Tímarit lögfræðinga - 01.10.1954, Qupperneq 33

frá kl. 9,30 til kl. 12 og kl. 13 til 15. Var fyrst tekið fyrir
mál, sem verið hefur á döfinni undanfarin þrjú ár, til-
laga um að semja samræmt yfirlit yfir stjórnskipun
og stjórnarfar Norðurlandanna. Tillaga þessi var fyrst
borin fram af Johannes Dannevig, tollstjóra í Noregi,
og var hún nú komin á þann rekspöi, að samráð yrði haft
við Norðurlandaráðið um samning slíks yfirlits. Var því
lýst yfir af formanni norsku deildarinnar, að málinu hefði
verið hreyft við ráðið, og einn dönsku stjórnarmannanna
tilkynnti, að frá þeirra hendi yrði málinu einnig hreyft.
Skoðanir manna voru óskiptar um það, að yfirlitið þyrfti
að vera í því formi, að það væri aðgengileg og handhæg
bók, sem embættismönnum ríkjanna yrðu auðveld not að.
Stjórnin ályktaði, að þótt málið yrði nú lagt á herðar
Norðurlandaráðsins, fyrst og fremst vegna þess, að því
eru búnir betri möguleikar til að hrinda verkinu í fram-
kvæmd, yrði sambandið haft með í ráðum um fyrirkomu-
lag, val á þeim, sem verkið ynnu, o. s. frv.
Formaður sænsku deildarinnar gerði nú grein fyrir því,
hvenær allsherjarmótið mundi verða í Stokkhólmi næsta
sumar og hver fyrirlestraefnin myndu verða. Mótið er
ráðgert dagana 25.—27. ágúst 1955. Fyrirlestrarefnin eru
þessi:
1. Ministerstyret i teori og praktik.
2. Tilsynet med kommunalforvaltningen.
3. Jáv (Inhabilitet) i förvaltningen.
4. Administrative domstoler.
5. Socialvárden (eða þrengra efni innan þess ramma).
Gert er ráð fyrir einum fyrirlesara frá hverju landanna
og var Islandi ætlað síðasttalda efnið.
Næst á dagskrá var styrkjaúthlutun, en nú eru veittir
þessir styrkir árlega til stuttrar námsdvalar í einhverju
landanna: 2 frá Danmörku, dkr. 750.00 hvor, 1 frá Finn-
landi, 40.000.00 finnsk mörk, 2 frá Noregi, nkr. 750.00 hvor,
2 frá Svíþjóð, svkr. 500.00 hvor og 1 frá íslandi, ísl. kr.
1.500.00. Einn íslenzkur umsækjandi fær styrk árlega, og
hefur það verið svo undanfarin 5 ár.
159