Fréttablaðið - 13.02.2010, Síða 37

LAUGARDAGUR 13. febrúar 2010 3
„Landnámssetrið hefur verið
með sýningu byggða á sögu Egils
Skallagrímssonar. Ætli þessi sýn-
ing sé ekki svona nútímaútgáfa
af henni,“ segir Gunnar Þórðar-
son tónskáld. Í kvöld frumsýnir
Gunnar tónlistardagskrána Lífið
og lögin í Landnámssetri Íslands í
Borgarnesi.
Lög Gunnars eru flestum Íslend-
ingum að góðu kunn og eru mörg
þeirra fyrir löngu orðin samofin
íslenskri þjóðarsál. Í dagskránni í
Landnámssetrinu rekur hann lífs-
hlaup sitt frá því hann var ungur
drengur á Hólmavík og fram til
dagsins í dag. Gunnar er einn á
sviðinu með gítarinn og meðfram
sögunum syngur hann og leikur lög
sem þeim tengjast.
„Ég spjalla um allan andskot-
ann,“ segir Gunnar og hlær þegar
hann er spurður um viðfangsefni
dagskrárinnar. „Keflavík kemur
við sögu, gamlir félagar, Hljóm-
arnir og þar fram eftir götunum.
Í raun má líka segja að ég fari yfir
þróun íslenskrar dægurtónlistar
í nokkuð mörg ár og minn þátt í
henni, sem er dálítill. Ég geri mitt
besta til að vera sannur og dreg
ekkert undan. Þetta hefur verið
gaman, en líka sársaukafullt.“
Spurður um hvaða lög Gunnars
áhorfendur komi til með að heyra
í sýningunni segir hann þau koma
úr öllum áttum af ferlinum. „Ég
spila Hljómalög, Trúbrotslög og
líka lög af sólóplötunum mínum,
eins og Vetrarsól og ýmislegt sem
fellur til.“
Auk alls þessa bregður Gunnar
á leik og gefur áhorfendum færi á
að syngja með sér á upptöku sem
fólk getur síðan nálgast á netinu.
Að sögn Gunnars stendur sýningin
yfir hvern laugardag eitthvað fram
eftir vetri.
Nóg er um að vera í Landnáms-
setrinu þessa dagana, en næsta
föstudag verður þar frumsýnd ný
sýning eftir Jón Gnarr sem nefnist
Lifandi í Landnámssetri. Það er því
óhætt að mæla með að fólk taki sér
á hendur ferð í Borgarfjörðinn á
næstu vikum. kjartan@frettabladid.is
Líf og lög Gunna Þórðar
Ný tónlistardagskrá með Gunnari Þórðarsyni verður frumsýnd í Landnámssetrinu í Borgarnesi í kvöld.
Þar ræðir tónskáldið ástsæla um ævina, rifjar upp skemmtilegar sögur og leikur lög sem þeim tengjast.
„Ég geri mitt besta til að vera
sannur,“ segir Gunnar um nýja
dagskrá sína í Landnámssetrinu.

FR
ÉT
TA
B
LA
Ð
IÐ
/V
A
LL
I
Ferðafélagar, útivistarunnendur og fjallagarpar.
Velkomin í World Class Laugum
Sýningin er öllum opin og er aðgangur ókeypis.
Boðið verður upp á próteindrykkinn Hámark.
Laugardaginn 13. febrúar kl. 14 - 17 býður World Class í samstarfi við Ferðafélag Íslands
til sérstæðrar sýningar í Laugum. Til sýnis verða vegleg skilti sem Ferðafélag Íslands hefur
sett upp í samstarfi við VALITOR og VISA á Íslandi á vinsælustu gönguleiðum landsins:
Laugavegi, Fimmvörðuhálsi og Hvannadalshnjúki.
Bergstaðastræti 4 – 101 Reykjavík – Sími: 562-0335
Gullsmíðaverkstæði Árna Höskuldssonar
lokar 1. mars næstkomandi
Opnunartími 13:00 til 18:00 virka daga
40% afsláttur
af öllum vörum
Jóna María Hafsteinsdóttir
jmh@365.is - sími 512 5473
Henný Árnadóttir
henny@365.is - sími 512 5427
Þórdís Hermannsdóttir
thordish@365.is - sími 512 5447