Fréttablaðið - 04.09.2010, Síða 42

Ragnheiður Tryggvadóttir skrifar
FERÐAFIÐRILDIN Í
MAGANN
ferðalög kemur út mánaðarlega
með helgarblaði Fréttablaðsins.
Ritstjóri Sólveig Gísladóttir solveig@frettabladid.is Roald Viðar Eyvindsson
roald@frettabaldid.is
Útlit Arnór Bogason og Kristín Agnarsdóttir
Forsíðumynd Nordicphotos/getty
Pennar Emilía Örlygsdóttir, Júlía Margrét Alexanders-
dóttir, Ragnheiður Tryggvadóttir, Vera Einarsdóttir,
Þórdís Lilja Gunnarsdóttir,
Ljósmyndir Fréttablaðið
Auglýsingar Bjarni Þór Sigurðsson bjarnithor@365.is
2 FERÐALÖG
Þeir sem leggja leið sína til
Parísar, nánar tiltekið í grennd
við Eiffelturninn, eiga kost
á því að prófa nokkuð ævin-
týralegan ferðamáta, hesta-
kerru sem minnir á graskerið
úr ævintýrinu um Öskubusku.
Vagninn er skreyttur hjörtum
og hvorki meira né minna en
500 kíló að þyngd en það þykir
ekki koma að sök þar sem hann
er dreginn áfram af heims-
ins stærsta dráttarklár, hinum
sænskættaða Balthazar.
Ævintýralegt Vagninn nýtur
vinsælda meðal nýgiftra hjóna.
NORDICPHOTOS/AFP
F
erðalög til fjarlægra landa hafa ekki alltaf
verið einföld okkur Frónarbúum. Við liggjum
afskekkt, úr alfaraleið og hingað átti enginn
neitt erindi sérstaklega. Mér finnst alltaf svo
merkilegt að lesa það í fornsögunum að Íslendingar
hafi gert út skip milli Noregs og Íslands eftir behag
og ruðst yfir Norður-Atlantshafið á opnum trébátum
eins og það væri ekkert mál. Eftir þessa miklu höfð-
ingjatíma lögðust reyndar skipaferðir mikið til af og
við húktum í moldarkofunum okkar fram á 20. öldina,
án sambands við umheiminn.
Nú getum við ferðast og héðan er hægt að fljúga út í
hinn stóra heim. Það gæti þýtt að ferðalög til annarra
landa séu orðin hversdagsleg. Sjálfsagt eru einhverjir
sem „þurfa“ að ferðast mikið vegna vinnu sinnar og
mæta í Leifsstöð með þreytu þess sem leiðist í aug-
unum, veraldarvanir, en ekki ég.
Ég fæ fiðrildi í magann mörgum vikum áður en ég
á að mæta á völlinn og raða í töskuna mína í hugan-
um á kvöldin áður en ég fer að sofa. Og kvöldið fyrir
brottför er spenningurinn næstum of mikill til að ég
festi svefn, sérstaklega ef ég þarf að vakna um miðja
nótt í morgunflug. Eins og sveitamaður get ég ekki
dulið gleði mína þegar ég panta mér kaffibolla á flug-
teríunni. Langar helst til að gauka því að afgreiðslu-
fólkinu hvert ég sé að fara. Í flugvélinni bíð ég spennt
eftir að fá að borða, þó flugvélamaturinn sé sjaldnast
geðslegur, það er bara svo mikið ævintýri að borða í
háloftunum. Í útlöndum er allt svo öðruvísi og spenn-
andi, önnur lykt, annað hitastig, annað tungumál. Mér
hefur aldrei leiðst í útlöndum. Ég öfunda stundum þá
veraldarvönu sem „þurfa“ að ferðast um allan heim og
skil ekkert í þeim að barma sér yfir nýjum og nýjum
áfangastað.
En kannski má ég vera fegin að vera ekki í
þeirra hópi. Ég fæ allavega
ennþá fiðrildi í magann
fyrir ferða-
lög.
É
g lauk BA-gráðu í frönsku árið
2001 og hóf í framhaldinu störf
við franska sendiráðið í Reykja-
vík. Þegar ég frétti, fyrir fimm
árum síðan, af lausri stöðu við íslenska
sendiráðið í París ákvað ég að slá til
og sækja um. Þangað var ég svo ráðin
sem aðstoðarmaður sendiherra og hef
ég verið búsett þar síðan ásamt frönsk-
um eiginmanni og börnum,“ segir Lilja
Björk Stefánsdóttir spurð um aðdrag-
anda þess að hún hóf störf í íslenska
sendiráðinu í París.
