Tímarit lögfræðinga - 01.12.1996, Blaðsíða 79
heildarfrumvarp eigi að taka til allra þátta varðandi stöðu dómara sem starfs-
manna ríkisins. Þetta álit stjórnar hefur verið kynnt dómsmálaráðherra.
Með vísan til þessa er áréttuð sú ósk, sem fram er sett í upphafi bréfs þessa,
að fyrirliggjandi frumvarpi verði breytt á þann veg að það taki ekki til dómara.
Verði dómurum bætt við upptalningu 2. gr. um þá, sem lögin taka ekki til.
Öðrum greinum, svo sem 56. gr., verði jafnframt breytt, þannig að Kjaradómur
ákvarði áfram laun dómara, eins og verið hefur hingað til og rækilega var
rökstutt að vera skyldi í frumvarpi til laga um Kjaradóm nr. 120/1992. Þá var
einmitt fækkað mjög þeim, sem Kjaradómur skyldi ákvarða laun en sérstaklega
rökstutt að dómarar féllu áfram undir verksvið hans“.
Frumvarpinu sem varð að lögum nr. 70/1996 var breytt í meðförum þingsins
þannig að í 2. gr. laganna stendur að lögin taki til hæstaréttardómara og héraðs-
dómara eftir því sem við geti átt og í 56. gr. þeirra kemur fram að Kjaradómur
ákveði laun dómara.
B. Um orlof á yfírvinnugreiðslur til dómara
Meðal dómara hefur ríkt megn óánægja með það að ekki hefur verið greitt
orlof á yfirvinnulaun svo sem tíðkaðist fram til desembermánaðar 1993. Vegna
þessa höfðaði félagið mál fyrir Félagsdómi nú í haust og með dómi hans 14.
október sl. var viðurkennd krafa Dómarafélags Islands um að héraðs- og hæsta-
réttardómarar sem taka laun skv. ákvörðun Kjaradóms frá 12. nóvember 1993 og
8. september 1995 eigi frá 1. desember 1993 rétt til orlofs af fastri mánaðarlegri
yfirvinnu sem þeir fá greidda skv. ákvörðun Kjaradóms frá 12. nóvember 1993.
Þá var ríkissjóður dæmdur til að greiða Dómarafélagi íslands 600.000 krónur
í málskostnað.
Gestur Jónsson hæstaréttarlögmaður flutti málið fyrir hönd Dómarafélags
Islands.
6. Erlend samskipti
Alþjóðasamband dómara
39. þing Alþjóðasambands dómara fór fram í Amsterdam dagana 22.-26.
september síðastliðinn. Þingið sóttu af hálfu Dómarafélags íslands þau Garðar
Gíslason hæstaréttardómari og héraðsdómaramir Helgi I. Jónsson og Hjördís
Hákonardóttir. Starfaði Hjördís í I. nefnd, Garðar í II. nefnd og Helgi í III.
nefndinni.
Fyrir utan hefðbundin nefndastörf var á þinginu m.a. rætt um stofnun Alþjóð-
legrar rannsóknarmiðstöðvar um dómsvaldið (Intemational Research Centre on
Judicial Power) og Alþjóðlegs dómaraskóla (World School for Judges). Þá var
einróma samþykkt stuðningsyfirlýsing við stofnun varanlegs Alþjóðlegs stríðs-
glæpadómstóls (Intemational Criminal Court), sbr. tillögu Sameinuðu þjóðanna
þar um frá árinu 1992.
215