Ægir - 01.09.1996, Síða 132

Sæplast
Endurvinnanleg ker
„Á þessari sýningu leggjum við megináherslu á tvennt. Annars vegar eru
það ker úr endurvinnanlegu plasti sem hafa vakið verðskuldaða athygli
og fengið góðar undirtektir. Hinsvegar er það ný djúpsjávartrollkúla sem
við vitum að sjómennirnir hafa verið að bíða eftir,“ sagði Þórir Matthías-
son sölu- og markaðsstjóri hjá Sæplasti á Dalvík í samtali við Ægi.
„Helstu kostir fiskikera úr endurvinn-
anlegu plasti eru einkum þrir. í fyrsta lagi
eru þau endurvinnanleg, í öðru lagi mun
sterkari en eldri gerðir og í þriðja lagi hef-
ur úretanið þann galla að það drekkur í
sig vökva og þess vegna var hætta á
skemmdum ef gat kom á ytri kápuna.
Þetta vandamál hverfur með nýju kerun-
um því þau eru alveg úr pólyetylíni sem
drekkur ekki í sig vatn og því er auðvelt
að gera við kerin án þess að eiga á hættu
að vatn komist milli laga."
Þetta nýja endurvinnanlega ker var
sýnt sem þróunarverkefni á síðustu sjáv-
arútvegssýningu og er afrakstur langrar
þróunarvinnu Sæplastsmanna. Kerið hef-
ur verið sýnt á þremur erlendum sýning-
um síðan framleiðsla á því hófst og vakið
töluverða athygli. í kjölfarið fylgdu síðan
sölusamningar og vakti mesta athygli
samningur um sölu á rúmlega 1000 kör-
um tii Danmerkur þar sem kerin verða
notuð í kjötvinnslu.
„Við munum áfram bjóða eldri gerðir
kera og kynnum á sýningunni 460 lítra
og 660 lítra ker sem eru með sérstaklega
styrktum botni og við teljum að muni
vekja áhuga sýningargesta. Endurvinnan-
legu kerin hafa enn ekki náð verulegri út-
breiðslu á innanlandsmarkaði þó hann
fari vaxandi en kerin eru nokkru dýrari
en eldri gerðir."
Það var Fiskmarkaður Suðurnesja sem
varð fyrstur fyrirtækja á íslandi til að taka
í notkun endurvinnanleg ker, en Þórir
sagði að stöðugt fleiri gerðu sér grein fyr-
ir kröfum nútímans um endurvinnslu.
Sæplast er að taka í notkun nýtt verk-
smiðjuhús norður á Dalvík sem er 1.260
fermetrar og við það tvöfaldast afkasta-
geta fyrirtækisins en fram til þessa hefur
verksmiðjan verið keyrð á vöktum allan
sólarhringinn til þess að anna eftirspurn.
„Þetta gefur okkur einnig færi á að
stunda enn meiri þróunarvinnu en hing-
að til," sagði Þórir.
Þetta er aðeins hluti þeirrar uppbygg-
ingar sem fram fer hjá Sæplasti því fyrir-
tækið undirbýr nú að reisa verksmiðju á
Indlandi og er í samstarfi við indverska
aðila um það verkefni. Þórir sagði að enn
væri ýmislegt óljóst um framvindu máls-
ins og enn of snemmt að segja til uni
hvenær framleiðsla hæfist. Þórir sagði að
með tilkomu verksmiðjunnar væri greitt
úr ýmsum tollamálum og erfiðleikum á
flutningum en í þessum heimshluta eru
gífurlega stórir markaðir sem vænlegir
þykja til útflutnings. Nægir að nefna að í
Indlandi býr milljarður manna.
Útflutningur hefur um árabil verið um
helmingur af framleiðslu Sæplasts en fyr-
irtækið hefur einnig sterka stöðu á innan-
landsmarkaði og taldi Þórir að hlutdeild
Sæplasts innanlands væri um 60% en
framleiðsluvörur Sæplasts hafa verið seld-
ar til 70 landa í öllum heimsálfum og eru
í stöðugri sókn.
Nýja djúpsjávartrollkúlan sem kynnt
verður á sýningunni heitir 1087 og er átta
tommu miðjugatskúla úr nýju plastefni
sem ekki hefur verið notað í kúlur áður.
Kúlan þolir að fara niður á 750 faðma
dýpi eða um 1950 metra og er að sögn
Þóris líkleg til að verða vinsæl.
„Við höfum verið með djúptrollkúlur
með eyrum en þessi hönnun er sterkari
og þolir betur álagið. Við höfum notið að-
stoðar Iðntæknistofnunar við hönnun á
þessari nýju kúlu sem ég veit að sjómenn
hafa beðið eftir. Að baki þessari fram-
leiðslu liggur mikil þróunarvinna og til-
raunir en nú teljum við okkur hafa leyst
verkefnið."
Auk þess sem hér hefur verið nefnt
framleiðir Sæplast rotþrær, tanka og
vatnsrör og sitthvað fleira úr plasti.
„Við vonumst eftir að sjá sem flesta
gesti í sýningarbás okkar í LaugardalshöH
og hlökkum til að hitta þá," sagði Þórir að
lokum. □
132 ÆGIR