Tímarit lögfræðinga - 01.10.1954, Qupperneq 19

Björn Þórðarson, dr. jur., fyrrv. forsætisráðh.:
Tvö hundruð ára afmæli
Magnúsar dómstjóra Stephensens.
Segja. má, að þetta afmæli sé alllangt undan því að ekki
eru liðin 200 ár frá fæðingu Magnúsar Stephensens fyrr
en 27. desember 1962. En þó þetta sé svo, mun það vera
tímabært að minna á þetta nú þegar og einmitt í tímariti
Lögmannafélags Islands. Það er margbrotið og vandmeð-
farið efni að gera minningu þessa manns fullkomin og
viðeigandi skil. Málið er þannig vaxið, að það krefst mikils
starfs og víðtækrar rannsóknar.
1 æviágripi Magnúsar Stephensens, sem birtist í Nýj-
um Félagsritum 1846, 18 árum eftir andlát hans, segir
Jón Sigurðsson: „Allir eru samdóma um það, a'ö Magnús
Stephensen hafi veriö einn hinn merkasti maöur, sem ver-
ið hefur á fslandi“.
Þeir munu fáir nútímamanna á Islandi, sem af eigin
þekkingu geta dæmt um það, hvort þessi dómur hefur
við tvímælalaus rök að styðjast. Flestir eða allir munu
þó trúa því, að hann sé réttur, því að hann er feldur af
dómbærasta manni 19. aldar um menn og málefni sögu
vorrar frá upphafi.
Árið 1933, það er 100 árum eftir dauða Magnúsar Step-
hensens, ritar dr. phil Þorkell Jóhannesson um hann í
Skírni. 1 niðurlagi ritgerðarinnar farast honum orð á þessa
leið: „Flest það, sem Magnús Stephensen barðist fastast
fyrir, er nú fengið. Verzlunin er orðin innlend. Atvinnu-
vegunum komið í nýtízku horf. Menntun aukin og bætt,
og sniðin að hætti menntaðra þjóða. Það er erfitt að vita
með vissu, hvaða þátt barátta Magnúsar Stephensens á
í þessum árangi’i. Einhvern tíma verður það gert upp.