Tímarit lögfræðinga - 01.08.1983, Page 50

legt að læra lögin þar og þá svo vel, að hann gæti sagt þau réttiléga upp.
Hann hefur orðið að leita til Úlfljóts til þess að festa sér betur í minni
hin ýmsu ákvæði laganna. Hafi Úlfljótur sagt lögin upp í áföngum á
þremur sumrum hefur Ilrafni gefist góður tími til þess að undirbúa sig
undir lögsögumannsstarfið.
Upphaf lögsögu Hrafns og lok uppsögu Úlfljóts er miðuð við tvennt.
Annars vegar er miðað við dauða Edmundar konungs þannig, að lögsaga
Hrafns hafi hafist 60 árum eftir fráfall Edmundar. 1 Konungsannál seg-
ir, að það hafi verið 870. Samkvæmt því verður Hrafn lögsögumaður
930. Hinsvegar er miðað við fráfall Haralds hárfagra þannig, að Hrafn
hafi orðið lögsögumaður vetri eða tveimur árum áður. Samkvæmt sama
annál var fráfall konungs 931. Samkvæmt því tók Hrafn lögsögu 930
eða 929.
Stofnun Alþingis hefur verið miðuð við þann tíma, sem Úlfljótslög
tóku gildi og upphaf lögsögu samkvæmt þeim lögum fullfrágengnum.
Þar eð báðar ofanskráðar viðmiðanir hafa árið 930 verður varla nær
komist um stofnun Alþingis en það ártal.
44