Ægir - 01.09.1996, Page 118

Netagerð Guðmundar Runólfssonar
Fylgjast vel með nýjungum
Grundarfjöröur á norðanverðu Snæfellsnesi telst meðal elstu verslun-
arstaða á íslandi, og á sér um margt merka sögu. Þar var til að mynda
kauphöfn á tímum einokunarinnar, enda er þar sérlega góð höfn frá
náttúrunnar hendi. Það þarf því engan að undra að þar er sjávarút-
vegurinn undirstöðuatvinnugreinin og útgerð er þar með blómlegra
móti.
Rótgróið fjölskyldufyrirtæki
Netagerð Guðmundar Runólfssonar
er orðið rótgróið fyrirtæki í Grundar-
firði. Guðmundur Runólfsson hafði rek-
ið útgerð í Grundarfirði frá árinu 1947,
en stofnaði svo netagerðina í kringum
útgerðina þegar togarinn Runólfur var
keyptur til staðarins árið 1975. Neta-
gerðin hefur allar götur síðan verið rekin
af sömu fjölskyldunni með góðum ár-
angri. Við tókum þá Hermund Pálsson
netagerðarmeistara og Pál Guðmunds-
son (Runólfssonar) verkstjóra tali til að
forvitnast aðeins um netagerðina og
starfsemi hennar:
„Reksturinn felst almennt bæði í við-
gerðum og uppsetningum á veiðarfær-
um. Við erum með sjö 100-200 tonna
báta og fjóra togara í föstum viðskipt-
um, en auk Grundarfjarðar þjónustum
við Stykkishólm. Fastir starfsmenn eru
þrír til fjórir yfir árið, en auk þess erum
við með lausafólk sem við fáum til liðs
við okkur þegar mest er að gera. Við
erum eina netaverkstæðið á staðnum,
og því sinnum við líka viðgerðum fyrir
aðkomubáta. Núna undanfarin ár höf-
um við verið að víkka út þjónustusvæði
okkar, meðal annars með því að sækja
meira inn í Stykkishólm og erum
ákveðnir í að halda því starfi áfram."
Páll skýtur hér að í gamni, að Hermund-
ur, sem er úr Stykkishólmi, sé einmitt
leynivopn netagerðarinnar í þeirri mark-
aðssókn.
Hvernig er húsnæði netagerðarinnar?
,,Við erum hér í 600 fermetra hús-
næði frá 1975, sem var byggt sérstaklega
fyrir netagerðina á sínum tíma. Við
erum ekki langt frá höfninni, en þar er
mjög góð aðstaða til að taka á móti og
gera við. Við erum hér með góðan lager,
þar sem við erum meðal annars með
mikið úrval af netum frá Hampiðjunni,
allar gerðir af togvírum, lásum og keðj-
um. Það skiptir okkur miklu máli að eiga
þessa hluti til fyrir viðskiptavini okkar
þegar þeir þurfa á þeim að halda."
Páll Guðmundsson verkstjóri, Ingi Þór Guð-
mundsson netamaður og Hermundur Páls-
son netagerðarmeistari hjá Netagerð Guð-
mundar.
Hvað með tækjakost á verkstæðinu?
„Jú, við erum mjög vel tækjum búnir.
Við erum til dæmis með okkar eigin
vírapressu, sem er notuð til að hólka
víra, og svo grjóthopparapressu. Við
fáum efnið í grjóthopparana að utan, en
setjum þá saman sjálfir hér á staðnum."
Fylgja þróuninni
Er um einhverjar nýjungar að ræða í
rekstrinum?
„Við höfum fylgt þróuninni almennt
í gegnum árin og reynt að vera alltaf
með það nýjasta og besta. Þar á meðal
þessi bacalaó-troll, sem eru mjög vinsæl
í dag. Okkur hefur gengið vel að vinna
þau, og viðskiptavinir okkar hafa verið
mjög ánægðir með þau. Þá erum við
komnir út í að setja upp seiðaskiljur fyr-
ir rækjutroll, sem hefur einnig gefist vel
og mælst vel fyrir hjá viðskiptavinum."
En verða þeir félagar varir við árstíða-
sveiflur í netagerðinni?
„Já, þetta er svolítið sveiflukennt hjá
okkur. Það er til dæmis mikið að gera
hjá okkur fyrir rækjuvertíðina á vorin.
Það er svona mest um að vera þá. Þá
erum við bæði að yfirfara veiðarfæri og
setja upp ný rækjutroll. Nánast allir bát-
arnir sem hér eru í viðskiptum eru
rækjubátar. Yfir sumartímann höfum
við svo haft mikið að gera í því að fara
yfir flottroll. Þetta hefur aukist mikið
núna í sumar og í fyrra og hefur gengið
vel. Við eigum vafalaust eftir að halda
því áfram.
Hér er mjög góð hafnaraðstaða til að
vinna þetta allt saman. Má nefna að hér
hafa verið allt upp í sex togarar í höfn í
einu, og mikið að gera hjá okkur í sam-
bandi við það, án þess að nokkur vand-
ræði hafi skapast."
Framtíðin björt
Netagerð Guðmundar Runólfssonar
hefur verið starfandi í 21 ár en að sögn
Hermundar og Páls hefur fyrirtækið ver-
ið í miklum vexti undanfarin tvö ár. Það
er því óhætt að segja að framtíðin sé
björt hjá fyrirtækinu. Stafsmannafjöldi
hefur haldist hinn sami í gegnum árin,
en á álagspunktum er bætt við mönnum
eftir þörfum.
Þeir félagar segja fyrirtækið leggja
áherslu fyrst og fremst á að sinna verk-
efnum sínum fljótt og vel, að fylgjast vel
með nýjungum í greininni og almennt
að veita viðskiptavinum sínum góða
þjónustu. □
118 ÆGIR