Fréttablaðið - 26.11.2010, Síða 10

10 26. nóvember 2010 FÖSTUDAGUR
EFNAHAGSMÁL Íslenska krónan fylgir þjóðinni
næstu árin, burtséð frá því hvort landið
gengur í Evrópusambandið eða ekki. Um þetta
voru framsögumenn sammála í gær á morgun-
fundi Íslenskra verðbréfa í Reykjavík.
Á fundinum, sem bar
yfirskriftina „Endurreisn
Íslands“, tóku til máls Jón
Daníelsson, dósent við Lond-
on School of Economics,
Hörður Arnarson, forstjóri
Landsvirkjunar, og Franek
Rozwadowski, sendifulltrúi
Alþjóðagjaldeyrissjóðsins á
Íslandi.
Jón benti á að jafnvel þótt
samþykkt yrði aðild Íslands
að Evrópusambandinu og Íslendingar vildu
taka upp evru þá tæki við margra ára langt
ferli aðlögunar. Í sama streng tók Franek
Roswadowski sem taldi að krónan yrði hér í
notkun í tíu ár hið minnsta. „Ef þið gangið í
Evrópusambandið getið þið strax ákveðið að
taka upp evru, en um leið er ekki hægt að taka
hana upp strax,“ sagði hann og vísaði til þess
að uppfylla þyrfti skilyrði Maastricht-sáttmál-
ans til þess að fá að nota evru.
Í pallborðsumræðum að loknum framsögum
lýstu bæði Jón og Hörður þeirri skoðun að mis-
tök hefðu verið að setja hér gjaldeyrishöft. „Ég
myndi vilja afnema þau jafnskjótt og auðið
er,“ sagði Jón Daníelsson. „Og með því á ég við
fyrir lok þessa árs.“
Jón sagði að best væri að aflétta höftunum
í einni aðgerð, en ekki í nokkrum skrefum
líkt og boðað hefur verið af hálfu Seðlabanka
Íslands. „Því lengur sem beðið er með afnám
hafta, þeim mun erfiðara verður að losna
við þau,“ sagði Jón og taldi afar hættulegt
ef hagkerfið næði að laga sig að viðvarandi
gjaldeyris höftum.
Franek Rozwadowski sagðist aftur á móti
ósammála því að ekki væri hægt að afnema
höftin í skrefum, en taldi ekki við hæfi að ræða
nánar um þá framkvæmd þar sem í Seðlabank-
anum væri unnið að endurskoðun áætlunar um
afnám haftanna. Um leið kvaðst hann talsmað-
ur þess að höftin yrðu afnumin jafn skjótt og
auðið væri, þótt hann teldi snöggt afnám óráð-
legt. „Í þessu þarf að vanda til verka,“ sagði
hann og kvað stórskaðlegt myndu verða fyrir
trúverðugleika landsins ef setja þyrfti á höft á
ný eftir afnám að hluta eða í heild. - óká
FRANEK
ROZWADOWSKI
Hagfræðingar tókust á um ólík sjónarmið varðandi afnám gjaldeyrishafta á fundi Íslenskra verðbréfa í gær:
Krónunni verður ekki kastað fyrir 2015
PALLBORÐIÐ Franek Rozwadowski, sendifulltrúi AGS,
Hörður Arnarson, forstjóri Landsvirkjunar, og Jón Daní-
elsson, dósent hjá LSE. FRÉTTABLAÐIÐ/GVAStjórnlagaþings
frambjóðandi
Björn Einarsson
læknir og heimspekinemi
Nr. 6340
Heimasíða með myndskeiði
www.bjorneinarsson.is
Jafnrétti kynjanna,
aldrei meira en 40:60
munur á Alþingi eða
öðrum stjórnum
1 Á hvaða ávexti rann viðskipta-
vinur Hagkaups fyrir fimm árum og
meiddist á hné?
2 Hvaða íslensk söngkona gengur
aldrei í buxum?
3 Hvað heitir forsætisráðherra
Írlands?
SVÖR1. Döðlu 2. Regína Ósk. 3. Brian Cowen.
LÖGREGLA Sumarbústaður brann
til kaldra kola í sumarbústaða-
landi ofan við Reykholt við
Tungufljót snemma í gær-
morgun.
Slökkviliðið í Árborg fékk
tilkynningu um brunann snemma
í morgun og kom á vettvang
klukkan hálf átta. Þá var
bústaðurinn gjöreyðilagður og
litlu hægt að bjarga.
Lögreglan á Selfossi segir
eldsupptök ókunnug. Ekkert
rafmagn var í bústaðinum. Málið
er í rannsókn.
Bruni við Tungufljót:
Bústaður brann
til kaldra kola
VIÐSKIPTI Már Guðmundsson seðlabankastjóri hafnar
því að hann hafi beitt valdníðslu og brotið regl-
ur í söluferli Sjóvár. Heiðar Már Guðjónsson,
sem fór fyrir hópi fjárfesta sem átti hæsta
boð í Sjóvá, dró það óvænt til baka í síðustu
viku. Hópurinn hafði lengi beðið undirskrift-
ar Más sem innsigla átti kaupin.
Fjárfestahópur Heiðars ætlaði að kaupa
um 82 prósenta hlut í Sjóvá og bjóða síðan í
tæpan átján prósenta hlut skilanefndar
Glitnis fyrir ellefu milljarða króna. Heið-
ar ætlaði að kaupa sjálfur þrjátíu pró-
senta hlut í eigin nafni. Hann ætlar að
kvarta til umboðsmanns Alþingis vegna
framferðis Seðlabankans.
Í Viðskiptablaðinu í gær kom fram að
Már grunaði Heiðar um viðskipti með aflandskrón-
ur. Þau viðskipti væru til rannsóknar hjá gjaldeyr-
iseftirliti bankans og Már hefði sagt þeim hugs-
anlega verða vísað til lögreglu. Upp úr því hefði
viðræðum um kaupin á Sjóvá verið slitið.
Már vildi að öðru leyti ekki tjá sig um málið á
blaðamannafundi Seðlabankans í gær og vís-
aði til þagnarskyldu um einstök málefni
tengd viðskiptavinum bankans.
Seðlabankinn vildi engin svör
veita þegar Fréttablaðið leitaði
eftir þeim í gær og vísaði til
tilkynningar sem hann sendi frá
sér í kjölfar þess að viðræðum um
sölu á stórum hlut í Sjóvá var slitið í
vikubyrjun. - jab
Már Guðmundsson seðlabankastjóri hafnar því að hafa beitt Heiðar valdníðslu:
Neitar að tjá sig um Sjóvá
MÁR GUÐMUNDSSON
Seðlabankastjóri segist
engar reglur hafa brotið í
söluferli Sjóvár.
VEISTU SVARIÐ?