Fréttablaðið - 25.03.2010, Blaðsíða 20

20 25. mars 2010 FIMMTUDAGUR
nær og fjær
„ORÐRÉTT“
Skuggaþing hefur nýverið
tekið til starfa eftir að hafa
hlotið styrk frá Alþingi.
Þingið er umræðuvettvang-
ur á Netinu þar sem al-
menningi gefst kostur á að
fjalla um þau mál sem tekin
eru fyrir á Alþingi.
„Þetta byrjaði eins og margt
annað með hruninu,“ segir Gunn-
ar Grímsson, hönnunarstjóri
Skuggaþings. „Við vorum að velta
fyrir okkur hvað við gætum gert
til þess að gera gagn og ákváðum
að það besta sem við gætum gert
væri að reyna að tengja saman
þing og þjóð.“
Því fór það svo að Gunnar og
félagi hans Róbert Viðar Bjarna-
son, tæknistjóri Skuggaþings, ein-
settu sér að búa til vef þar sem
inn kæmu öll mál frá Alþingi.
Vefurinn átti að vera aðgengileg-
ur öllum og hægt að skoða allar
ræður og málsskjöl um leið og
fólki gæfist tækifæri til þess að
segja skoðun sína á málunum,
hvort heldur sem það væri þeim
fylgjandi eða andvígt. „Og fólk
gæti komið með rök með og á
móti hverju máli fyrir sig,“ segir
Gunnar og áréttar að grunnfor-
senda í hönnun vefsins sé að rök
bæði með og á móti hafi mikið
vægi. „Við erum að reyna að koma
fólki upp úr skotgröfunum og fá
það til að færa rök fyrir máli sínu,
í staðinn fyrir að rífast.“
Vefurinn skuggathing.is fór
því í loftið í prufuútgáfu skömmu
fyrir jól 2008 og rekinn sem slík-
ur í nokkurn tíma, þar til stofn-
endurna þvarr bæði tími og pen-
ingur til að sinna verkefninu. „En
núna fengum við styrk á fjárlög-
um frá Alþingi, tvær milljónir
króna, sem gerði okkur kleift að
gera ansi góðan skurk í málun-
um. Við settum nýja útgáfu í loftið
fyrir um þremur vikum.“ Á nýja
vefnum hefur bæst við sá mögu-
leiki að almenningur getur sett
inn sín eigin mál sem fara svo í
svipaðan farveg og gerst með mál
á Alþingi.
Gunnar segir viðtökurnar mjög
góðar, sér í lagi miðað við hversu
litla kynningu vefurinn hafi enn
fengið. „Við erum komnir með um
sautján hundruð notendur og tölu-
verð virkni á hverjum degi.“ Hann
segir þó að heldur þurfi að aukast
virknin til að vefurinn nái tilætl-
uðum árangri, en er bjartsýnn á
að það hafist þegar fleiri frétta af
vefnum. „Við áætlum að það þurfi
svona fimm til tíu þúsund notend-
ur til þess að þetta verði eins og
ég veit að þetta getur orðið.“
Alþingismönnum hefur enn
ekki verið kynntur vefurinn sér-
staklega, en það mun þó í bígerð.
„Við erum að ljúka við gerð við-
bótar sem sýnir hvernig mál koma
til með að líta út eftir að gengnar
eru, ef ganga í gegn, hinar og
þessar breytingatillögur, sem
stöðugt koma upp í þingstörfun-
um. Þegar þetta er komið í loft-
ið þá ætlum við að hafa samband
við þingmennina og benda þeim á
þetta.“
Gunnar veit þó af nokkrum
stjórnmálamönnum sem nota vef-
inn og hefur heyrt af ánægju
þeirra í gegn um samskiptavefinn
Facebook, en skuggathing.is styður
margvíslegar sendingar inn á hann.
„Það er hægt að taka ræðu og/eða
ræðustubb og senda beint á Face-
book, sem er svolítið skemmtilegt
og ein af fjölmörgum leiðum til að
vekja athygli á því sem fram fer á
skuggaþinginu.“ olikr@frettabladid.is
Vilja fólkið úr skotgröfunum
GUNNAR GRÍMSSON Vefurinn skuggathing.is var upphaflega settur í loftið skömmu
fyrir jólin 2008 og rekinn í prufuútgáfu. Á þessu ári fékk verkefnið styrk frá Alþingi og
vefurinn verið keyrður í nýrri mynd í um þriggja vikna skeið. FRÉTTABLAÐIÐ/ANTON
Hættur að strippa?
