldar eru til Asíu
eru aðallega karfi, flatfiskur og
síld.
Vegna minni grálúðufram-
leiðslu á íslandi, hélst verð á grá-
lúðu mjög hátt fram eftir árinu en
féll síðan í lok ársins. Aðrar þjóðir
fylltu í skörðin með auknum veið-
um. Sala hefur skipst þannig að
Japanir kaupa smærri lúðuna en
Taiwanbúar þá stærri og mun
fljótlega koma í Ijós hvort þessir
markaðir ná að jafna sig fyrir nýja
vertíð á íslandi.
Sovétríkin
Útflutningur dróst mjög mikið
saman, varð 1.900 tonn á móti
3.230 tonnum árið áður. Eins og
kunnugter affréttum réyndist erfitt
að ná fram greiðslum fyrir fisk sem
afskipað var um mitt ár. Var því
ákveðið að stöðva framleiðslu þó
ekki væri búið að framleiða upp í
gerða samninga. Mjög óljóst er
um framhald Sovétviðskiptanna
og ekki ástæða til að reikna með
þeim í sama formi og þau hafa
verið til fjölda ára.
Hér að framan er tafla sem sýnir
verðmæti og magn útflutnings
Sjávarafurðadeildar árin 1990 og
1989, svo og iínurit sem sýnir
skiptingu frystra afurða á einstök
markaðssvæði sömu árin.
Sjófryst beita
- ferskari en fersk
Seefreeze sérhæfir sig í úrvals sjófrystum beitu-
smokkfiski.
Ferskleiki og gæði beitunnar eru undirstaða
árangurs.
Seefreeze uppfyllir óskir kröfuharðra sjómanna
með því að sjófrysta beituna um borð í togurum
útgerðarinnar.
Sjókælitankar í togurum Seefreeze verndar fersk-
leika beitunnar þar til smokkfiskurinn er unninn
og frystur í handhægar 12 kg pakkningar.
Höfum afgreitt úrvals beitu um allt ísland í 3 ár.
Umboðsaðili á íslandi er: Jöklar hf., Aðalstræti 6,
sími (91)21420 og fax (91)625499.