Fréttablaðið - 20.11.2010, Page 48

48 20. nóvember 2010 LAUGARDAGUR
Mér hefur
alltaf þótt
gott að
kúpla mig út
úr íþrótta-
heiminum.
É
g set mér markmið mjög skipu-
lega og hef gert nokkuð lengi.
Það byrjaði þegar ég var farin
að vera í hópi þeirra bestu hér
á landi, en tapaði í úrslitum á
Íslandsmeistaramóti þrisvar
í röð, 2000 til 2002. Þá ráðlagði íþrótta-
sálfræðingur mér að setja mér markmið
og skrifa þau niður, það hef ég gert síðan,“
segir Ragna Ingólfsdóttir, margfaldur
Íslandsmeistari í badminton sem hefur lengi
verið í hópi helstu afrekskvenna í íþróttum
hér á landi.
Ragna, sem er 27 ára, hóf badminton-
æfingar níu ára gömul. „Ingó bróðir minn
sem er þremur árum eldri var byrjaður að
æfa og ég leit mikið upp til hans og apaði
allt eftir honum. Svo bauð TBR árganginum
að æfa, þannig byrjaði þetta,“ segir Ragna,
sem fann sig í badmintoninu og fór fljót-
lega að skara fram úr. „Ég var reyndar líka
í fimleikum en valdi badmintonið fram yfir
þegar ég var þrettán ára.“
Þá var Elsa Nielsen fremst í flokki í bad-
minton kvenna hér á landi og var hún aðal-
fyrirmynd Rögnu á þessum árum. „Þá var
hún á leið á Ólympíuleikana og mig langaði
að feta í hennar fótspor. Ég setti mér raunar
það markmið að komast á Ólympíuleikana
árið 2004 og fór að keppa að því marki árið
2002 en náði því ekki. Þó munaði grátlega
litlu.“
Breytt mataræði gerði kraftaverk
Á þessum tíma hrjáðu ýmis smávægileg
meiðsl Rögnu, sem segir breytt mataræði
hafa gert kraftaverk fyrir sig. „Ég fór til
næringarþerapista og fór í átta mánaða
strangan kúr, öll meiðsli hurfu eins og dögg
fyrir sólu. Ég hef síðan þá verið mjög með-
vituð um það sem ég læt ofan í mig. En ég
er ekkert ýkt í þessu, leyfi mér alveg köku-
sneiðar af og til,“ segir Ragna, sem auk
þess að huga vel að mataræði hefur aldrei
drukkið áfengi. „Ég ákvað ung að sleppa því.
Fólki fannst þetta kannski skrítið í upphafi
menntaskólans en ekki þegar það áttaði sig á
að ég stóð mig vel í íþróttum,“ segir Ragna,
sem er ungum badmintonleikurunum fyrir-
mynd og leiðir forvarnarhóp unglinga í bad-
minton á aldrinum 15 til 19.
Slasaðist í fyrsta leik
2008 komst Ragna alla leið á Ólympíuleik-
ana en þá fór ekki betur en svo að hún slas-
aðist í fyrsta leik og gat ekki lokið honum.
„Ég hafði verið að keppa með slitin kross-
bönd í eitt og hálft ár þarna á undan og ætl-
aði mér alltaf í aðgerð að þeim loknum. En
svo gerðist eitthvað, kannski af því að þetta
voru Ólympíuleikarnir, margir áhorfendur
og ég varð stressuð og stífnaði upp, þá gerð-
ist þetta, ég datt og reif liðþófa líka,“ segir
Ragna, sem var vonsvikin yfir því að geta
ekki klárað leikinn en jafnframt staðráðin í
að gefa íþróttina ekki upp á bátinn.
Við tók langt tímabil þar sem Ragna
þurfti fyrst og fremst að huga að því að ná
sér af meiðslunum. Síðastliðið haust hóf
hún svo að keppa af fullum krafti á nýjan
leik og markmiðið er alveg klárt, að kom-
ast á Ólympíuleikana árið 2012. „Það eru tíu
bestu mótin sem gilda og ég stefni að því
að keppa á einu til tveimur mótum í hverj-
um mánuði fram að Ólympíuleikunum. Ég
vil vera meðal 50 bestu í heiminum þegar
listi þátttakenda verður birtur 2012, þá er
örugg inni. En ég stefni á að vera á meðal
30 bestu í heiminum,“ segir Ragna, sem er
nú í 80. sæti á heimslistanum, sem er upp-
færður í viku hverri.
Skemmtilegt að grúska
Þrátt fyrir að badminton leiki afar stórt
hlutverk í lífi Rögnu fer því fjarri að ekkert
annað komist að:
„Mér hefur alltaf þótt gott að kúpla mig
út úr íþróttaheiminum. Fæstar vin konur
mínar æfa badminton, fyrir utan eina,
Katrínu Atladóttur sem ég leik með tvíliða-
leik,“ segir Ragna. Hún heldur tryggð við
vinkvennahóp sem hún kynntist reyndar í
mekka badmintoniðkunar á Íslandi, TBR, en
flestar þeirra hafa sagt skilið við spaðann.
„Svo finnst mér mjög gaman að lesa,
grúska í heimspeki og sálfræði til dæmis,
lesa um jóga, næringarfræði og sjálfshjálpar-
bækur ýmiss konar.“
Sálfræði og heimspeki urðu reyndar fyrir
valinu þegar Ragna fór í háskólann en hún
lauk BA-námi úr þessum greinum. „Það kom
aldrei annað til greina en að læra. Ég fylgdi
skólafélögunum í gegnum menntaskóla, þó
Best að vera með fjölskyldu og vinum
Ragna Ingólfsdóttir hefur sett sér skýr markmið í lífinu um árabil. Ekki bara í badminton, sem hún hefur stundað með góðum
árangri síðan í æsku, heldur líka í öllu sem hún tekur sér fyrir hendur. Sigríður Björg Tómasdóttir ræddi við Rögnu um fyrir-
myndirnar hennar, lífið á Íslandi og leiðina á Ólympíuleikana en Ragna stefnir að þátttöku í Ólympíuleikunum í London 2012.
RAGNA INGÓLFSDÓTTIR Setti
sér það markmið að komast
á ólympíuleikana þegar hún
var 13 ára gömul
Ragna segir að þó að það sé talið
mjög gefandi fyrir afreksíþrótta-
fólk að skipta um umhverfi og fá
betri æfingaaðstöðu hafi hún þó
grætt að minnsta kosti eitt á því
að vera á Íslandi.
„Ég hef eingöngu spilað með
strákunum hér í mörg ár, og spila
þess vegna strákalegt badminton,
sem er sókndjarfara og hraðara
en dæmigert stelpuspil. Stelp-
urnar úti eru vanari að spila bara
við stelpur þannig að ég græði
svolítið á því, þótt maður klúðri
einhverju á sóknarleiknum líka,“
segir Ragna.
SPILAR EINS OG STRÁKARNIR
FRÉTTABLAÐIÐ/ANTON