Fréttablaðið - 13.02.2010, Side 57

fjölskyldan 7
Þegar Drífa Baldursdóttir
eignaðist fyrirbura fann
hún að þörf var fyrir meiri
fræðslu og stuðning fyrir
foreldra fyrirbura en veitt er
inni á sjúkrahúsum.
Fyrir fimm árum eignaðist ég fyrirbura, eftir að hafa legið fyrir inni á meðgöngudeild í mánuð fyrir fæðingu. Barnið
fæddist eftir 29 vikur og dvaldi á
vökudeild Landspítalans í tvo mán-
uði. Á þessum tíma fann ég vel hve
mikil þörf var fyrir aukna fræðslu
og stuðning, umfram það sem
starfsfólk veitir,“ segir Drífa Bald-
ursdóttir sem stendur á bak við
heimasíðuna www.fyrirburar.is.
Drífa stofnaði Félag fyrirbura -
foreldra árið 2008. Hún hefur því
verið í sambandi við marga aðra
foreldra fyrirbura og segir þá
almennt hafa verið sammála um
að mikil þörf væri á frekari upp-
lýsingum og vefsíða væri besta
leiðin til að ná til sem flestra.
Þannig var kominn hvati að
gerð vefsíðu og Drífa gerði síðuna
sem hluta af meistaraverkefni í
lýðheilsufræðum við Háskólann
í Reykjavík. Leiðbeinandi henn-
ar var Geir Gunnlaugsson, land-
læknir og prófessor við skólann,
en hann er barnalæknir.
Á síðunni er að finna fróðleik
um meðgöngu og fæðingu fyrir-
bura, framtíðarhorfur og fleira.
Þess má geta að dóttir Drífu,
Hildur Arney, jafnaði sig fljótt á
snemmbúinni komu sinni í heim-
inn og hefur fyrir löngu náð jafn-
öldrum sínum í þroska. -sbt
Fræðsla um fyrirbura
Nýfædd Sem sjá má var Hildur
Arney smá þegar hún var nýfædd.
Fljót að ná hinum Drífa ásamt Hildi Arney rúmlega tveggja ára.
Fyrirburar Hér á landi fæðast á hverju ári um 6 prósent
barna áður en 37 vikna meðgöngu er náð. Það er svipað hlutfall
og annars staðar á Norðurlöndunum og í Evrópu þar sem fimm
til níu prósent barna fæðast fyrir tímann. Í Bandaríkjunum er
hlutfallið hærra. eða um tólf til þrettán prósent.
Flestir fyrirburar koma í heiminn eftir 34 vikur eða síðar og
hefur hlutfall fyrirburafæðinga að 34 vikum aukist lítið á milli ára
meðan síðfyrirburafæð-
ingum hefur fjölgað mun
meira
Á Íslandi er yfirleitt
talað um merkur þegar
rætt er um fæðingar-
þyngd barna. Ein mörk er
250 grömm og er meðal
fæðingarþyngd ís lenskra
barna um 3650 g eða 14-
15 merkur. Hjá fyrirburum
er yfirleitt rætt um þyngd
í grömmum. Meðal
fæðingarþyngd fyrirbura
er um 600 g við 24 vikur,
750 g við 25 vikur, 850 g við 26 vikur og 1000 g við 27 vikur. Sum
börn eru þyngri og önnur léttari.
Erfitt er að setja niður nákvæmar tölur um lífslíkur fyrirbura
eftir meðgöngulengd þar sem þær geta verið mjög breytilegar
milli rannsókna. En samantekt sem gerð var árið 2008 um
niðurstöður margra rannsókna sýndi að börn fædd fyrir 23 vikur
áttu sér nær enga lífsvon. Þau sem fæddust eftir 23 vikur höfðu
15 prósent lífslíkur, eftir 24 vikur 55 prósent og eftir 25 vikur 79
prósent lífslíkur. Lífslíkur fyrirbura hafa farið stöðugt batnandi
undanfarin ár sérstaklega barna sem fæðast eftir um 23 til 25
vikur.
Heimild www.fyrirburar.is
Heimasíðan Fjölmargir foreldrar fyrir-
bura nota síðuna.
SPRENGIDAGUR Fyrr á tímum
þegar saltskortur var þótti veisla mikil
að fá saltkjöt í föstubyrjun. Enn halda
margir í þá góðu hefð.
KAKA ALLA DAGA Bollur og góðgæti er
ekki í boði alla daga vikunnar nema kannski
í kökuboði lítilla krakka sem eiga fína köku
eins og þessa sem fæst í versluninni Ilvu.
Kynning um Færeyjar í Kringlunni 19. til 20. febrúar.
atlantic.foVIÐ FLJÚGUM MEÐ ÞIG Á ÁFANGASTAÐ
Færeyjar eru 18 stórkostlegar eyjar sem bjóða upp á fjölbreytileika
og óvænt ævintýri. Færeyingar eru þekktir fyrir gestrisni sína og þar
er þægilegt og afslappandi andrúmsloft.
REYKJAVÍK – FÆREYJAR
Flogið er tvisvar í viku milli
Reykjavíkurflugvallar og
Færeyja.