Um síðustu jól kom eiginmaður
Lilju henni skemmtilega á óvart þegar
hann gaf henni vikuferð til Sjanghæ.
„Ég vissi svo sem lítið sem ekkert um
Sjanghæ, en nafnið hljómaði exótískt
og spennandi. Eitthvað gat ég lesið mér
til um borgina því Heimssýningin 2010
var opnuð þar með pompi og prakt í
maí og var töluverð umfjöllun um hana
í frönsku pressunni. Tveimur dögum
fyrir brottför, eftir ljúfa dvöl á heima-
slóðum, kíkti ég á veðurspána: 35°c og
glampandi sól, alla vikuna. Ekki alveg
minn tebolli en of seint að hætta við!
Þann 18. ágúst flugum við til Dubai og
svo þaðan á áfangastað, alls rúmlega 14
tímar í háloftunum. Þrátt fyrir vott af
flughræðslu var þetta langa ferðalag svo
sannarlega þess virði. Sjanghæ er stór-
kostleg borg,“ segir Lilja.
Í Sjanghæ búa 20 milljónir manna og
hefur uppbyggingin þar á síðustu árum
verið gríðarlega hröð að sögn Lilju.
„Skýjakljúfarnir skipta hundruðum,
hver öðrum glæsilegri og ekkert lát virð-
ist vera á framkvæmdagleðinni. Þarna
úir og grúir af hátískubúðum og hágæða
úraverslunum og Champs-Elysées blikn-
ar í samanburði við Huaihuai-breiðgöt-
una. Lúxusinn er allsráðandi og ennþá
dýrari en í París. Það er erfitt að skilja,
þrátt fyrir alla 20 milljón íbúana, hvern-
ig rekstur allra þessara lúxusverslana
gengur upp, þegar meðallaunin í Shang-
hæ eru 150-200 evrur á mánuði. Enda
eru búðirnar og verslunarmiðstöðvarn-
ar áberandi mannlausar.“
Síðasta deginum í Kína eyddu Lilja og
maðurinn hennar í Zhujiajiao, sem er
úthverfi í um klukkutíma fjarlægð frá
miðborginni. „Zhujiajiao eru nokkurs
konar Feneyjar Sjanghæ, þar sem ferðast
er um á gondólum og bæjarlífið í Zhuji-
ajiao virtist hafa verið óbreytt í hundr-
uð ára. Þar keyptum við gersemar fyrir
slikk og drukkum grænt te við skipa-
skurðinn. Hitamælirinn var kominn upp
í 37°c og ekki fór mikið fyrir loftkælingu
á þessum slóðum. Við héldum þó göngu
okkar ótrauð áfram um þröngar götur
bæjarins. Mig fór að gruna að einhverju
hefði verið laumað í tevatnið mitt, þegar
ég rak augun í skilti á íslensku! Jú, það
var ekki um að villast, við höfðum ramb-
að inn á Heima-barinn í Sjanghæ. Barinn
er skreyttur íslenskum fánum og mynd-
um úr norrænu goðafræðinni og á stórri
töflu á veggnum má finna ýmsar fleyg-
ar setningar, eins og „Ísland, stórasta
land í heimi.“ Kínverjarnir tóku okkur
opnum örmum og buðu að sjálfsögðu upp
á víkingadrykkinn „Ísland“. Sannarlega
eftirminnileg endalok á ógleymanlegu
ferðalagi.“ - eö
HEIMASLÓÐIR Í SJANGHÆ
Lilja Björk Stefánsdóttir býr í París ásamt manni og börnum og vinnur í íslenska sendiráðinu
þar. Hún fékk veglega jólagjöf frá manninum sínum um síðustu jól sem var vikuferð til Sjang-
hæ sem þau fóru nú í ágúst. Þar rakst hún meðal annars á bar sem heitir Heima.
Skilti á íslensku Heima-barinn í Sjanghæ.
Bund-hverfið í Sjanghæ Með útsýni yfir Pudong-viðskiptahverfið. Árið 1990 stóðu nokkrir kofar hrísgrjónaræktenda
þar sem nú rís hver skýjakljúfurinn á fætur öðrum. Sá nýjasti, Shanghai Center, er í byggingu og verður hann 632 m
á hæð og 127 hæða.
Lilja Heima hjá sér í París. MYND/ ÚR EINKASAFNI
RÓMANTÍSKUR FERÐAMÁTI
flugfelag.is
Netið
Þú færð alltaf
hagstæðasta verðið
á www.flugfelag.is