Fréttablaðið - 12.06.2010, Qupperneq 38

ANDSTÆÐUR OG FLÆÐI er yfirskrift á málverkasýningu
Huldu Hlínar Magnúsdóttur í Turninum í Kópavogi, annarri hæð.
Þar sýnir hún verk máluð í Feneyjum, Veróna og Róm.
Heiðar Kári Rannversson stýrir
leiðsögn um listaverkin í Viðey á
morgun, sunnudag, og ræðir um
Friðarsúlu Yoko Ono og Áfanga
eftir bandaríska listamanninn
Richard Serra.
Heiðar Kári útskrifaðist með BA-
gráðu í listfræði frá Háskóla Íslands
í fyrra og í leiðsögn sinni skoðar
hann tengsl listaverkanna í Viðey
við umhverfið og áhorfendur. Frið-
arljósið í listaverkinu Imagine Peace
Tower var tendrað hinn 9. október
árið 2007 og er verkið tileinkað
minningu Johns Lennon sem hefði
þá orðið 67 ára gamall. Á hverju
ári lýsir Friðarsúlan frá fæðingar-
degi Lennons til 8. desember sem er
dánardagur hans. Einnig er kveikt
á ljósinu á gamlársdag, á jafndægri
að vori og á sérstökum hátíðardög-
um sem listamaðurinn Yoko Ono og
Reykjavíkurborg koma sér saman
um. Friðarsúlan er hvít að lit og
myndar nokkurs konar óskabrunn,
en á hann er rituð setningin Hugsið
ykkur frið á 24 tungumálum.
Listaverkið Áfangar eftir banda-
ríska myndhöggvarann Richard
Serra var reist í vesturhluta Við-
eyjar í tengslum við Listahátíð árið
1990. Verkið samanstendur af níu
súlnapörum úr stuðlabergi sem
ramma inn nærliggjandi kennileiti
eða áfangastaði.
Leiðsögnin hefst klukkan 14.30
og tekur um eina og hálfa klukku-
stund en ferðir frá Sundahöfn eru
farnar með reglulegu millibili allan
daginn.
- ve
Listaverkaganga með leiðsögn
Í göngunni verða þátttakendur leiddir í
allan sannleikann um listaverkin í Viðey.
„Langflestir sem ganga á Esjuna
fara rakleiðis upp á Þverfellshorn
en færri vita að í Esjunni eru 24
merktar gönguleiðir og margt
hægt að gera annað en að fara
beint á toppinn. Skógurinn er frá-
bær, sem og trjásafnið, og hvar-
vetna hægt að stunda skemmti-
lega útivist og fjallgöngur þar sem
allir finna eitthvað við sitt hæfi,“
segir Skúli Björnsson verkefna-
stjóri hjá Ferðafélagi Íslands um
Esjuna sem verður í aðalhlutverki
á Esjudegi FÍ og VISA í dag.
Dagskráin hefst með afhjúpun
glæsilegs Esjuskiltis, en að því
loknu verður boðið upp á göngu-
leiðir sem mörgum eru ókunn-
ar undir leiðsögn reyndra farar-
stjóra og trjáálfarnir fræða börn
um endurvinnslu og fleira.
„Esjan er alltaf að sækja í sig
veðrið og eftir Esjudaginn í fyrra
þurftum við að skipta vikulega um
gestabók því blaðsíðurnar fylltust
jafnóðum. Í dag ætlum við sér-
staklega að kynna ferðaáætlun
Ferðafélags barnanna sem var
stofnað fyrr á árinu innan FÍ, en
sífellt fleiri fjölskyldur átta sig
á því að börn eiga líka heima í
lengri gönguferðum þótt maður
fari alltaf á þeirra forsendum og
píni þau ekki lengra en þau kom-
ast. Með upplifun í náttúrunni vex
náttúruvernd og umhverfisskynj-
un barna, í stað þess að læra hana
bara úr kennslubókum, en Esjan er
einmitt kjörin í það, auk þess sem
útivist er holl og ódýr skemmtun
sem eflir fjölskyldutengsl.“
Að sögn Skúla fóru 14 þúsund
manns á Esjuna í fyrrasumar.
„Allir sem skrifa í gestabækur
Esjunnar fara í pott og geta unnið
ferð með FÍ og ýmislegt annað á
Esjudeginum,“ segir Skúli sem
sjálfur nýtur útivistar á Esju.
„Esjan hefur alltaf verið í uppá-
haldi hjá mér því mér finnst hún
óskaplega falleg, góð heim að
sækja og afar fjölbreytt. Uppá-
haldsleiðin er upp á Kerhóla-
kamb, útsýnisins vegna en líka
af því hún er ekki í eins mikilli
alfaraleið.“
Esjan er 719 metra há á Þver-
fellshorni en 909 metrar á hábung-
unni.
„Esjan getur vissulega verið
hættuleg þar sem eru hamrar
og gljúfur og því mikilvægt að
allir fari varlega og eftir settum
reglum,“ segir Skúli og minnir á
gönguferð Páls Ásgeirs Ásgeirs-
sonar eftir Esjunni endilangri
á morgun þar sem gengið er frá
Móskarðshnjúkum út á Kerhóla-
kamb, ofan á fjallinu.
„Gangan er nokkuð stíf en vel
fær vönu göngufólki. Þá er orðið
betra að komast upp á efstu tinda
eftir að kaðlar og keðjur voru sett-
ar efst til að auðvelda för.“
Þess má geta að við Esjurætur
er veitingastaðurinn Esjustofa.
Hægt er að taka leið 57 frá
Háholti í Mosfellsbæ að Esju (sjá
www.straeto.is). Dagskráin stend-
ur frá klukkan 13 til 16.
thordis@frettabladid.is
Ný gestabók vikulega
Esjudagurinn er haldinn hátíðlegur í dag í formfagurri Esjunni, en þar er að finna eitt af vinsælli úti-
vistarsvæðum höfuðborgarsvæðisins, þar sem hægt er að fara í lautartúr, skógargöngur og fjallgöngur.
Skúli Björnsson er verkefnisstjóri Ferðafélags Íslands. FRÉTTABLAÐIÐ/VALLI
Ný ferðaáætlun Ferðafélags barnanna
verður kynnt í Esjuhlíðum í dag, en börn
finna paradís í fjölbreyttri útivist á Esju.
FRÉTTABLAÐIÐ/VILHELM
Skipholti 29b • S. 551 0770
ÚTSALAN HAFIN!
Við getum nú boðið hinar fallegu miðalda
og menningaborgir Tallinn og Ríga á
ótrúlegum kjörum í beinu flugi frá Keflavík
Brottfarir til Tallinn í Eistlandi:
12.- 20 júli, 12.-16 júlí,
16.- 20. júlí
Flug með skatti 34.990 kr.
fá sæti laus
Flug og hótel
12.-16. júlí og 16.-20 júli
49.900 kr. per mann í 2ja
manna herbergi.
12. -20 júli, flug og hótel
67.890 kr. per mann.
fá sæti laus
Brottför til Riga i Lettlandi:
17.- 22. ágúst.
Flug með skatti 32.990. kr.
Flug og hótel 63.900 kr.
6 sæti laus