Tímarit lögfræðinga - 01.12.1996, Side 72

Hinn 11. maí 1996 var farin fjölskylduferð um söguslóðir Njálu undir öruggri
leiðsögn Jóns Böðvarssonar ritstjóra. Var ferðin hin fróðlegasta. Þátttakendur
voru 33 talsins á öllum aldri.
4. Móttaka fyrir nýútskrifaða lögfræðinga
Stjórnin bauð lögfræðikandidötum sem útskrifuðust úr lagadeild veturinn
1995-1996 til móttöku hinn 17. maí 1996. Var þetta fyrsta móttaka af þessu tagi
og til hennar boðað með það fyrir augum að kynna starfsemi félagsins fyrir
nýjum lögfræðingum og tryggja það að fyrstu samskipti nýútskrifaðra lög-
fræðinga og félagsins yrðu ögn ánægjulegri en móttaka gíróseðils fyrir árgjaldi.
Til móttökunnar var einnig boðið framsögumönnum á fræðafundum og mál-
þingum félagsins á starfsárinu. Til móttökunnar mættu 33 gestir og þótti hún
takast hið besta. Er þess að vænta að þessi nýbreytni verði framvegis fastur
liður í starfsemi félagsins.
5. Skrifstofa Lögfræðingafélags Islands og framkvæmdastjórn
Sem fyir nýtur lögfræðingafélagið velvildar Lögmannafélags íslands varðandi
húsnæðisaðstöðu. Mikil stakkaskipti urðu á þeirri aðstöðu fyrri hluta árs 1995 þegar
félagið fékk til afnota aðra af tveimur skrifstofum sem lögmannafélagið hefur fyrir
Lögmannavakt sína. Öll starfsaðstaða félagsins er þannig orðin til mikillar
fyrinnyndar. A starfsárinu var gerður formlegur leigusamningur milli lögmanna-
félagsins og lögfræðingafélagsins um hóflegt endurgjald fyrir skrifstofuaðstöðu og
aðgang að ljósritunarvél og öðrum tækjakosti hjá lögmannafélaginu. Stjóm Lög-
fræðingafélags íslands kann Lögmannafélagi íslands bestu þakkir fyrir þá miklu
velvild sem félagið hefur sýnt starfsemi löglfæðingafélagsins á liðnum árum.
Lögfræðingafélagið réð í fyrsta sinn fastan starfsmann árið 1988. Fram-
kvæmdastjóri félagsins sinnir í 25% starfi framkvæmdastjóm fyrir félagið og
margvíslegri sýslan fyrir það og Tímarit lögfræðinga. Framkvæmdastjóri er á
skrifstofu félagsins einn morgun í viku til hagræðis og þjónustuauka fyrir
félagsmenn. Auk þess annast framkvæmdastjóri útgáfu fréttabréfs félagsins
sem gefið er út nokkrum sinnum á ári.
Brynhildur Flóvenz lögfræðingur hefur verið framkvæmdastjóri frá því í
ársbyrjun 1995 og annast þau verkefni sem stjórnin felur henni fyrir félagið og
Tímarit lögfræðinga. Stjórn félagsins þakkar Brynhildi góð störf í þágu félags-
ins og vonast til þess að félagið fái að njóta starfskrafta hennar enn um sinn.
6. Tímarit lögfræðinga
Tímarit lögfræðinga kemur úr reglulega fjórum sinnum á ári. Frá árinu 1994
hefur ritstjórn Tímarits lögfræðinga verið í öruggum höndum Friðgeirs
Björnssonar dómstjóra. Stjórn félagsins þakkar Friðgeiri vel unnin störf í þágu
Tímarits lögfræðinga og væntir góðs af áframhaldandi samstarfi en Friðgeir
hefur fallist á að halda áfram ritstjórn tímaritsins.
208