Ægir - 01.09.1996, Page 96

Frigg:
I samkeppni við stærstu
framleiðendur í heimi
Mikil sókn hjá sápuverksmiðjunni Frigg. Sápuverksmiðjan Frigg var
stofnuð í Reykjavík árið 1929. Síðan þá hafa óneitanlega skipst á skin
og skúrir hjá fyrirtækinu, en að undanförnu hefur verið mikil sókn hjá
Frigg, sér í lagi eftir að Skeljungur hf. keypti fyrirtækið af Nathan &
Oisen fyrr á þessu ári. Frigg er rekið sem hvert annað sjálfstætt fyrir-
tæki, þó svo að Skeljungur eigi það. Ljóst er að bæði njóta þessi fyrir-
tæki samstarfsins hvort við annað. Til að mynda reka þau nú sameig-
inlega söludeild. Þó sér Nathan & Olsen áfram um að selja vöru Friggj-
ar til smásöluverslana. Af samtölum við starfsfólk Friggjar er greini-
legt að mikill hugur er í því í að ná árangri á því sviði sem starfsemi
verksmiðjunnar liggur, þ.e. í hreinsiefnaiðnaði hverskonar. Eyþór H.
Ólafsson er verksmiðjustjóri Friggjar, en Indriði Björnsson, efnafræð-
ingur, er þróunar- og gæðastjóri fyrirtækisins.
Segja má að framleiðsluvörur verk-
smiðjunnar fari í tvo farvegi. Fyrst ber að
nefna hreinsiefni fyrir hið hefðbundna
heimili, sem flestir þekkja af eigin raun,
svo sem þvottaefnið Maraþon, sem má
segja að sé flaggskip verksmiðjunnar á
hinum almenna markaði. Þar er Frigg að
keppa, algjörlega með eigin formúlu, við
stærstu þvottaefnisframleiðendur í heim-
inum, og Indriði fullyrðir kinnroðalaust,
og vitnar í óháðar rannsóknir máli sínu
til stuðnings, að Maraþon sé fyllilega
samkeppnishæft við bestu þvottaefni á
markaðnum. Af öðrum vörum Friggjar til
heimilisnota má nefna þvottaduftið Milt
fyrir barnið, Fix hreingerningarlínuna,
Þvol uppþvottaefnið, Dúx sápukremið, og
heilsusápu og heilsusjampó. Hins vegar er
um að ræða allskyns hreinsiefni fyrir iðn-
að, til dæmis svokölluð IP-efni. Þau eru
sérstaklega uppbyggð með þarfir mat-
vælaiðnaðarins í huga, til notkunar í
fiskvinnsluhúsum, kjötvinnslum, og í
mjólkuriðnaðinum. Þau efni nefnast flest
ákveðnum númerum, t.d. IP-22S, IP-456
og IP-457, svo fáein séu nefnd. Þá má
nefna efni eins og Dúndur og F-537 sem
margir þekkja úr sjávarútveginum.
Öll framleiðsla verksmiðjunnar er
framleidd á staðnum. Indriði lagði mikla
áherslu á að allt sem færi frá Frigg, væri
alíslensk framleiðsla, og að öllu leyti búið
til af starfsfólki Friggjar. „Allar formúlur
sem notast er við í framleiðslunni eru
upprunnar hér á rannsóknarstofu fyrir-
tækisins, og oft og tíðum með tilliti til
séróska viðskiptavinarins, því vitanlega
reynum við að mæta þörfum viðskipta-
vina okkar hverju sinni, og ef þeir bera
fram séróskir, um ákveðna eiginleika efn-
is til að ráða við ákveðið vandamál, þá
hlustum við vandlega, og reynum síðan
að sjálfsögðu að uppfylla þær þarfir við-
skiptavinarins." Indriði sagði því ljóst að
framtíð fyrirtækis eins og Friggjar lægi að
mörgu leyti á rannsóknarstofunni, og því
sé ávallt unnið þar að endurbótum og
vöruþróun.
Eitt af því sem kemur óneitanlega upp
í hugann þegar efnaiðnaður er annars
vegar er umhverfisvernd. Indriði sagði
starfsfólk Friggjar vera mjög meðvitað
um nauðsyn umhverfisverndar og notk-
un á vistvænum efnum. Því sé stefna fyr-
irtækisins á þessu sviði nokkuð einföld.
„Við setjum okkur það markmið að vera
alltaf í takt við tímann hvað þessi mál
varðar hverju sinni. í gegnum Samtök
iðnaðarins fáum við stöðugt nýjar upp-
lýsingar utan úr heimi um breytingar
Indriði Bjömsson efnafrceðingur hjá Frigg■
sem verið er að gera, t.d. reglugerðar-
breytingar innan EES, og þess háttar. Um
leið og koma fram nýjar upplýsingar um
skaðleg efni, bregðumst við við eins
skjótt og hægt er. Breytum formúlum ef
þörf krefur, og setjum þá inn efni sem
eru viðurkennd sem umhverfisvæn. Sú
vinna er stöðugt í gangi, því það er óhjá-
kvæmilegur hluti af okkar vöruþróun að
endurnýja stöðugt okkar vöru þannig að
hún uppfylli ströngustu kröfur hverju
sinni."
Mörg verkefni eru í pípunum hjá Frigg-
Líklega ber þar hæst fyrirhugaðan flutn-
ing verksmiðjunnar nú í haust yfir í tvö
ný hús við hliðina á núverandi húsnæði
við Lyngásinn í Garðabæ. „Það verður
mikill aðstöðumunur fyrir okkur" sagði
Indriði, „húsnæðið verður stærra, hluti af
búnaði verður endurnýjaður, blöndunar-
og áfyllingaraðstaða verður bætt til
muna, lagerpláss stækkar, og bróðurpart-
urinn af lager Skeljungs í Skerjafirði verð-
ur fluttur í annað húsið. Framleiðsla okk-
ar fer síðan inn á þann lager, þannig að
dreifingin verður væntanlega markvissari
og skilvirkari. Bindum við miklar vonir
við að þessi breyting verði okkur enn
frekar hvatning og uppörvun til að gera
ávallt betur." □
96 ÆGIR