Fréttablaðið - 12.06.2010, Qupperneq 80

48 12. júní 2010 LAUGARDAGUR
„Það er búin að vera mjög góð sala,“
segir Jón Ágúst Eggertsson hjá íþrótta-
versluninni Jóa útherja. HM í fótbolta
er byrjað og hafa landsliðstreyjurnar
í versluninni rokið út að undanförnu.
Treyjurnar með Argentínu, Spáni,
Þýskalandi og Englandi eru vinsæl-
astar og að sögn Jóns Ágústs er salan
meira en fyrir síðustu keppnir. „Það á
enginn peninga til að fara til útlanda
þannig að menn skemmta sér bara
heima yfir HM.“
Fjölskyldur hafa verið duglegar við
að dressa sig upp fyrir keppnina, þótt
sjaldgæft sé að þær kaupi allar sömu
tegund af treyju.
Eftir að Inter vann Meistaradeildina
í síðasta mánuði seldust treyjur félags-
ins upp í versluninni. „Það fóru allt í
einu allir að halda með Inter,“ segir Jón
og bætir við að aðdáendur enska bolt-
ans bíði spenntir eftir nýjustu treyjum
sinna liða. Mest er spurt um treyjur
Liverpool, Manchester United, Chelsea
og Arsenal. Tvær fyrstnefndu treyjurn-
ar verða með nýjum auglýsingum og er
því mörgum kappsmál að eignast þær.
- fb
Fjölskyldur kaupa landsliðstreyjur
LANDSLIÐSTREYJUR Landsliðstreyjurnar hafa
selst vel í Jóa útherja fyrir HM í fóbolta.
FRÉTTABLAÐIÐ/VILHELM
Kvikmynd sem fjallar um hinn
dónalega Les Grossman, sem Tom
Cruise túlkaði í gamanmyndinni
Tropic Thunder, er í undirbún-
ingi. Leikstjóri og framleiðandi
Tropic Thunder, gamanleikarinn
Ben Stiller, verður einn af fram-
leiðendum myndarinnar. Þessi tíð-
indi koma ekki á óvart því stutt er
síðan Grossman kom fram á MTV-
verðlaunahátíðinni og dansaði við
Jennifer Lopez.
„Sagan á bak við Les Grossman
er sígild saga um það hvað einn
maður nær langt eftir að hafa
yfirstigið margar hindranir. Með
nýju myndinni ætlar hann að láta
Citizen Kane líta út fyrir að vera
ömurleg mynd. Það er heiður að fá
að vinna með honum,“ sagði Stiller
í yfirlýsingu sinni.
Grossman snýr aftur
LES GROSSMAN Tom Cruise í hlutverki
Grossmans á MTV-verðlaunahátíðinni
sem var haldin um síðustu helgi.
NORDICPHOTOS/GETTY
Hjartaknúsarinn Robert Pattinson
sat fyrir svörum hjá franska tíma-
ritinu Premiere fyrir skemmstu
og var hann meðal annars spurð-
ur út í fylgifiska frægðarinnar.
„Eftir að ég varð frægur hef ég
orðið svolítið vænisjúkur. Þegar
ég geng um göturnar þá forðast ég
að líta í augun á fólki skyldi það
þekkja mig í sjón. Mér finnst ég
þurfa að fela mig stanslaust. Ég
lifi undarlegu lífi og ég get ekki
verið eins opinn og ég mundi vilja
vera. En maður lærir að takast á
við frægðina og mér finnst ég gera
það betur núna en áður. Ég held
að annað hvort missi maður bara
tökin og loki sig af frá umheimin-
um, eða maður læri að takast á við
frægðina.“
Pattinson sló í gegn í hlutverki
vampírunnar Edward Cullen í Twi-
light kvikmyndinni og hefur síðan
þá verið einn eftirsóttasti leikari
Hollywood. Unglingsstúlkur og
jafnvel saklausar húsmæður hafa
legið fyrir utan tökustaði hjá Patt-
inson í þeirri veiku von um að bera
kyntáknið augum.
