Tímarit lögfræðinga - 01.12.1984, Blaðsíða 55
Úr aðalstjórn gengu samkvæmt því: Steingrímur Gautur Kristjánsson og
Haraldur Henrýsson, og úr varastjórn Hrafn Bragason.
Endurskoðendur félagsreikninga voru endurkjörnir: Eggert Óskarsson og
Sigurður Sveinsson, borgarfógeti.
Að lokum voru teknar til umræðu tillögur til ályktana. Urðu um sumar þeirra
tillagna talsverðar umræður. Eftirgreindar ályktanir voru samþykktar á fund-
inum samhljóða:
1. Fundurinn telur, að hraða beri heildarendurskoðun dómstólaskipunar-
innar. Sú endurskoðun feli einkum í sér:
a. Aðskilnað dómstarfa og umboðsstjórnar I sem ríkustum mæli.
b. Lögtöku frumvarps til laga um lögréttu og verði það þá aftur megin-
regla, að Hæstiréttur fjalli fullskipaður um mál, sem til hans er skotið.
2. Fundurinn hvetur til, að hraðað verði endurskoðun laga um meðferð
opinberra mála, einkum með það fyrir augum:
a. að málsmeðferð á héraðsdómsstigi verði munnleg í ríkari mæli og
hlutur ákæruvalds þá að sama skapi meiri en nú er.
b. að komið verði á fullri greiningu milli lögreglustarfa og dómstarfa
við rannsókn og meðferð opinberra mála við alla dómstóla.
3. Fundurinn skorar á Alþingi að veita nauðsynlegt fé til byggingar dóm-
húss í Reykjavík, svo að byggingarframkvæmdir geti hafist í samræmi
við þingsályktun 29. aprfl 1977.
4. Fundurinn beinir þeim tilmælum til dómsmálaráðherra, að hann leiti
umsagnar félagsins um þau frumvörp, er varða dómstóla og réttarfar
og hann hyggst leggja fram á Alþingi.
5. Fundurinn fagnar því, að lögum um kjarasamninga opinberra starfs-
manna nr. 46, 25. apríl 1973 hefur verið breytt á þann veg, að Kjara-
dómur ákveður nú þorra félaga í D. R. laun, en telur miður, að nefnd
lagabreyting tók eigi til vararíkissaksóknara og saksóknara. Skorar
fundurinn því á dómsmálaráðherra að hlutast til um lagabreytingu til
leiðréttingar á þessu misræmi.
Bragi Steinarsson
229