Tímarit lögfræðinga - 01.09.1995, Blaðsíða 34

deilumála. Með þeim breytingum sem gerðar hafa verið á áfrýjunardómstiginu
er reynt að bregðast við þeirri hættu og ég er sannfærður um að allar horfa þær
breytingar í rétta átt þótt enn sé óunnið og ntenn verði sífellt að vera á varðbergi
og reiðubúnir til þess að móta réttarþróun og dómstólaskipan í samræmi við öra
þróun þjóðfélagsins.
Þegar landsyfirrétturinn var settur á fót sagði í tilskipun Kristjáns konungs 7.
frá því í júlí árið 1800 að landsyfirrétturinn skyldi haldast í Reykjavíkurkaup-
stað „hvar vér höfum gert þá ráðstöfun að nauðsynlegt hús til þessa verði upp
byggt; en þangað til það verður fullbúið má réttinum haldast annaðhvort í hús-
um þess latínska skóla eður tugthússins“.
Það er stundum kvartað yfir seinagangi í afgreiðslu dómsmála en eins og
þessi tilvitnun ber með sér hefur það líka komið fyrir framkvæmdavaldið að
góð áforrn hafa dregist úr hömlu, en betra er seint en aldrei, það er fagnaðarefni
að á þessum afmælisdegi Hæstaréttar skuli hafa verið lagður hornsteinn að því
nauðsynlega húsi sem framkvæmdavaldið gaf fyrirheit um fyrir hart nær
tveimur öldum.
A 50 ára afmæli dómarafélagsins fyrir rúmum þremur árum gerði ég grein
fyrir þeirn áformum sem uppi væru um að bæta úr brýnni húsnæðisþörf Hæsta-
réttar. Hefur síðan verið unnið staðfastlega að því markmiði og í morgun var
hornsteinninn lagður. Framkvæmdir við bygginguna eru komnar vel á veg og
við væntum þess að um mitt næsta ár geti rétturinn flutt starfsemi sína í ný húsa-
Þorsteinn Pálsson dómsmálaráðherra leggur hornstein að dómhúsi Hœstaréttar Islands
16. febrúar 1995
220