Tímarit lögfræðinga - 01.08.1983, Blaðsíða 16

fjallað sérstaklega um III. kafla laganna, þ.e. skaðabótaábyrgð flytj-
anda, en segja má, að sá kafli sé kjarni laganna. Auk þess er rætt
um aðrar réttarreglur, sem tengjast efni III. kafla LSL.
Lög nr. 24/1982 eru í aðalatriðum sniðin eftir dönsku og norsku
lögunum, svo sem áður getur. Islensku lögin eru þó ekki eins ítarleg,
jafnvel þótt aðeins sé miðað við þau ákvæði erlendu laganna, sem
eiga við um flutning innanlands. Þetta má telja til galla. Yfirleitt hefði
það verið til bóta að fylgja erlenda textanum nákvæmlega. I þessari
grein verður eigi gerður samanburður á texta íslensku laganna og
hinna skandinavísku, þótt stöku sinnum verði stuttlega vikið að efni
hinna síðarnefndu.
2. HELSTU HUGTÖK. AÐILAR FLUTNINGSSAMNINGS
Helstu hugtök sem notuð eru í LSL, eru í samræmi við það, sem
tíðkast á öðrum sviðum flutningaréttar. Eftirfarandi yfirlit er til
samanburðar:
Sigll. Loftfl. Varsjársamn. LSL
66/1963 34/1964 1929 24/1982
farmflytjandi flytjandi flytjandi flytjandi
(vöru)sendandi sendandi sendandi sendandi
viðtakandi viðtakandi viðtakandi móttakandi
farmskírteini flugfarmbréf flugfarmskírteini fylgibréf
farmur, vara, góss varningur farmur, vara vara, vörusending
f armgj ald f lutningsgj ald
Þann fyrirvara verður að gera við yfirlit þetta, að hugtök þessi eru
ekki alveg sambærileg. T.d. hefur fylgibréf skv. LSL ekki áhrif
sem viðskiptabréf með sama hætti og farmskírteini eftir sigll. I sjó-
flutningum eru stundum notuð fylgibréf, en um þau gilda ekki sömu
reglur og um fylgibréf samkvæmt LSL. Þá má nefna, að réttarreglur
um flugfarmbréf eru að verulegu leyti frábrugðnar því, sem gerist
um farmskírteini í sjóflutningum. Loks skal þess getið, að sjónarmið
um aðild að flutningssamningum eru ekki að öllu leyti sambærileg í
sjó-, loft- og landflutningum.
Um hugakið farmur og hliðstæð hugtök, t.d. vara (vörur), vöru-
sending og varningur er það að segja, að vitanlega skiptir engu máli
að lögum hvert þeirra er notað. Verða þau notuð sitt á hvað á eftir,
aðallega þó „farmur“ og „vörur“.
10