Fréttablaðið - 20.11.2010, Side 81

LAUGARDAGUR 20. nóvember 2010 49
að ég væri reyndar óreglulegur
nemandi, sem þýddi að ég fékk
ekki einkunn fyrir mætingu.“
Á undan í skóla
Menntaskólafélagarnir voru
reyndar flestir árinu eldri, því
Ragna fór fimm ára í sex ára
bekk. „Fóstrurnar á leikskólanum
höfðu áhyggjur af því að ég myndi
staðna í þroska ef ég fengi ekki
að fara í skóla, ég var alltaf með
eldri krökkum og var orðin læs og
svona,“ segir Ragna og brosir.
„Svo jafnaðist þetta út í háskóla
en BA-námið tók ég á fjórum og
hálfu ári enda var ég á fullu að
búa mig undir Ólympíuleikana
2008. Að loknu BA-námi ákvað ég
að taka mér hlé og einbeita mér að
undirbúningi fyrir Ólympíuleik-
ana 2012. En ég ætla mér pottþétt
að læra meira, við erum að spá í að
fara til Barcelona.“
Við eru Ragna og kærastinn
hennar Steinn Baugur Gunnars-
son. Hann er í heimspeki og hafa
þau hug á að flytja til Barcelona.
„Ég er að velta fyrir mér íþrótta-
sálfræði, ég hef lengi heillast mjög
mikið af henni. Ég er alltaf að velta
því fyrir mér af hverju sumu fólki
gengur betur í lífinu en öðru og
hef reyndar sjálf reynt að tileinka
mér góða hluti frá því sem ég tek
mér til fyrirmyndar.“
Stóri bróðir fyrirmynd
Þegar hún er beðin um að
nefna fyrirmyndir er Ragna ekki
sein að nefna bróður sinn Ingólf
Ingólfsson á nafn. „Hann hefur
alltaf verið hetjan mín og mín
stoð og stytta. Ég hitti hann reglu-
lega, fer í hnykk til hans því hann
er kírópraktor. Við höfum einnig
verið mjög dugleg að ferðast
saman. Hann hefur komið að hitta
mig þegar ég hef verið að keppa
á fjarlægum og spennandi slóðum
og við ferðast um.“
Foreldrar Rögnu hafa líka reynst
henni mikil stoð og stytta. „Þau
hafa alltaf stutt við bakið á mér og
fylgst með,“ segir Ragna, sem er
tengd fjölskyldu sinni svo nánum
böndum að hún gat ekki hugsað sér
að flytja út á menntaskóla árunum,
en þá var þrýst á hana að hefja
æfingar í Danmörku.
Með lítið hjarta
„Ég var bara ekki tilbúin í það þá.
Á tímabili þegar ég var 18 eða 19
spilaði ég fyrir danskan klúbb og
flaug utan til æfinga. Ég er bara
svo ótrúlega heimakær og finnst
svo gott að vera í kringum fjöl-
skyldu og vini á Íslandi. Ætli ég sé
ekki með svona lítið hjarta.“
Þrátt fyrir að hafa í mörgu að
snúast hefur Ragna samt fund-
ið sér tíma fyrir nýtt áhugamál,
golfið. „Ég spilaði mjög mikið í
sumar,“ segir Ragna, sem gerði sér
meðal annars lítið fyrir og sigraði
í meistaramóti Nesklúbbsins í B-
flokki kvenna. „Ég var einmitt
búin að setja mér það markmið að
sigra. Ég gæti vel hugsað mér að
spila meira golf þegar ég hætti í
badmintoninu,“ segir Ragna, sem
reiknar með því að draga sig í hlé
eftir Ólympíuleikana 2012 og halda
þá í framhaldsnám. „Mig langar að
læra í Evrópu og þá er stutt að fara
heim, kannski Barcelona eins og
áður sagði. Ég get hugsað mér að
flytja út fyrst ég er ekki ein.“
Ég er bara svo ótrú-
lega heimakær og
finnst svo gott að
vera í kringum fjöl-
skyldu og vini á Ís-
landi að ég treysti
mér aldrei til þess að
flytja út.
Fyrir líkamann:
Ég mæli með hollum mat, sjálf borða
ég á staðnum Manni lifandi alla daga og
réttirnir þar eru frábærir. Ég reyni að borða
lífrænan mat eins oft og ég get. Kjúklinga-
salatið þeirra er til dæmis frábært, hér er
uppskriftin að því:
Kjúklingasalat Manns lifandi:
Fyrir 4 eða fleiri á innan við 10 mínútum.
4 stk. tilbúnar kjúklingabringur frá Manni
lifandi
1 rauð lífræn paprika (skorin í strimla)
poki af blönduðu salati
1 rauður laukur (skorinn í
þunnar sneiðar)
box af lífrænum kirsuberja-
tómötum
1 dós tamarisólblómafræ
handfylli af fersku
kóriander (eða
steinselju)
Kjúklingabringur
skornar í strimla.
Blandið salati, papriku,
tómötum og lauk saman
og setjið sólblómafræ og
kóriander ofan á. Berið fram með
lífrænni extra virgin ólífuolíu, balsam-
ediki og svörtum pipar.
Svo bý ég oft til sushi heima með
kærastanum mínum en
það er eitt það besta
sem ég fæ. Mæli
sérstaklega með Kali-
forníurúllu.
RAGNA MÆLIR MEÐ ...
Fyrir sálina:
Uppáhaldssjálfshjálpar bækurnar mínar
eru Munkurinn sem seldi sportbílinn
sinn eftir Robin Sharma og Skyndibitar
fyrir sálina eftir Barbara Berger. Fyrir þá sem vilja
setja sér markmið mæli ég með The Leader
Who Had No Title eftir Robin Sharma og Meiri
hamingja eftir Tal Ben Shahar.
Ég fíla pælingar Sókratesar um náttúru samfélagsins og
siði og spurningar hans á borð við hvers konar líf er þess
virði að því sé lifað? Hann pældi mikið í hamingjunni og
hvernig fólk gæti gert líf sitt eins gott og mögulegt væri.
Núlifandi Dalai Lama talar mikið um samúð og hvern-
ig við eigum að öðlast innri frið og hjartahlýju. Að
hamingja okkar velti mikið á því að gera vel við aðra.
Bækurnar hans Dalai Lama eru allar mjög áhugaverðar
og ég hef lært mikið af þeim.
NÚ FER HVER AÐ VERÐA SÍÐASTUR
ATH SÍÐASTA HELGIN
FRÁ 29. OKT. TIL 21. NÓV.
GÍFURLEGT ÚRVAL AF ÖLLUM TEGUNDUM
TÓNLISTAR, HLJÓÐBÓKA OG DVD MYNDA