Tímarit lögfræðinga - 01.08.1983, Blaðsíða 9

t
GUÐMUNDUR BENEDIKTSSON
Guðmundur Benediktsson lögfræðingur og
fyrrv. borgargjaldkeri í Reykjavík lést þann 27.
nóv. 1981 eftir skammvinn veikindi. Með hon-
um er genginn einn elsti og traustasti starfs-
maður Reykjavíkurborgar, sem gegndi miklu
ábyrgðar- og umsvifastarfi fyrir Reykvíkinga á
langri ævi, og fórst honum það ætið vel úr
hendi.
Guðmundur Benediktsson var fæddur 29.
janúar 1898 í Stóra-Hálsi í Grafningi. Voru for-
eldrar hans Benedikt Eyvindsson bóndi þar og
kona hans Margrét Gottskálksdóttir, bónda að
Sogni í Ölfusi. Foreldrar Guðmundar fluttu bú-
ferlum að Gljúfurárholti í Ölfusi vorið 1898
skömmu eftir að hann fæddist og bjuggu þar
um 20 ára skeið. Ólst Guðmundur þar upp hjá
þeim. En vorið 1918 brugðu þau hjón búi og fluttu til Hafnarfjarðar, þar sem
þau stunduðu almenna vinnu.
Guðmundur braust til mennta óstuddur og af eigin rammleik, oft við erfiðar
aðstæður. Á námsárunum stundaði hann sjósókn, verkamannavinnu og kennslu
til þess að standa undir kostnaði við námið og skólagönguna. Guðmundur var
í 3. bekk Flensborgarskólans í Hafnarfirði veturinn 1917-1918 og lauk þaðan
gagnfræðaprófi. Sama vor tók hann inntökupróf í 4. bekk Menntaskólans í
Reykjavík. Hann var í 4. bekk skólans veturinn 1918-1919. Las síðan að mestu
utanskóla og lauk stúdentsprófi vorið 1922. Hóf síðan nám i lögum við Háskóla
íslands og lauk þar lagaprófi 10. júní 1926 með I. einkunn.
Haustið 1926 stofnaði Guðmundur eigin málflutningsskrifstofu í Reykjavík
og lagði jafnframt fyrir sig blaðamennsku. Skrifstofuna rak hann til ársins 1930,
eða þar til hann gerðist bæjargjaldkeri í Reykjavík.
Þegar Frjálslyndi fiokkurinn var stofnaður árið 1926 gekk Guðmundur í hann
og gerðist jafnframt ritstjóri málgagns flokksins, vikublaðsins íslands. Hann
ritaði í blaðið margar greinar um stjórnmál og um sjálfstæðisbaráttuna. Var
ákveðinn skilnaðarmaður og lýðveldissinni. Guðmundur var ritstjóri blaðsins til
1930, en þá var útgáfu þess hætt. Á sviði blaðamennskunnar og stjórnmálanna
var hann á þessum árum og einnig síðar mjög virkur og afkastamikill. Hann
gekk í Sjálfstæðisflokkinn við stofnun hans 1929 og gegndi síðan um áratuga-
skeið fjölmörgum trúnaðarstörfum fyrir flokkinn í Reykjavík. Er þessum störf-
um hans og áhugamálum á stjórnmálasviðinu itarlega lýst í minningargrein um
hann í Morgunblaðinu 6. des. 1981 eftir Torfa Hjartarson fyrrv. tollstjóra. Verða
þau þess vegna ekki rakin hér nánar.
Hinn 1. júlí 1930 var Guðmundur Benediktsson skipaður bæjargjaldkeri í
Reykjavík (síðar borgargjaldkeri). Gegndi hann þessu umsvifamikla ábyrgðar-
3