Árbók Háskóla Íslands - 02.01.1955, Side 30

28
en um eða undir 10 mg í þessum berjum. Tilsvarandi tölur eru 5
í norsku og 6 í dönsku töflunum. Athyglisvert er, hve mikill mun-
ur er á bláberjum og aðalbláberjum, þótt um náskyldar tegundir
sé að ræða, en hið sama má raunar einnig segja um sólber og
ribsber.
Krækiber. I krækiberjum var svo mikið af annarlegum efn-
um, er afsýra og aflita próflitinn, að miklum erfiðleikum olli; en
auk þess var litarefni berjanna, sem breytist eftir sýrustiginu
(pH), mjög til baga. Vegna þess, hve vítamínrýr berin eru, var
ekki fært að þynna upplausnina úr þeim svo sem þurft hefði, til
þess að draga nægilega úr áhrifum þessara efna.
Þó að aflitun próflitarins væri lesin svo fljótt sem mögulegt
var, þ. e. um 5 sekúndum eftir að litnum var bætt í berjaupp-
lausnina, var sýnilegt, að önnur efni en askorbínsýra voru þegar
farin að láta að sér kveða, þótt hægvirkari væru.
Til þess að geta fengið nokkra hugmynd um þátt hinna annar-
legu efna í aflituninni, var nú lesningin endurtekin nokkrum sinn-
um með stuttu millibili og mælingargildin mörkuð á línuritsblað
6. mynd. Mæling áframhaldandi aflitunar próflits í raflitsjá.
Recording of conúnuing reduction of dichlorophenol-indophenol by an
extract from crow berries (Photoelectric Colorimeter, Optical Density
Scale).