Tímarit lögfræðinga - 01.12.1996, Blaðsíða 77

í hendur nákvæma forskrift að því hvernig þeir skyldu bera sig að og miðaði
hún öll að því að koma dómaranum í vanda. Þegar dómarinn hafði tekið
ákvörðun um það hvemig leyst skyldi úr álitaefni sem fyrir hann var lagt hófust
almennar umræður um þá ákvörðun hans. Eftirtektarvert var hversu margir
blönduðu sér í þá umræðu. Tókst með þessum hætti að ná fram umfjöllun um
margvísleg raunhæf álitaefni sem upp kunna að koma við aðalmeðferð máls. Þá
miðaði þessi umfjöllun ekki hvað síst að því að samræma ýmis atriði í réttar-
framkvæmd. Síðustu tveimur dögum námskeiðsins var síðan varið í fyrirlestra
um samningu dóma. Var þar jöfnum höndum hugað að lagaákvæðum sem að
dómasamningu lúta og venjum sem skapast hafa á þessu sviði. Fyrirlestra á
námskeiðinu önnuðust fjórir dómarar og einn lagaprófessor. Þá komu fjórir
dómarar að auki að úrlausn á raunhæfum verkefnum (rollespille). Fjörlegar
umræður spunnust um efni fyrirlestranna þar sem þátttakendur miðluðu hver
öðrum af reynslu sinni og þekkingu.
Þann 11. mars 1996 efndi Dómarafélag Islands í samvinnu við Endurmennt-
unarstofnun Háskóla Islands til fræðslufundar um notkun á greiningu lífefna í
dómsmálum.
Dagana 3. og 4. maí efndi Dómarafélag Islands til námskeiðs um sönnunarmat
í kynferðisbrotamálum í samvinnu við Endurmenntunarstofnun Háskóla íslands.
5. Kjaramál
A. Löggjöf um réttindi og skyldur starfsmanna ríkisins
I tilefni þess að fjármálaráðherra lagði fram frumvarp til laga um réttindi og
skyldur opinberra starfsmanna á sl. vori var eftirfarandi bréf dagsett 11. apríl
1996 sent til efnahags- og viðskiptanefndar Alþingis:
„Á fundi stjómar Dómarafélags íslands nú í dag var fjallað um frumvarp það
til laga um réttindi og skyldur starfsmanna ríkisins, sem fjármálaráðherra hefur
lagt fram á Alþingi og efnahags- og viðskiptanefnd hefur nú til meðferðar.
Það er eindregin skoðun stjómar Dómarafélags íslands, að frumvarp þetta, ef
að lögum verður, eigi ekki að taka til dómara.
Með bréfi þessu er þess farið á leit, að nefndin samþykki fyrir sitt leyti og
leggi jafnframt til að frumvarpinu verði breytt í þessu efni.
Ástæður þessara tilmæla eru eftirfarandi:
1. Þegar litið er til yfirlýstra markmiða með frumvarpinu þykir ljóst að enda
þótt þau geti átt við um starfsemi ríkisins almennt verði þau ekki heimfærð á
störf þeirra sem fara með dómsvald í landinu. Vísast um þetta til athugasemda
með frumvarpinu þar sem gerð er grein fyrir nýrri stefnu í starfsmannamálum
rrkisins og lýst leiðum þeim sem fara beri til þess að ná þeim markmiðum sem
í henni felast.
Störf dómara eru í föstum skorðum og ítarlegar lagaregur gilda um fram-
kvæmd þeirra. Þá er þess að gæta að sérhver dómari fer með mál á eigin ábyrgð
en ekki annarra og valddreifingu verður ekki við komið varðandi verkefni þeirra.
213