Tímarit lögfræðinga - 01.05.1997, Blaðsíða 60

þessum kafla.62 Sú almenna jafnræðisregla og er þá ekki tekið tillit til sér-
reglunnar um jafnrétti kynjanna sem stjómarskráin inniheldur er í öllum
aðalatriðum hin sama efnislega og lögð var til í upphafi.63 Eins og hér hefur
verið rakið er eðlilegast að túlka jafnræðisreglu stjórnarskrárinnar þannig að
hún sé í eðli sínu efnisregla sem bannar mismunun og hefur víðtækt gildissvið
á öllum sviðum mannlífs þar sem um er að ræða beitingu ríkisvalds. Reglan
þannig túlkuð er hæf til að byggja rétt á gagnvart ríkisvaldinu fyrir dómi með
víðtækum hætti. Að sjálfsögðu er það verkefni Hæstaréttar íslands að kveða á
um það hvort og ef svo er hver efnisréttindi hin almenna jafnræðisregla hefur í
tilteknu máli í sér fólgin. Það er hins vegar mikilvægt að koma ekki í veg fyrir
eðlilega túlkun og þróun reglunnar með því að einbeita sér aðeins að göllum
hennar og veita ekki öllum þeim atriðum sem túlkunina varða athygli.
6. SAMANTEKT
Samkvæmt því sem rakið hefur verið í köflum 4 og 5 er niðurstaða mín
eftirfarandi:
a) Hin almenna jafnræðisregla 65. gr. stjórnarskrárinanr er í eðli sínu efnisregla
sem felur í sér efnislegan rétt borgaranna sem unnt er að byggja rétt á fyrir dómi
til þess að þurfa ekki að sæta mismunun.
b) Hin almenna jafnræðisregla 65. gr. stjórnarskrárinnar er einnig leiðbein-
ingar- og túlkunarregla.
c) Hin almenna jafnræðisregla 65. gr. stjómarskrárinnar gildir jafnt um meðferð
löggjafarvalds, dómsvalds og framkvæmdavalds.
d) Hin almenna jafnræðisregla 65. gr. stjórnarskrárinnar gildir um öll svið
mannlífs þar sem um er að ræða meðferð löggjafarvalds, dómsvalds og fram-
kvæmdavalds
e) Hin almenna jafnræðisregla 65. gr. stjórnarskrárinnar gildir bæði í lögfestum
og ólögfestum tilvikum þar sem um er að ræða meðferð löggjafarvalds, dóms-
valds og framkvæmdavalds.
62 Frá hinni upphaflegu jafnræðisreglu sem lögð var til voru gerðar þær breytingar í
meðförum Stjórnarskrárnefndar að tekið var upp orðalagið „og njóta mannréttinda" eins og
greint var frá í kafla 4 og að tekin var upp sérstök regla um jafnrétti kynjanna sem vikið var
að í kafla 3. Sjá nefndarálit um frv. til stjórnarskipunarlaga um breyt. á stjómarskrá
lýðveldisins fslands, nr. 33/1944, með síðari breytingum, þingskjal 758, 118. löggjafarþing
(1994-95), bls 4 og Breytingartillögur við frv. til stjómarskipunarlaga um breyt. á stjórnarskrá
lýðveldisins fslands, nr. 33/1944, með síðari breytingum, þingskjal nr. 759, 118. löggjafar-
þing (1994-95), bls 1.
63 Sjá greinargerð, bls. 16-18.
116