Fréttablaðið - 09.10.2010, Qupperneq 77

bleika slaufan ●LAUGARDAGUR 9. OKTÓBER 2010 11
Skartgripaverslunin Leonard selur silfurútgáfu
Bleiku slaufunnar til styrktar Krabbameinsfé-
laginu. Ragnheiður I. Margeirsdóttir hönnuður
Bleiku slaufunnar 2010 fékk vinnu hjá Leonard
eftir að hafa unnið hönnunarsamkeppni Krabba-
meinsfélagsins sem var haldin í samstarfi við
Hönnunarmiðstöðina. Ragnheiður vinnur
nú einnig að hönnun nýrrar skartgripa-
línu sem verður seld í verslunum Leon-
ard á næstunni.
Silfurútgáfan er til í tveimur gerð-
um en hún fæst bæði sem næla og
sem hálsmen. Fíngert mynstr-
ið í slaufunni er tekið úr skúfhólki
ömmu hönnuðarins. Mynstrið er eilítið
niðurgrafið og skreytt fjölda sirkonsteina.
„Þetta er þriðja árið í röð sem við tökum
þátt í Bleiku slaufunni og framleiðum silf-
urútgáfuna. Það kemur mikill innblástur
með nýjum hönnuðum eins og Ragnheiði og
er gaman að sjá hvernig hún hefur unnið með
þjóðleg klæði formæðra okkar sem á svo sann-
arlega vel við verkefni eins og Bleiku slauf-
una,“ segir Sævar Jónsson hjá Leonard.
Verslanir Leonard í Kringlunni, Smára-
lind og Flugstöð Leifs Eiríkssonar eru
aðalsöluaðilar silfurútgáfunnar sem
kostar 9.500 krónur og er til í tak-
mörkuðu upplagi.
Þjóðleg silfurslaufa
● VASALJÓS TIL STYRKTAR KRABBAMEINSFÉLAGINU
Olís í samstarfi við Ísmar selur nú vasaljós til styrktar Krabbameinsfélag-
inu. Vasaljósin verða til sölu á tímabilinu 1. október til 30. nóvember.
Vasaljósin eru frá Streamlight-framleiðandanum í Bandaríkjunum sem
framleiðir fjölbreytt úrval hvers konar vasa- og leitarljósa fyrir atvinnufólk
og hefur um árabil styrkt krabbameinsrannsóknir með sölu á þessum
ljósum á heimsvísu. Ísmar sem er umboðsaðili Streamlight á Íslandi er
hér að bæta um betur og styrkja þennan málaflokk á heimavelli.
Á litlum skildi sem festur er við ljósið er Bleika slaufan vöru-
merkið en allur ágóði sölunnar mun renna til Krabbameins-
félagins. Olís mun selja vasaljósin á mörgum sölustöð-
um sínum um land allt en einnig verða ljósin til
sölu hjá Ísmar og Krabbameinsfélaginu.
Sálfræðingarnir Guðrún Árnadótt-
ir, dr. Heiðdís B. Valdimarsdótt-
ir og dr. Friðik H. Jónsson, ásamt
fleiri fræðimönnum, hafa rannsak-
að um nokkurt skeið hvaða þætt-
ir hafa áhrif á það að konur mæti til
brjóstamyndatöku.
Langtímarannsókn þeirra á
íslenskum konum, sem birtar voru
2008, sýnir ýmsa þætti sem hafa
áhrif á mætingu. Þar koma til bæði
þekking á gagnsemi myndatök-
unnar og einnig tilfinningalegir
þættir. Hér að neðan má sjá nokkra
helstu hvetjandi þætti.
Regluleg mæting í brjósta-
myndatöku kemur sjálfri mér og
þeim sem standa mér næst til
góða.
Brjóstamyndataka er hluti af
almennri heilsuvernd.
Ef ég mæti reglulega í brjósta-
myndatöku stuðla ég að bættri
heilsu.
Brjóstamyndataka skilar betri
árangri en sjálfsskoðun brjósta.
Lífslíkur kvenna sem mæta reglu-
lega í brjóstamyndatöku eru
betri en þeirra sem ekki mæta.
