Tímarit lögfræðinga - 01.09.1992, Síða 74

TILKYNNING FRÁ LAGADEILD
Allmikil brögð eru að því, að notendur safndeildar Háskólabókasafnsins í
Lögbergi sinni ekki munnlegum eða skriflegum tilmælum um að skila bókum,
sem þeir hafa fengið að láni úr safninu. Af þessu hljótast mikil óþægindi fyrir
notendur safnsins og bókaverði. Ekki þarf að fjölyrða um nauðsyn þess að
lánþegar skili bókum án ástæðulausrar tafar.
Það eru því vinsamleg tilmæli til þeirra, sem hafa í höndum bækur úr
lagabókasafni, að þeir skili þeim nú þegar. Safndeildin í Lögbergi er opin frá kl.
10 til 16 mánudaga til föstudaga. Auk þess er unnt að skila bókum til
bókasafnsins í aðalbyggingu háskólans, en þar er opið frá 9-19 mánudaga til
föstudaga.
Arnljótur Björnsson
forseti lagadeildar
152