Tímarit lögfræðinga - 01.05.1998, Síða 24

gjaldmiðils ríkis, þ.e.a.s. ekki er beitt svokölluðu öfugu reiknigengi. Reglunum
er ætlað að koma í veg fyrir að gengishagnaður myndist við skipti milli
gjaldmiðla.25
Samkvæmt 4. gr. (4) reglugerðarinnar skal við alla gengisútreikninga milli
þátttökuríkja nota gengi gagnvart evrói, þ.e.a.s. virði fransks franka miðað við
þýskt mark er ákveðið með reiknigenginu FRAævró og þvínæst reiknigenginu
DEMævró. Ástæða þessa er að tvíhliða reiknigengi geta leitt til ónákvæmni
og/eða ósamræmis.
í 5. gr. reglugerðarinnar er mælt fyrir um námundun vegna gengisútreikn-
ings. Yið útreikning fjárhæðar frá gjaldmiðli ríkis til evrósins er meginreglan sú
að færa niður í næsta sent, en upp í næsta sent ef niðurstaðan er nákvæmlega
helmingur. Umreikning evrós til gjaldeyris þátttökulands skal námunda eftir
sömu meginreglu.
Það leiðir af elleftu forsendu reglugerðarinnar, að reglur um námundun koma
ekki í veg fyrir að beitt verði reglum landsréttar, framkvæmd eða föstum venj-
um um námundun sem leiðir til nákvæmari niðurstöðu í „milliútreikningum".
Hér er um að ræða tilvik þar sem um margar fjárhæðir er að ræða áður en
samtala fæst og meiri nákvæmi næst við námundun einstakra fjárhæða en
samkvæmt meginreglunni um námundun að næsta senti.26 Meginreglan á samt
sem áður við um námundun samtölunnar. Við vinnslu reiknitaflna verður að
taka tillit til reglna og framkvæmdar um námundun.
8. SEÐLABANKAR
Milli ESB og seðlabanka þátttökuríkja og milli seðlabanka þátttökuríkjanna
innbyrðis verður evróið reiknieining frá L janúar 1999, sbr. 4. gr. reglugerðar-
draganna. Evróið verður því megingjaldmiðillinn fyrir fjárstjómaraðgerðir.
Mikilvægt fjárstjórnarhlutverk seðlabankanna felst í myndun lausafjár og
greiðslumiðlun. Þetta hefur einkum í för með sér að framkvæmd ESBK á mark-
aðinum og inneignir og reikningar einkabanka hjá seðlabönkum verða byggðir
á evrói.27 Sameiginlegu greiðslumiðlunarkerfl verður komið á fót, sem nefnist
Trans-European Automated Real-Time Gross Settlement Express Transfer
(TARGET)28 og verður það meginuppistaðan í greiðsluflæðinu við upptöku
sameiginlegrar peningastefnu.
25 Sjá Euro Papers. „Legal framework for the use of the euro“, bls. 10.
26 Eitt evró gæti t.d. haft fast gengi sem 2014 ítalskar lírur og eitt sent væri þá 20,14 lírur. ftalskar
reglur eða framkvæmd gætu heimilað nákvæmari námundun en námundun að næsta senti, fyrir
slfka „milliútreikninga". Það skal tekið fram, að dæmið segir ekkert til um líkur á því að Ítalía taki
þátt í evró-svæðinu frá 1. janúar 1999.
27 Þó að reiknieining Evrópusambandsins og seðlabanka þátttökuríkja verði evró, hindrar það ekki
að seðlabankar ríkjanna geti haft reikninga í gjaldmiðli ríkisins á aðlögunartímanum. Þörf fyrir slíkt
getur verið fyrir hendi í sambandi við bankaviðskipti ríkisins eða gagnvart starfsmönnum, sbr.
nfunda lið aðfararorða reglugerðardraganna.
28 Sjá neðanmálsgrein 65.
108