Tímarit lögfræðinga - 01.04.1956, Blaðsíða 32

Einar B. Guðmundsson hrl., Vilmundur Jónsson, land-
læknir og Jón Ásbjörnsson hæstaréttardómari lásu upp
hver um sig skriflega greinargerð fyrir afstöðu sinni til
afgreiðslu málsins og Vilhjálmur Jónsson hrl., las upp
sameiginlega greinargerð sína og Sigtryggs Klemenzsonar.
Samþylckt var að greinargerðir þessar skyldu færðar inn
í gjörðabók landskjörstjórnar eftir að atkvæðagreiðsla um
málið hefði farið fram.
Bar oddviti landskjörstjórnar þá upp sameiginlega til-
lögu Einars B. Guðmundssonar og Vilmundar Jónssonar
um að báðir flokkarnir, Alþýðuflokkurinn og Framsóknar-
flokkurinn, skyklu hafa livor sinn landslista við alþingis-
kosningarnar 24. júní n. k. með þeim áskilnaði að atkvæða-
tölur beggja flokkanna yrðu samanlagðar við úthlutun upp-
bótarþingsæta og þeim úthlutað uppbótarþingsætum í
einu lagi samkv. því.
Tillagan var felld með 3 atkvæðum gegn 2. Einar B.
Guðmundsson og Vilmundur Jónsson greiddu tillögunni
atkvæði með skírskotum til greinargerða sinna. Á móti til-
lögunni greiddu atkvæði Jón Ásbjörnsson og vísaði til
greinargerðar og Sigtiyggur' Klemenzson og Vilhjálmur
Jónsson og vísuðu þeir til sameiginlegrar greinargerðar.
Bar oddviti þá upp sameiginlega tillögu Sigtryggs
Klemenzsonar og Vilhjálms Jónssonar um að Alþýðu-
flokkurinn og Framsóknarflokkurinn skuli hafa hvor um
sig landslista og þeir merktir samkvæmt 39. gr. kosninga-
laga og landslistum þessum úthlutað uppbótarþingsætum,
ef til kemur hvorum um sig samkv. 126. gr. kosningalaga.
Tillagan var samþykkt með 3 atkvæðum gegn 2.
Sigtryggur Klemenzson og Vilhjálmur Jónsson greiddu
tillögunni atkvæði með vísan til greinargerðar, Jón Ás-
björnsson greiddi tillögunni atkvæði með vísan til grein-
argerðar sinnar, svo og með áskilnaði um tillögu, er hann
mun bera fram um lista Alþýðuflokksins í Reykjavík og
lista Framsóknarflokksins í Árnessýslu.
94