Tímarit lögfræðinga - 01.09.1995, Blaðsíða 43

Á VÍÐ OG DREIF
VÍGSLA MANNRÉTTINDABYGGINGARINNAR í STRASBOURG
Mannréttindabyggingin í Strasbourg var vígð 29. júní sl. með mikilli viðhöfn.
Byggingin hýsir Mannréttindanefnd og Mannréttindadómstól Evrópu. Eigandi
byggingarinnar er Evrópuráðið. Byggingarframkvæmdir hófust í desember 1991
og var lokið í desember 1994. Kostnaður við bygginguna nam 455 milljónum
franskra franka og var hann innan áætlunar. Það eru aðildarríki Evrópuráðsins sem
standa straum af kostnaðinum. Arkitekt byggingarinnar er Sir Richard Rogers.
Viðstaddir vígsluna voru dómarar mannréttindadómstólsins, nefndarmenn
mannréttindanefndarinnar og ýmsir boðsgestir. Af Islands hálfu sóttu hátíðina
Þór Vilhjálmsson dómari við dómstólinn og kona hans Ragnhildur Helgadóttir,
Gaukur Jörundsson nefndarmaður og kona hans Ingibjörg Eyþórsdóttir, Hrafn
Bragason forseti Hæstaréttar, Hallvarður Einvarðsson ríkissaksóknari, Jón G.
Tómasson ríkislögmaður, Lára Margrét Ragnarsdóttir þingmaður og einn þing-
fulltrúa hjá Evrópuráðinu og Sverrir Haukur Gunnlaugsson sendiherra. Vígslu-
athöfnin hófst að loknum hádegisverði í boði Evrópuráðsins. Auk forseta
mannréttindanefndarinnar, Carl Aage Norgaard, og forseta mannréttindadóm-
stólsins, Rolv Ryssdal, töluðu þar ýmsir framámenn Evrópuráðsins og Frakk-
lands. Aðalræðumaður var hins vegar Vaclav Havel forseti Tékklands. Það
vakti athygli hversu ræða hans var vel samin og tilfinningaþrungin. Það lá hon-
um á hjarta að á sama tíma og fulltrúar þjóða Evrópu væru saman komnir til að
vígja þessa byggingu, sem ætti að vera tákn mannréttinda í álfunni, létu menn
viðgangast ófrið, nokkrum kílómetrum austar, sem á allan hátt bryti gegn þeim
grundvallarviðhorfum sem spegluðust í Mannréttindasáttmála Evrópu.
Daginn fyrir vígsluhátíðina buðu dómarar mannréttindadómstólsins og
nefndarmenn mannréttindanefndarinnar forsetum æðstu rétta aðildarríkjanna,
svo og öðrum gestum, til skrafs og ráðagerða í aðalsal dómstólsins. A þessum
fundi var m.a. rætt um það hvort breyta ætti heimildum mannréttindadómstóls-
ins á þann veg að dómstólum aðildarríkjanna yrði heimilað að senda fyrir-
spurnir til hans. Þá kom fram að árið 1994 höfðu nefndinni borist tæp 10.000
erindi. Af þeim urðu tæp 3.000 að skráðum kærum. Tæplega 2.400 ákvarðanir
229