Tímarit lögfræðinga - 01.08.1983, Page 13

Arnljótur Björnsson prófessor:
NÝ LÖG UM SAMNINGA
UM VÖRUFLUTNINGA Á LANDI
EFNISYFIRLIT
1. Inngangur ................................................... 7
2. Helstu hugtök. Aðilar flutningssamnings .................... 10
3. Gildissvið laganna o.fl..................................... 11
4. Eru lögin frávíkjanleg? .................................... 13
5. Yfirlit yfir efni laganna................................... 14
6. Ábyrgð flytjanda ........................................... 18
6.1. Bótagrundvöllur......................................... 19
6.2. Samningsákvæði um undanþágu frá ábyrgð ............... 22
6.3. Ábyrgð vegna dráttar ............................ 24
6.4. Ákvörðun bótafjárhæðar.................................. 24
6.5. Takmörkuð ábyrgð flytjanda.............................. 25
6.6. Hækkun hámarksábyrgðar flytjanda ....................... 26
6.7. Ábyrgð vegna afhendingar til rangs aðila o.fl......... 27
6.8. Ábyrgð vegna annarra vanefnda flytjanda............... 27
7. Efnisútdráttur ........................................... 27
1. INNGANGUR
Um flutning á mönnum eða munum með skipi, flugvél og bifreiðum
gilda um margt ólíkar lagareglur. Reglur um flutning farms eru í
heild fyrirferðarmeiri í löggjöf en réttarreglur um farþegaflutning.
Verður hér einungis fjallað um hinar fyrrnefndu. Sumar réttarreglur
um farmflutning eru sambærilégar og aðrar náskyldar. Má þar sér-
staklega nefna, að fyrirmyndir ýmissa reglna flugréttar eru sóttar til
sjóréttar og járnbrautarréttar. Ýmis rök mæla með því að lýsa farm-
flutningareglum sjóréttar, flugréttar og landflutningaréttar saman.
Hafa sumir fræðimenn gert það og nefnt fræðigreinina flutningarétt
eða samsvarandi erlendu heiti.1 Flutningaréttur er nýlegt hugtak í nor-
rænni lögfræði og eru takmörk efnissviðs hans ekki fullmótuð. Flest-
ir norrænir fræðimenn munu þó afmarka fræðigreinina flutningarétt
nokkuð þröngt, þannig að hún nái fyrst og fremst til þess, sem kalla
1 T.d. Kurt Grönfors. Allmán transportrátt. 5. útg. Stockholm 1977.
7