Fréttablaðið - 01.10.2010, Qupperneq 64

44 1. október 2010 FÖSTUDAGUR
Uppselt er á tónleika Helga Björns-
sonar í Salnum 7. október þar sem
hann syngur lög Hauks Morthens.
Af því tilefni verða haldnir auka-
tónleikar miðvikudaginn 6. okt-
óber.
„Haukur var svo frábær söngv-
ari að það er yndislegt fyrir mann
að takast á við þetta,“ segir Helgi
Björnsson. „Að hlusta á Hauk
Morthens er eins og að fletta
gömlu myndaalbúmi þar sem ein-
ungis hefur verið raðað mynd-
um frá fallegu og skemmtilegu
stundunum í lífinu. Er ekki ein-
mitt ástæða til þess núna á þess-
um óvissutímum, að rifja upp lög
Hauks, lög þess tíma er Ísland var
að rísa upp sem nýtt lýðveldi með
bjarta framtíð og gleði unglings-
ins sem er að slíta af sér barns-
skóna?“ Ásamt Helga stíga á svið
þeir Einar Valur Scheving, Róbert
Þórhallsson, Stefán Már Magnús-
son og Kjartan Valdimarsson. - fb
Helgi vinsæll sem fyrr
HELGI BJÖRNSSON Aukatónleikar
Helga þar sem hann syngur lög Hauks
Morthens verða miðvikudaginn 6. okt-
óber. FRÉTTABLAÐIÐ/STEFÁN
Bandaríski grínistinn Pablo
Francisco kemur fram á
Broadway á sunnudaginn.
Francisco hefur tvisvar
sinnum skemmt á Íslandi
og hlakkar mikið til þess að
skemmta í þriðja skipti.
„Þið eruð búin að ganga í gegn-
um ýmislegt á Íslandi þannig að
við ætlum að mæta og skemmta
ykkur,“ segir uppistandsgrínistinn
Pablo Francisco.
Pablo Francisco kemur fram á
Broadway á sunnudaginn. Hann
hefur tvisvar áður verið með uppi-
stand á Íslandi við góðar viðtök-
ur landsmanna. Francisco kemur
til landsins að eigin frumkvæði,
en hin sænska umboðsskrifstofa
grínistans hafði samband við Krist-
in Bjarnason, sem stendur fyrir
uppistandinu. Francisco kemur til
landsins frá Danmörku, en hann er
búinn að ferðast um Norðurlöndin
undanfarið og kemur hér við á leið-
inni heim til Bandaríkjanna.
„Ég ætla að koma með tvo góða
vini mína, við erum búnir að vera
að ferðast saman,“ segir Francisco.
„Þetta verður frábær sýning, þið
viljið ekki missa af þessu. Hefjið
partíið með því að fara á þessa sýn-
ingu og farið svo út og missið vitið.
Takið einhvern með ykkur; strákar
komið með stelpur og stelpur komið
með stráka. Þið þurfið ekki að tala
saman, þið getið bara dottið í það,
slakað á og byrjað partíið.“
Þrjú ár eru síðan Pablo Franc-
isco kom til landsins og hann er
afar áhugasamur um afdrif þjóð-
arinnar. Hann hefur mikinn áhuga
á skemmtanalífi landsins og þrátt
fyrir tvær heimsóknir á hann enn
þá eftir að gera ýmislegt hér.
„Ég þarf að sjá aðeins meira
af Íslandi, maturinn er góður og
dagurinn er lengri. En hvernig er
það, voru þið að fá nýjan forseta?
Konu?“
Forsætisráðherra.
„Hvernig er það að virka?“
Öhm. Ég veit það ekki. Alþingi er
í algjöru rugli þessa dagana. Ætl-
arðu að leita að henni? Viltu hitta
hana?
„Nei! nei, ég er góður. Hún hlýt-
ur samt að mæta á Broadway.“
Francisco segist ekki vera mikið
partíljón á ferðalögum sínum, en
var engu að síður þunnur eftir
mikið fjör í Danmörku á mið-
vikudagskvöld. Hann hyggst líka
skemmta sér á Íslandi, enda síðasti
viðkomustaðurinn í ferðalaginu.
„Ísland er í leiðinni heim, þannig
að við ætlum að skemmta okkur og
slá tvær flugur í einu höggi.“
atlifannar@frettabladid.is
Millilendir á Íslandi til að
skemmta og detta í það
HLAKKAR TIL Pablo Francisco, sá kokhrausti í miðjunni, kemur fram á Broadway á sunnudaginn. FRÉTTABLAÐIÐ/VILHELM
> AFTUR Á HVÍTA TJALDIÐ
Rapparinn Eminem hefur tekið
að sér hlutverk í væntanlegri kvik-
mynd. Myndin kallast 360 og leik-
ur rapparinn á móti Sir Anthony
Hopkins og Rachel Weisz. Emin-
em lék í kvikmyndinni 8 Mile
árið 2002 og á dögunum
kom hann fram í loka-
þætti sjöundu þáttar-
aðar Entourage.
Egill „Gillz“ Einarsson hefur
fengið það verkefni að verða
meðhöfundur Símaskrárinn-
ar 2011. Þetta kom fram á
blaðamannafundi í Sporthús-
inu í Kópavogi í gær. Í frétta-
tilkynningu kemur fram að
Egill muni hafa umsjón með
bæði forsíðu og baksíðu
Símaskrárinnar en hann
mun auk þess taka þátt í
öðrum efnistökum bókar-
innar.
„Ég fékk hroll í síðustu
viku þegar sagt var frá því í
fréttum að Íslendingar væru
með feitustu þjóðum í heimi.
Þetta gengur ekki lengur og
ég lít á það sem persónulegt
verkefni mitt að gera eitthvað
í þessu. Ég þarf að ná til allra
og hvar er það hægt annars
staðar en í Símaskránni – þar
sem allir Íslendingar eru?
Þetta er feitasti bókasamn-
ingurinn á markaðnum, en
það er líka eina fitan sem ég
vil sjá. Ég ætla að nota þetta
tækifæri til að koma íslensku
þjóðinni á lappirnar og kom-
inn tími til,“ er haft eftir
Agli í fréttatilkynningunni
en hann tekur við keflinu af
Hugleiki Dagssyni.
Gillzenegger tekur við af Hugleiki
MEÐHÖFUNDUR SÍMASKRÁRINNAR Egill „Gillz“ mun hafa sitt að segja um
hvernig næsta símaskrá mun líta út. Þetta var kynnt á blaðamannfundi í
gær. Við hlið hans er Sigríður Margrét Oddsdóttir, framkvæmdastjóri hjá Já.
folk@frettabladid.is
FR
ÉT
TA
B
LA
Ð
IÐ
/V
IL
H
EL
M
GLÆPAFARALDUR
Í EYMUNDSSON
Nýjar og
spennandi
glæpasögur
kr. 1.990,-