Valsblaðið - 01.05.1991, Síða 15

íslandsmeistarar 4. flokks kvenna 1991 ásamt Ragnhildi Skúladóttur þjálfara.
sjón með starfinu hafði Þorvaldur
Mawby. Teiknistofan Arko annaðist
teiknivinnu fyrir bygginganefnd Reykja-
víkurborgar en Arko var þá í stöðugri
vinnu fyrir Byggung.
Knattspyrnudeildin seldi þriggja her-
bergja íbúð til þess að standa undir
grunngreftrinum, sökklinum og veggjun-
um en átti fyrir skemmunni í sjóði sínum.
Þegar þessu lauk tók aðalstjórn félagsins
við af okkur og lauk byggingu íþrótta-
hússins á nokkrum árum undir styrkri
stjórn Péturs Sveinbjarnarsonar, þáver-
andi formanns Vals. Fyrsta skóflustung-
an að húsinu var tekin 10. maí 1981 en í
september 1985 var hafist handa við að
gera húsið fokhelt. Árið 1986 gátu knatt-
spyrnumenn æft þar að vetrarlagi, á
steynsteyptu gólfinu við flóðlýsingu en
húsið var síðan fullklárað og vígt árið
1987.“
Þess má geta, áður en sagt er skilið við
byggingarsögu íþróttahússins, að Andr-
eas Bergmann, Sigurður Olafsson og Úlf-
ar Þórðarson, gáfu fyrstu sendinguna
með bolta í nýja íþróttahúsi Vals — „í
fang framtíðar Vals“ eins og Pétur
Sveinbjarnarson, þáverandi formaður
Vals orðaði það.
Þann 14. mars 1983 var skíðaskáli
skíðadeildar Vals sýndur en hann var
endurreistur á árunum 1980-’81. Undir-
búningur endurbyggingarinnar hófst á ár-
inu 1979 en Sigurður Guðmundsson hafði
veg og vanda að endurbyggingunni og á
heiður skilinn fyrir framlag sitt.
Á árinu 1983 mörkuðu tveir atburðir
einkum þáttaskil í sögu Hlíðarenda.
Fyrstu opinberu heimaleikir Vals í knatt-
spyrnu voru leiknir að Hlíðarenda en
væntanlega vilja Valsmenn gleyma
vígsluleiknum sem fyrst því Þróttur
Reykjavík sigraði Val með fjórum mörk-
um gegn einu. Valur var þar með fyrsta
reykvíska félagið til þess að leika 1. deild-
arleik á eigin félagssvæði. Þess má geta að
á níunda áratugnum var Valur fyrsta liðið
í Reykjavík til þess að leika alla sína
heimaleiki á eigin heimavelli — þ.e.a.s. í
fótbolta, handbolta og körfubolta og
braut þar með blað íþróttasögu Reykja-
víkurborgar.
Hinn atburðurinn árið 1983 var sá að
lokið var við að reisa þakgrind nýja
íþróttahússins.
Það sem bar hæst á árinu 1984 var að
ráðist var í að endurbyggja félagsheimilið
og íbúðarhúsið. Ástand húsanna var orð-
ið svo slæmt að það var vart hæft til not-
kunar. Aðalstjórn tók þá ákvörðun að
endurbyggja húsin þótt skoðanir væru
uppi um að rífa þau. Forystu um fram-
kvæmd verksins höfðu Bjarni Bjarnason,
varaformaður og Hrólfur Jónsson, for-
maður badmintondeildar. Sigurður Hall-
grímsson og Bjarni Jónsson sáu um
teiknivinnu. Sjálfboðaliðarfengust m.a. í
málningarvinnu, raflögn og fleira. End-
urvígsla félagsheinrilisins fór fram 15.
febrúar 1985.
Árið 1988 var neðra grassvæðið að
Hlíðarenda formlega tekið í notkun. Séra
Jón Dalbú Hróbjartsson fór með bæn og
ritningarorð. Að því loknu lék meistara-
flokkur kvenna í knattspyrnu vígsluleik.
Þess má geta að Jón G. Zoega, formaður
Vals, tók fyrstu spyrnuna að vígslu lok-
inni. Hann spyrnti boltanum til Lolla sem
spyrnti áfram til Sigtryggs Jónssonar, for-
manns vallarnefndar.
Árið 1988 var tréstúka byggð við knatt-
spyrnuvöll félagsins. Hún fauk í miklu
óveðri, sem geisaði í febrúar 1991, en var
endurreist hinum megin vallarins fyrir
keppnistímabilið 1991.
Árið 1988 var gengið til samninga við
Reykjavíkurborg vegna lagningu nýs
Bústaðavegar. Félagið lét af hendi u.þ.b.
hálfan hektara úr erfðafestu landi sínu
undir hinn nýja veg en fékk í staðinn flug-
vallarveginn gamla og hefur nú til um-
ráða samfellt svæði í vesturátt. Upphaf-
legt landrými Vals að Hlíðarenda var
55.000 fermetrar en félagið hefur smám
saman fengið meira land til umráða og að
loknum samningnum við Reykjavíkur-
borg er það 85.500 fermetrar.
Vorið 1988 var tekin upp sú nýbreytni
að halda íþróttanámskeið fyrir börn und-
ir nafninu „Sumarbúðir í borg“. Sumar-
búðirnar eru starfræktar í tvo og hálfan
mánuð og eftir fjögurra ára starfsemi hef-
ur þetta framtak tekist einstaklega vel.
Foreldrum gefst tækifæri á að koma með
börnin sín eldsnemma að morgni að Hlíð-
arenda og fela þau í umsjón íþróttakenn-
ara og fóstra — sem sagt koma þeim í
A-, B-, og C-lið 6. flokks Vals sem stóðu sig svo vel á Shell-mótinu í Vestmannaeyjum
1991. Þjálfari strákanna er Gunnar Baldursson.
15