Tímarit lögfræðinga - 01.12.1996, Blaðsíða 5

mánaða fangelsi fyrir sams konar brot. Þróunin tekur lengri tíma. Þróun af þessu
tagi hefur vissulega átt sér stað. Má þar sem dæmi nefna að refsingar í kyn-
ferðisbrotamálum hafa þyngst verulega undanfarin ár og þykir sumum þó ekki
nóg að gert. Ennfremur eru refsingar að þyngjast í grófari líkamsárásamálum og
einnig má nefna refsingar fyrir brot á áfengislöggjöfínni, þ.e.a.s. ólöglega
bruggun og sölu áfengra drykkja. Þessi þróun er öllum almenningi ekki vel
sýnileg og þarf að skoða og bera saman dóma á lengra tímabili til þess að merkja
hana. Ég hygg að segja megi með nokkrum sanni að dómarar hafi hér að ein-
hverju leyti haft þróunina og umræðuna í þjóðfélaginu í huga við refsimat sitt.
Á aðalfundi Lögfræðingafélags íslands 24. október sl. var þyngd refsidóma á
Islandi til umræðu. Þar höfðu framsögu einn saksóknari, einn dómari og einn
hæstaréttarlögmaður sem nokkuð tíðum er verjandi í sakamálum. Þessir frum-
mælendur kunna góð skil á þeirri þróun sem getið var hér að framan og
refsimatinu að öðru leyti. Það var nokkuð merkilegt að frummælendurnir þrír
voru á einu máli um að refsingar nú um stundir mætti telja hæfilegar og ekki
ástæða til þess að þyngja þær. Á sömu skoðun virtust þeir sem til máls tóku á
fundinun sem reyndar voru ekki margir. Ef til vill er það svo þrátt fyrir allt að
við séum hér á sæmilega réttri leið. Það er full ástæða til að vona að svo sé.
141