Valsblaðið - 01.05.1992, Síða 18

Stjórn knattspyrnudeldar Vals sem tók við í október 1992. Aftari röð frá vinstri: Helgi
Kristjánsson framkvæmdastjóri, Bjarni Jóhannesson, Einar Óskarsson. Neðri röð frá
vinstri: Margrét Bragadóttir, Þorsteinn Ólafsson, 'Olafur Már Sigurðsson sitjandi formaður,
Kjartan Gunnarsson. Úr stjórn viku Guðmundur Kjartansson, Hafsteinn Valsson. Á
m.vndina vantar Theodór S Halldórsson og Óttar Sveinsson
bráðefnilegum knattspymumönnum, sem
léku í B riðli 2.flokks. Litlu munaði að
liðinu tækist að vinna sig upp í flokk A liða
og greinilegt er að þar fer framtíðar-
efniviður félagsins. Þjálfari var Kristinn
Bjömsson og við starfi hans tekur Haraldur
Haraldsson.
2. flokkur kvenna.
Flokkurinn samanstendur af ungum
hressum stúlkum á aldrinum 14-17 ára.
Tekið var þátt í hinum ýmsu mótum m.a.
farið til Vestmannaeyja í júní þar sem þær
lentu í öðru sæti á Pæjumóti Þórs. Þær
fengu þó þann heiður að vera valdar
prúðasta liðið. Einnig tóku þær þátt í Gull-
og silfurmóti Breiðabliks og lentu þar í
3. sæti. Stúlkurnar urðu síðan í 4.sæti í ís-
landsmótinu svo árangur liðsins verður að
teljast góður. Liðið er mjög efnilegt og
verður spennandi að fylgjast með þessum
stúlkum á næstu árum. Þjálfari flokksins
var Izudin Dervic og aðstoðarþjálfari Erla
Sigurbjartsdóttir.
3. flokkur karla.
Árangur 3.flokks var ágætur í sumar ekki
síst þegar haft er í huga sú mikla endumýjun
sem varð á flokknum frá fyrra ári. Tekið
var þátt í öllum mótum sem hófst á
Reykjavíkurmóti innanhúss sem þeir unnu.
Utanhúss varð flokkurinn m.a. í öðru sæti
á Reykjavíkurmóti, í úrslitum í Islands-
móti, en haustmótið gekk ekki mjög vel.
Þá tók flokkurinn þátt í U.M.S.K. móti og
lenti í öðru sæti. Þjálfari flokksins var
Magnús Þorvaldsson og hefur hann verið
endurráðinn.
3. flokkur kvenna.
Árangur flokksins verður að teljast afar
góður og voru stúlkumar jafnan í verð-
launasæti á þeim mótum sem þær tóku
þátt í. Má þar m.a. nefna 2.sæti á Reykja-
víkurmóti, 2.sæti í flokki B liða og þriðja
í flokki A liða á Islandsmóti og 2.sæti í
flokki A liða og fyrsta í flokki B liða á
Haustmóti. Þess má geta að flokkurinn
tók þátt í móti í Gautaborg í sumar og
komst í 8 liða úrslit.
Þjálfari flokksins var Ragnhildur
Skúladóttir, en síðari hluta sumars tók
Sigurður Þorvaldsson við flokknum og
verður hann með hann næsta tímabil.
4. flokkur karla.
Árangur 4.11okks hefur verið stígandi
eftir því sem liðið hefur á tímabilið.
Srákamir hófu tímabilið með því að lenda
í 5.sæti í flokki A og B liða á Reykja-
víkurmótinu og enduðu í 3.- 4. sæti í flokki
A liða og 2.sæti í flokki B liða á Haustmóti
KRR.
Þjálfari flokksins var Þráinn Ámason og
mun hann þjálfa flokkinn áfram.
4,- 5. flokkur kvenna.
Árangur 4.flokks verður að telja
frábæran. Stelpumar unnu nánast öll mót
í flokki A liða sem þær tóku þátt í og B
liðið varð í verðlaunasætum í flestum
mótum. Það er því ekki ofsögum sagtuð
segja að félagið þarf ef, vel verður á
málum haldið, engu að kvíða þegar fram
líða stundir hvað efniviðinn snertir í
kvennaknattspyrnunni. Leikni þessara
stúlkna og félagsandi er til mikillar
fyrirmyndar og er framtíðin björt.
Þjálfari flokkanna var Salih Porca og
aðstoðarþjálfari Berglind Jónsdóttir.
Þjálfari flokkanna tveggja næsta tímabil
verður Sigurður Þorvaldsson.
5. flokkur karla.
Vertíðin hófst eins og venjulega á
innanhúsknattspyrnu og þar urðu dreng-
imir Islandsmeistarar. Árangur flokksins
í heildina verður að teljast vel viðunandi.
A og B lið sigruðu á Reykjavíkurmóti, C
lið sigraði á Essomóti og D lið á Toyota-
móti auk nokkurra silfur- og bronssæta.
Þrátt fyrir fjölmenni (en um 80 drengir
létu sj á sig á æfingum) fengu allir strákamir
að spreyta sig í leikjum og var Valur eina
liðið sem sendi A,B,C, og D lið í öll mót.
Þjálfari 5.flokks síðustu tvö árin hefur
verið Birgir Össurarson en hann er nú á
förum frá okkur og þökkum við honum
góð og vel unnin störf. Við þjálfun 5 .tlokks
tekur nú Kristján Guðmundsson.
6. flokkur karla.
I sumar var tekið þátt í einum fimm
mótum og var árangurinn þegar á heildina
TTTSSn