Tímarit lögfræðinga - 01.09.1992, Síða 72

AÐALFUNDUR LÖGFRÆÐINGAFÉLAGS ÍSLANDS 1991
Aðalfundur Lögfræðingafélags íslands var haldinn í Odda, stofu 101, fimmtu-
daginn 31. október kl. 17.15. Fundarefni var venjuleg aðalfundarstörf. Frammi
lágu í ljósriti: skýrsla stjórnar, reikningar félagsins og reikningar Tímarits
lögfræðinga. Fundarstjóri var kosinn Hrafn Bragason hæstaréttardómari en
fundarritari Ingvar J. Rögnvaldsson. Formaður félagsins Garðar Gíslason
borgardómari flutti skýrslu stjórnar.
Rétt þykir að geta hér sérstaklega þess nýmælis í störfum félagsins að hefja
samstarf við lögfræðingafélög á Norðurlöndum.
Gjaldkeri félagsins Dögg Pálsdóttir gerði grein fyrir endurskoðuðum reikn-
ingum félagsins, lýsti uppsetningu þeirra og rakti lið fyrir lið. Rekstrarárið var
frá 1. okt. 1990 til 25. okt. 1991. Tekjur voru alls kr. 2.904.020, en gjöld kr.
1.306.914. Hagnaður af rekstri félagsins var því kr. 1.597.106. Hrein eign
félagsins í lok rekstrartímabilsins reyndist vera kr. 3.335.180. Orðið var gefið
laust um reikninga félagsins en enginn tók til máls og voru reikningarnir
samþykktir.
Framkvæmdastjóri Tímarits lögfræðinga, Erla S. Árnadóttir, gerði grein fyrir
reikningum þess. Rekstrarniðurstöður almanaksársins 1990 greindust í tekjur
alls kr. 2.583.054, heildarkostnað kr. 1.636.178 og hagnað kr. 946.875. Eigið fé í
árslok var kr. 2.852.720. Talsverð tekjuaukning varð vegna lausasölu á vegum
Úlfljóts. Prentkostnaður hafði lækkað umtalsvert vegna hagstæðra samnninga
við prentsmiðjuna Gutenberg h.f. Það nýmæli var tekið upp að greiða ritlaun til
greinahöfunda. Tímaritið stendur vel og því hefur verið kannaður kostnaður við
endurútgáfu á eldri árgöngum. í lok máls síns vakti Erla athygli á áritun
endurskoðenda tímaritsins, en sú ákvörðun hafi þó verið tekin, að afskrifa ekki
áskriftargjöld fyrr en innheimta væri fullreynd. Reikningar voru síðan bornir
upp og samþykktir.
Fundarstjóri gerði grein fyrir ákvæðum laga félagsins um stjórnarkjör og
kynnti tillögu stjórnar um stjórnarmenn. Tillagan var samþykkt og eftirtaldir
kjörnir í stjórn:
Formaður Garðar Gíslason borgardómari. Varaformaður Skúli Guðmundsson
150