Tímarit lögfræðinga - 01.10.1954, Blaðsíða 21

laganna bæru síðan saman ráð sín um, hvernig það skyldi
upp tekið og hafizt handa um undirbúning framkvæmda.
Og þá væri ráðlegast, að lögfræðingafélögin og háskólinn
tæki höndum saman um málið. Er það þá komið í umsjá
þeirra aðila, þar sem því er borgið. Er óþarft að hafa hér
fleiri orð um, en þó skal því viðbætt, sem á eftir fer.
Til þess að fá sannasta alhliða mynd af Magnúsi Step-
hennar í þessu máli mundi fjáröflun takast léttilega. Þá
að líta, og góðir menn á ýmsum sviðum að leggja fram
sinn skerf til skýringar og skilningsauka. Þetta hlýtur að
kosta allmikið fé. Fyrst og fremst krefst heimilda- og
gagnasöfnun innan lands og utan mikillar vinnu. Þó má
ætla, að ekki þurfi að óttast, að framkvæmdir þurfi að
stranda á fjárskorti. Lögfræðingastéttin er orðin talsvert
fjölmenn í landinu og á víða ítök. Með einhuga átaki
hennar í þessu máli mundi fjáröflun takast léttilega. Þá
koma hér einnig aðrir öflugir aðilar til greina, sem mundu
láta málið til sín taka, ef eftir væri gengið, svo sem hin
núverandi þróttmikla verzlunarstétt landsins og kaupfé-
lögin. Ekki skulu nefndir fleiri aðilar að þessu sinni, sem
þó mætti greina og líklegir eru til að styðja málið í verki
á sínum tíma.
Þegar komizt hefur verið að fastri niðurstöðu um, að
umrætt verk skuli unnið, ætti þegar að hefjast handa um
fjáröflunina. Það er nauðsynlegt vegna þess, að ekki má
búast við, að eftirsóknarverðir starfsmenn og höfundar
að hinu fyrirhugaða verki séu yfirleitt svo velstæðir efna-
hagslega, að þeir megi verja tíma til viðfangsefnis síns,
nema þeir fái laun greidd eftir því sem þeim sækist starf-
ið. Hins vegar má ætla, að engu þurfi að kvíða um útgáfu
verksins, þegar svo langt er komið, að hana megi hefja.
Hér læt ég máli mínu lokið.
Björn Þórðarson.