Tímarit lögfræðinga - 01.06.1989, Qupperneq 21

laga um þetta efni (Lov om produktansvar). Má vænta þess, að það
verði samþykkt innan skamms.
Eftir frumvarpinu ber framleiðandi og eftir atvikum seljandi og
aðrir milliliðir hreina hlutlæga ábyrgð á tjóni, sem rakið verður til
gallaðs söluhlutar. Ábyrgðin tekur til líkamstjóns og tjóns vegna
skemmda á munum. Ákvæðin gilda þó aðeins um tjón á munum, sem
venjulega eru ætlaðir til einkanota, þ.e. ekki í atvinnuskyni. Munatjón
að fjárhæð 4.000 danskar kr. eða minna bætist þó ekki eftir reglum
frumvarpsins. Frumvarpið tekur ekki til tjóns af völdum landbúnaðar-
eða sjávarafurða og heldur ekki til tjóns af söluhlut, þegar hættueigin-
leikai' voru í fyrstu óþekktir. Efni frumvarpsins verður ekki rakið
frekar, en geta verður þess, að reglur þess skerða ekki rétt tjónþola
til að krefjast bóta á grundvelli réttarreglna, sem fyrir eru í Dan-
mörku, að því leyti, sem þær eru tjónþola hagstæðari en ákvæði frum-
varpsins.
1 Svíþjóð var á árinu 1978 komið á fót almennri slysatryggingu, sem
greiðir mönnum tjón af völdum hættulegra eiginleika lyfja.14 Allir
sænskir innflytj endur og seljendur lyfja standa undir kostnaði við
vátrygginguna. Slysatrygging þessi komst á með frjálsu samkomu-
lagi og engin ákvæði eru um hana í lögum. Um ákvörðun bótafjárhæðar
fer í stórum dráttum eftir reglum skaðabótaréttai’ utan samninga. Með
tilkomu vátryggingai’ þessarar kemur því ekki til krafna vegna tjóns
af lyfjum á grundvelli skaðabótaréttar. Hliðstæð vátrygging komst
á í Finnlandi árið 1984.15
Slysatrygging af þessu tagi leysir þó aðeins vanda takmarkaðs hóps
þeirra, sem bíða tjón af hættulegum eiginleikum söluhlutar.
NOKKUR HEIMILDARRIT
Arnljótur Bjömsson: Bótaábyrgð vegna vinnuslysa, sem hljótast af athöfnum sjálfstæðra
framkvæmdaaðila eða af bilun eða galla í tæki. Timarit lögfrœðinga 1979, bls. 174—205.
Dahl, B0rge: Produktansvar. Khöfn 1973.
Hellner, Jan: Skadest&ndsratt. 4. ótg. Stokkhólmi 1985. 16. kafli.
Magnús Þ. Torfason: Tillverkares och saljares ansvar för skadebringande egenskaper hos
sálda varor. Förhandlingarna vid det tjugosjdtte nordiska juristmötet i Helsingfors den
24—26 augusti 1972. Vammala 1975, bls. 466—472.
14 Oldertz, 222.
15 Samkvæmt hinum nýju norsku lögum, sem nefnd eru í neðanmálsgrein 13, skulu fram-
leiðendur lyfja, eða eftir atvikum innflytjendur, kaupa vátryggingu gegn líkamstjóni,
er hlýst af lyfjum. í lögunum eru nánari reglur um vátryggingu þessa.
99