Næsta Twilight-mynd verður
frumsýnd hér á landi 30. júní en
bæði myndirnar og bækurnar hafa
notið mikilla vinsælda. Pattinson
hefur hins vegar einnig reynt fyrir
sér í öðrum hlutverkum en Edward
Cullen og hann er um þessar
mundir að leika í kvikmyndinni
Water for Elephants á móti Ósk-
arsverðlaunahöfunum Christoph
Waltz og Reese Witherspoon. Þar
gengur hann til liðs við sirkus eftir
að foreldrar hans eru drepnir. Þá
er hann bókaður í kvikmyndina
Unbound Captives þar sem mót-
leikarar hans eru Rachel Weisz og
Hugh Jackman.
Pattinson tekst á við frægðina
OF FRÆGUR Robert Pattinson segir
frægðina hafa gert hann vænisjúkan.
NORDICPHOTOS/GETTY
Rithöfundurinn Þórarinn
Eldjárn er að þýða Shake-
speare-verkið Lér konung-
ur sem verður jólasýning
Þjóðleikhússins. Þetta er
í fyrsta sinn sem hann
spreytir sig á Shakespeare.
„Ég er búinn að ná landi,“ segir
Þórarinn, sem byrjaði að þýða 1.
janúar og hefur nú lokið fyrsta
uppkasti. „Þetta gekk bara vel.
Mikið af þessu er í bundnu máli,
svokallaðri stakhendu, sem er ekki
rímað að vísu en á íslensku er beitt
stuðlum. Það er ákveðinn taktur í
hverri línu, fimm kveður, og það
tekur smá tíma að venjast þessu.
Svo dettur maður inn í ákveðinn
takt,“ segir hann. „Síðan eru ótal
álitaefni og hlutir sem eru vanda-
samir. En það verður bara eins og
að ráða í erfiða krossgátu að láta
það ganga upp.“
Þetta er í þriðja sinn sem verkið
Lér konungur er þýtt á íslensku.
Fyrst gerði það Steingrímur Thor-
steinsson í bók sem kom út á seinni
hluta 19. aldar og síðast var leikrit-
ið sýnt í Þjóðleikhúsinu 1977 í þýð-
ingu hins sáluga Helga Hálfdanar-
sonar, sem hefur hingað til verið
hinn „opinberi“ Shakespeare-
þýðandi. Heyrst hefur að þýðing
Þórarins sé ekki eins formleg og
hinar eldri en Þórarinn vísar því
á bug. „Það er þannig með mikil
og merkileg bókmenntaverk að þau
þarf að þýða oft. Þessi þýðing er
ekkert minna formleg en þeirra
en málfarið er annað. Þetta miðar
fyrst og fremst að því að vera á
eðlilegri og skiljanlegri nútíma-
íslensku án þess nokkurn tíma að
fara út í einhverja lágkúru.“
Þórarinn hefur aldrei áður þýtt
Shakespeare og segist ekki vera
neinn sérfræðingur í hans texta.
„Auðvitað dáist ég mikið að þess-
um stórfenglega skáldskap sem er
að finna bæði í leikritum hans og
ekki síður í sonnettunum. En ég er
enginn Shakespeare-sérfræðingur
umfram aðra.“ freyr@frettabladid.is
Spreytir sig á
Shakespeare
SITUR VIÐ SKRIFTIR Þórarinn er að þýða verkið Lér konungur eftir Shakespeare fyrir
jólasýningu Þjóðleikhússins. FRÉTTABLAÐIÐ/GVA
> LEIKUR KLEÓPÖTRU
Leikkonan Angelina Jolie mun
að öllum líkindum fara með
hlutverk Kleópötru í sam-
nefndri kvikmynd sem verður
framleidd af Scott Rudin, sem
framleiddi einnig No Country
for Old Men. Þegar Rudin var
spurður hvern hann vildi
í hlutverk keisara Rómar
sagðist hann helst vilja fá
Brad Pitt.
folk@frettabladid.is