Brjóstamyndataka er besta
aðferðin sem völ er á til að finna
mein í brjósti á byrjunarstigi.
MÆTUM Í BRJÓSTAMYNDATÖKUNA
Margar konur telja því miður ekki
nauðsynlegt að mæta í brjósta-
myndatöku ef þær finna ekki fyrir
óþægindum eða einkennum. Hins
vegar er ljóst að allur er varinn
góður og best er að mæta alltaf
þegar boð kemur.
Söfnun Krabbameinsfélagsins
og samstarfsaðila þess hefur
svo sannarlega komið að góð-
um notum í gegnum tíðina.
Það er fyrir tilstuðlan almennings
og velunnara að Krabbameinsfé-
lagið getur veitt jafn góða þjónustu
og stundað eins góða leit og raun
ber vitni. Vegna þessa gat Krabba-
meinsfélagið tekið fimm stafræn
brjóstaröntgentæki, fjórar sér-
hæfðar úrlestrarstöðvar og tvær
ómsjár í notkun sumarið 2008.
Röntgentæki, ómsjár og úrlestr-
arstöðvar eru á röntgendeild Leit-
arstöðvar Krabbameinsfélags Ís-
lands í Skógarhlíðinni og röntgen-
deild Sjúkrahússins á Akureyri.
Auk þess er eitt farandtæki, sem
er flutt milli staða á landsbyggð-
inni, svo unnt sé að taka brjósta-
myndir um land allt.
Reynslan af tækjunum er góð.
Margar konur tala um að minni
óþægindi séu við myndatöku með
nýju tækjunum. Það er notuð minni
pressa en áður en myndatakan
sjálf fer fram á sama hátt. Þess
eru dæmi að konur, sem ekki hafa
komið í myndatöku í tíu ár vegna
ótta við óþægindi, tali um að þetta
sé ekkert mál og þær ætli óhikað
að mæta í næsta skipti. Myndatök-
urnar ganga hraðar fyrir sig og af-
köstin hafa aukist verulega.
Geislafræðingunum, sem taka
myndirnar, finnst að öllu leyti
miklu þægilegra að vinna við
myndatöku með þessum tækjum.
Það er auðveldara að taka mynd-
ir af konum með stór brjóst, tækið
Söfnun skilar árangri
sjálft stýrir pressunni og verk-
ið er líkamlega auðveldara. Auk
þess er mikill kostur að sleppa við
filmuskipti, framköllun og vinnu
með framköllunarvökva og fixer-
vökva. Að losna við framköllun-
arvélina skapar hljóðlátara vinnu-
umhverfi. Auk þess er hægt að
„endurvinna“ myndirnar í tæk-
inu, ef þær t.d. reynast of ljósar
eða dökkar og þar með þarf sjaldn-
ar en áður að endurtaka myndatök-
una. Röntgen læknar sem lesa úr
myndunum segja einnig að það sé
auðveldara að vinna með stafræn-
ar myndir en filmur og þægilegt sé
að vinna með myndina á skjánum.
Þetta fækkar einnig viðbótarmynd-
um sem áður var oft þörf á. Mikið
hagræði er einnig af úrvinnslu- og
geymslukerfi sem gerir m.a. kleift
að skoða myndir úr hvaða tæki sem
er á hvaða úrlestrarstöð sem er.
Fjáröflunarátakið Bleika slaufan
2010 beinist að söfnun sem snýr að
fræðslu og ráðgjöf og vill Krabba-
meinsfélagið með henni auka þekk-
ingu almennings á krabbameinum
hjá konum. Krabbameinsfélag-
ið býður upp á mjög góða aðstöðu
fyrir leit, bæði að krabbameinum
í brjóstum og leghálsi og með því
að auka fræðslu og ráðgjöf er unnt
að fjölga heimsóknum í leitina og
minnka vonandi enn frekar dánar-
tíðni úr krabbameini meðal kvenna
á Íslandi.
