Tímarit lögfræðinga - 01.05.1991, Síða 25

Rainer Voss er yfirdómari við landsrétlinn í
Dusseldorf og varaformaður þýska dómarafé-
lagsins. Hann situr í stjórn Alþjóðasambands
dómara og er formaður evrópudeildar þess.
Rainer Voss:
ÁBYRGÐ DÓMARA OG INNRI MARKAÐUR
EVRÓPUBANDALAGSINS
Grein þessi er að stofni til erindi sem höfundur flutti á námsstefnu Lögfræð-
ingafélags íslands um Evrópurétt í Viðey 28. september 1990 undir heitinu
Die Verantwortung der Richter im und fiir den europdischen Binnenmarkt.
Þann 31. desember 1992 verður væntanlega kominn á innri markaður
Evrópubandalagsins sem, samkvæmt 2. mgr. 8. gr. samningsins um stofnun
Efnahagsbandalags Evrópu (hér skammstafað EBE-samningurinn), á að ná yfir
svæði án innri landamæra, þar sem tryggð verða óheft vöru- og þjónustuvið-
skipti, óheftur fjármagnsflutningur og óheft för launþega. Með þessu er hafið
nýtt skeið í sögu sameinaðrar Evrópu, en markmið EBE-samningsins hefur
hingað til einungis verið að koma á aðstæðum sem líkustum heimamörkuðum
aðildarríkjanna. Samkvæmt skilgreiningu Evrópudómstólsins merkir hugtakið
sameiginlegur markaður' „afnám allra hindrana í viðskiptum innan bandalags-
ins með samruna hinna einstöku markaða aðildarríkjanna í einn samfelldan
markað, með skilyrðum sem líkjast sem mest forsendum raunverulegs heima-
markaðar."
Merking orðsins innri markaður í þessu samhengi skýrist best af reglunni um
upprunaland. Vörur og þjónusta uppfylla kröfur sameiginlega markaðarins ef
þær uppfylla kröfur upprunalandsins. Að því er óhefta för launþega og
1 EuGH 1982, 1405 (1431)
23