Fréttablaðið - 12.06.2010, Side 67

LAUGARDAGUR 12. júní 2010 35
fljótlega á limminu,“ segir hún og
bætir við að ástæðan fyrir því að
stjórnvöld veigri sér við því að taka
saman áreiðanlegt neysluviðmið sé
hápólitísk.
Breytingar fram undan
Ýmis tímabundin úrræði hins opin-
bera og fjármálafyrirtækja vegna
fólks í skuldavanda eru að renna út
um þessar mundir og senn verða
liðin tvö ár frá efnahagshruninu.
Ásta segir úrræði á borð við
frystingu lána ekki lausn til fram-
búðar. Leita verði annarra leiða.
Hún bindur miklar vonir við stjórn-
arfrumvarp um stofnun embættis
umboðsmanns skuldara og breyt-
ingu á lögum um greiðsluaðlögun.
Markmið frumvarpsins er að
gera einstaklingum í verulegum
greiðsluerfiðleikum kleift að end-
urskipuleggja fjármál sín og koma
á jafnvægi milli skulda og greiðslu-
getu svo raunhæft verði að fólk geti
staðið við skuldbindingar sínar.
Frumvarpið hefur verið til
umræðu í félags- og trygginga-
málanefnd Alþingis frá því seint í
maí. Það felur í sér að umboðsmað-
ur skuldara tekur við af Ráðgjafar-
stofu heimilanna og greiðsluaðlögun
flyst frá dóms- og mannréttinda-
ráðuneyti yfir til félagsmálaráðu-
neytis. „Þetta verður félagslegt
úrræði enda eru greiðsluerfiðleik-
ar velferðarmál. Það mun vonandi
forða fólki frá gjaldþroti,“ segir
Ásta.
„Þetta er forgangsmál ríkis-
stjórnarinnar,“ segir Árni Páll
Árnason, félags- og trygginga-
málaráðherra. Hann segist í sam-
tali við Fréttablaðið reikna með því
að frumvarpið nái í gegnum Alþingi
áður en þingmenn fara í sumarfrí
og geti orðið að lögum á þriðjudag.
„Það hefur margt breyst í starfseminni á þessum fjórtán árum sem ég hef
verið hér. Í byrjun komu margir sem voru illa staddir félagslega og fólk sem
hafði farið illa út úr því að gangast í ábyrgðir fyrir aðra. Það var áður en
því var breytt og bankarnir skyldaðir að upplýsa fólk um hvað fólst í því að
gangast í ábyrgðir,“ segir Ingveldur Fjeldsted, þjónustustjóri hjá Ráðgjafar-
stofunni. Ingveldur hóf störf hjá Ráðgjafarstofunni árið 1996.
Hún rifjar upp að þegar Ráðgjafarstofan tók til starfa hafi yfirdráttur í
bönkum ekki verið jafn áberandi og nú, heyrði jafnvel til undantekninga.
Algengur yfirdráttur var í kringum fimmtíu þúsund krónur. „Í dag er undan-
tekning ef fólk er ekki með yfirdrátt. Sumir eru með hann á mörgum stöð-
um – allt upp í hálfa milljón í öllum bönkum. Þegar slík upphæð safnast
upp er upphæðin há,“ segir hún og bætir við að á árum áður hafi þótt frekar
neikvætt að leita til Ráðgjafarstofu og því fylgt fordómar. „Sem betur fer
hefur það breyst og lítur fólk nú á það sem sjálfsagðan hlut að leita aðstoð-
ar hjá ráðgjafa þó svo að því miður dragi margir það of lengi,“ segir hún.
Ingveldur segir að vandamálin í dag séu í grunninn þau sömu og þegar
Ráðgjafarstofan var sett á laggirnar. „Nú er hópurinn sem hingað leitar
stærri og breiðari. Áður leituðu frekar hingað þeir sem stóðu höllum fæti
vegna veikinda eða skertra tekjumöguleika. Í dag samanstendur hópurinn
af meðaltekjufólki með yfirveðsettar eignir.“ segir hún og bendir á að flestir
séu í vanda með lán í erlendri mynt. „Bílalán í erlendri mynt var afdrifarík
byrði fyrir fólk, og mörgum þungur baggi. Án hans myndu margar fjölskyldur
ráða við greiðslubyrðina.“
Sömu vandamálin nú og áður
Skuldavandi heimilanna
22.000
21.000
20.000
19.000
18.000
17.000
16.000
15.000
2007 2008 2009 2010
Fjöldi á vanskilaskrá frá 1. janúar 2007 til 1. júní 2010
HEIMILD: CREDITINFO
Golfferðir
Fyrirspurnir og nánari upplýsingar:
www.expressferdir.is
info@expressferdir.is
Sími 590 0100
Verð á mann í tvíbýli, frá
149.800 kr.
Golf í haust
Express ferðir bjóða pakkaferðir við allra hæfi á þrjá
frábæra golfvelli á Spáni, Bonalba, La Sella og Oliva
Nova. Í boði eru 7 og 9 daga ferðir. Spilaðu golf við
bestu aðstæður og njóttu lífsins í sólinni á Spáni!
Skelltu þér á www.expressferdir.is/golf eða
hringdu í 5 900 100 og kynntu þér kostina.
F
í
t
o
n
/
S
Í
A

Fyrsta
flokks vellir
á Spáni!
A
u
g
lý
si
n
g
a
sí
m
i
Allt sem þú þarft…