Fremur hljótt hefur verið um út-
gáfu ljóðabókarinnar Að jörðu
(útg. Nykur 2009) eftir Ásu Marin
Hafsteinsdóttur, sem hún tileink-
ar minningu móður sinnar, Önnu
Bjarkar Daníelsdóttur (1955-
2006). Ljóðin lýsa mörg missi og
söknuði og gera það þannig að eng-
inn les þau ósnortinn. Ása Marin
hefur gefið Krabbameinsfélaginu
leyfi til að birta hér þrjú ljóðanna
í bókinni sem fæst í helstu bóka-
verslunum.
Móðir
Mig varðaði ekki um
móður Jörð
fyrr en móðir mín
sameinaðist henni.
Regnbogi
Þegar ég græt
gráta himnarnir með
og þú kemur
sem regnbogi
til að minna mig á
að birtan er ávallt nærri.
Minningar
Hún gaf mér bók
með skreyttum kili
og sagði mér að skrifa í hana
eitthvað fallegt.
Þess vegna fyllti ég
hverja blaðsíðu
minningum
um hana.
Birtan er ávallt nærri
● KÆRLEIKSKLÚTAR
Fyrirtækið Spiral í samvinnu við Merkiprent í Reykjanesbæ hefur hann-
að kærleiksklút til styrktar Krabbameinsfélaginu og átakinu Bleiku slauf-
unni. Spiral er nýtt af nálinni en bak við fyrirtækið standa þær Íris Jóns-
dóttir og Ingunn Yngvadóttir en hönnun þeirra hefur þegar fengið frá-
bærar viðtökur.
Íris og Ingunn hafa hannað klúta í ýmsum litum með áprentuðu spír-
al-mynstri en kærleiksklúturinn er bleikur með silfurlit-
uðum spíral. Klúturinn verður seldur á meðan á bleika
mánuðinum stendur eða frá 1. - 31. október. Klúturinn
kostar 6.500 krónur og af hverjum seldum klút renna
2.000 krónur til Krabbameinsfélagins.
Hægt er að panta kærleiksklútinn hjá Spiral í
síma 822 0009 og 699 4775.
● VISSIR ÞÚ AÐ RÁÐGJAFARÞJÓNUSTAN ...
Er ókeypis
Er opin fyrir alla sem greinast með krabbamein, aðstandendur og vini
þeirra.
Býður upp á gjaldfrjálsan upplýsingasími fyrir krabbameinssjúklinga
og aðstandendur þeirra er 800 4040.
Er með símanúmer 540 1912 / 540 1900
Býður upp á ráðgjöf, stuðning og viðtöl við félagsráðgjafa.
Vinnur að hagsmunagæslu fyrir þá sem veikjast og aðstandendur
þeirra.
Aðstoðar við að sækja um áunnin réttindi.
Býður upp á ráðgjöf, stuðning og viðtöl við hjúkrunarfræðing.
Tekur á móti fjölskyldu og vinnufélögum þess sem greinist.
Býður upp á djúpslökun.
Er með samveru með ekklum og ekkjum.
Er í samstarfi við stuðningshópa Krabbameinsfélagsins þ.e. Framför,
Góða hálsa, Kraft, Nýja rödd, Samhjálp kvenna, Stómasamtökin, Stuðn-
ingshóp kvenna með eggjastokkakrabbamein og Styrk svo og 22
svæðisfélög um land allt.
Þjónar landsbyggðinni og þeim semlúta til hennar víða að.
Er með póstlista og hægt er að skrá sig á 8004040@krabb.is.
Er með skipulagða dagskrá og sendir út á póstlista einu sinni í viku.
Býður upp á áhugaverða fyrirlestra í hádeginu tvisvar í mánuði.
Býður upp á ókeypis námskeið eins og í Briddes og Qi gong.
Býður upp á ókeypis matreiðslunámskeið.
Leggur áherslu á heimilislega aðstöðu þar sem allir eru velkomnir.
Vinnur í trúnaði og eru starfsmenn bundnir þagnarskyldu.
Ráðgjafarþjónusta Krabbameinsfélagsins er í Skógarhlíð 8, fyrstu hæð, og opin alla virka
daga frá klukkan 9 til 16.
Anna Björg Halldórsdóttir og Birna Garðarsdóttir, starfsmenn Leitarstöðvar Krabbameinsfélags Íslands í Skógarhlíð, við leitar-
tæki. FRÉTTABLAÐIÐ/GVA