„Ég er nú kominn á þann
aldur að ég veit ekki hvort ég
nenni að vera í þessu brölti
lengur.“
ÁSGEIR DAVÍÐSSON, EIGANDI
GOLDFINGER, UM NÝSAMÞYKKT
BANN VIÐ NEKTARDANSSTÖÐUM.
Fréttablaðið, 24. mars.
Hjúkk!
„Þetta var allt í hefí dútí
flight-keisum, svo þetta gæti
hafa sloppið.“
KRUMMI Í MÍNUS UM BASSA- OG
GÍTARMAGNARA SEM HLJÓMSVEIT-
IN SKILDI EFTIR Á BATTERÍINU
ÞEGAR ÞAÐ BRANN.
Fréttablaðið, 24. mars.
„Það er allt rosalega gott að frétta af mér. Ég eignaðist
barn fyrr í mánuðinum og svo fengum við eldgos sem er
eiginlega beint fyrir utan gluggann hjá okkur,“ segir Hreinn
Óskarsson, verkefnisstjóri Hekluskóga og starfsmaður
Skógræktar ríkisins.
Eldgosið á Fimmvörðuhálsi er Hreini hugleikið en hann
býr í Odda á Rangárvöllum og hann segir heimilisfólk sitja
á kvöldin, og stundum á daginn ef tími gefst til, og fylgjast
með framvindu gossins. „Þetta er mjög spennandi. Um leið
og opnast fyrir ský þá sést beint á gígana, strókana og allt
saman.“
Hann segist stundum vaka vegna barnsins
að næturlagi. „Barnið vekur okkur þegar
það vill drekka og þá fylgjumst við með
gosinu. Það var ótrúlega tilkomumikil
sjón til dæmis í fyrrinótt.“
Hreinn sinnir tveimur störfum eins og fyrr segir.
„Kreppan gerði það að verkum að mér var boðin aftur
vinna sem skógarvörður. Ég fæ 100 prósent laun fyrir
200 prósenta starf, sem er mjög skemmtilegt. Nú er
verið að undirbúa sumarið, skipuleggja gróðursetn-
ingu og ráða fólk í að grisja skógana.“
Í frítíma sínum spilar Hreinn í hljómsveit og syngur í
kór. „Ég er í kirkjukór Þykkvabæjar- og Oddakirkju. Það er
nú bara af því að konan mín er prestur og ég bý á kirkju-
staðnum. Ég spila líka í hljómsveit sem heitir Slow Train. Í
þeirri sveit spilum við lög eftir Bob Dylan. Við erum
að undirbúa tónleika þessa dagana, ætlum að
spila með gospelkórnum Uppsveitasystrum
10. apríl næstkomandi. Við munum spila
nokkur Dylan-lög með kórnum, svona
gospelútgáfu af þeim.“
HVAÐ ER AÐ FRÉTTA? Hreinn Óskarsson, verkefnisstjóri Hekluskóga, hefur í nógu að snúast
Spilar Dylan í gospelútgáfu með kvennakór
■ Orðið skötuselur, sem nú heyr-
ist daglega í fréttum, er öllu feg-
urra en viðfangið sjálft. Kröfur
um gagnsæi virðast þó ekki
hafa verið mjög ríkar á framan-
verðri nítjándu öld
þegar höfundur-
inn smíðaði orðið.
Þótt sannarlega
sé skötuselurinn
í flatara lagi á
hann nefnilega
lítið líffræðilega
skylt við skötu – og
enn minna við sel.
Þessi nýyrðasmið-
ur var þó enginn
nýgræðingur í faginu.
Hann hét Jónas Hall-
grímsson og samdi
ógrynni íslenskra orða
sem notuð eru óspart
enn í dag. Skáldið stakk
raunar upp á öðru nafni á
skötuselinn, sædyfli, sem
hefur þurft undan að
láta.
Erlend orð yfir þennan
ófrýnilega fisk eru mörg
og misjöfn. Á ensku heitir hann
ýmist anglerfish (öngulfiskur)
eða monkfish (munkfiskur), og
á þýsku er hann jafnan kallaður
seeteufel, sem á íslensku mundi
útleggjast sem sædjöfull og við
notum raunar um annan fisk,
skyldan skötusel. Danir og Norð-
menn tala um havtaske (hafgálu)
eða bredflab (breiðkjaft). - sh
TUNGUTAK
Jónas skapaði
skötuselinn