Tímarit lögfræðinga - 01.08.1983, Blaðsíða 42

skyldu hans, eftir því sem aðstæður leyfðu. En mikil fjarlægð var á milli
Lóns og Eyjafjarðar, og hefur það torveldað tíð samskipti þeirra á milli.
Það er annars forvitnilegt hvað olli þessum tengdum. Vera má, að Úlf-
ljótur hafi talið vænlegt fyrir framgang áhugamála sinna að eiga vin-
áttu Helga þar nyrðra. Hann hafi því talið tengsl sonar síns við hann
mikilvæg og jafnvel hlutast til um kvonfang Gunnars.
Úlfljótur þekkti Þórð skeggja, sem hann keypti Lónlönd af. Hann
var fluttur vestur í Skeggjastaði um hálfum öðrum áratug áður en Úlf-
ljótur hóf för sína. Ekki er vitað um tengsl eða frændsemi þeirra á
milli. Náin kynni hafa varla verið á milli þeirra, sem bjuggu svo fjarri
hvor öðrum.
Þó Þorsteinn Ingólfsson hafi e.t.v. ekki verið frændi Úlfljóts, þarf
ekki að efast um, að honum hafi verið kunnugt um tengsl Helgu, föð-
ursystur sinnar, við Úlfljót, sem líklega var systrungur Hjörleifs manns
hennar. Auðvitað hefur hann líka þekkt atburðina við Hísargafl í Noregi
og liðsinni ölmóðs, móðurbróður Úlfljóts, við föður sinn og Hjörleif
(I, 28). Þorsteinn hefur því þekkt vel deili á Úlfljóti og sennilega hafa
þeir líka verið kunnugir (Skírnir 1929, 162). Úlfljótur hefur sennilega
haft spurnir af þinghaldi Þorsteins á Kjalarnesi. I sögunum er ekkert
sagt af samskiptum þeirra.
Þeir menn sem hér hafa verið nefndir hafa sennilega allir vitað um
fyrirhugaða ferð Úlfljóts til Noregs og erindi hans þangað. Sumir þeirra
hafa haft samband við Úlfljót og við þá hefur hann ráðgast um ferð
sína. Auk þessara manna hefur Úlfljótur þekkt ýmsa helstu höfðingja
í Austfirðingafjórðungi og rætt við þá og ráðgast um ferðina.
Sögunum ber saman um, að Úlfljótur hafi komið út með lögin til ís-
lands. Þær greina ekki frá því, að hann hafi verið sendur til þess að
semja lög og hafa þau heim með sér til landsins. Áðurnefnd frásögn
Þorsteins sögu uxafóts bendir þó sterklega til þess, að Úlfljótur hafi
farið þeirra erinda til Noregs. Það er aftur á móti hreint ekki víst, að
hann hafi verið sendur þangað þó að líkur bendi til þess, að svo hafi
verið.
IV.
I 4. hluta Landnámabókar segir, að það sé sögn manna, að Austfirð-
ingafjórðungur hafi fyrstur albyggður orðið (I, 175). I upphafi 5. hlut-
ar sömu bókar segir, að Austfirðir hafi byggst fyrst, en á milli Horna-
fjarðar og Reykjaness verið seinast byggt. Þar réð veður og brim land-
töku manna fyrir hafnleysissakir og öræfis (I, 202). Það er engin ástæða
til að rengja þetta. Stysta sigling frá Noregi til íslands var einmitt til
36