Fréttablaðið - 27.11.2010, Síða 62

27. 2
margir af frægustu tónlistar-
mönnum samtímans.
„Ég fer alla sunnudaga á ávaxta-
markað til að kaupa appelsín-
ur og jarðarber fyrir vikuna og
er algjör „djúsaholic“, en hef þá
líka leyfi til að gera margt annað.
Þetta er trikk til að plata mig og
svo fer ég út eftir pitsu og kók,“
segir hún hláturmild, nýkomin
úr göngu með hundana sína tvo.
„Hundar eru svo góðir fyrir sál-
ina. Þeir ná manni alltaf niður á
jörðina, sama hvað gengur á, núll-
stilla mann og endurhlaða batt-
eríin. Því er ekkert eins gott og
góðir voffar og þeim fylgir ekk-
ert vesen,“ segir Anna Mjöll, sem
lítur alltaf út eins og kvikmynda-
stjarna.
„Trixið við gott útlit held ég
að sé innri friður, en ég hef ekki
fundið hann og er alltaf að leita.
Mestan frið finn ég með hundun-
um og held að þar sé komin ein
leiðin til þess. Ég er annars alltaf
svo eirðarlaus, finnst það sem ég
geri aldrei nógu gott og þarf alltaf
að gera betur,“ segir Anna Mjöll,
sem skildi við eiginmann sinn Neil
Stubenhaus fyrir um ári og er nú
hamingjusamlega einhleyp.
„Ég er mjög sátt við tilveruna
en við Neil erum enn góðir vinir.
Stundum er betra að vera vinir en
eitthvað meira. Ég hef svo ekki
haft tíma til að hugsa um ástar-
málin síðustu mánuði. Víst er ég
opin fyrir ástinni og fjölskyldulífi,
og hefði ekki á móti smá barneign-
um, en það þarf víst mann til þess
nema Guð ákveði að eignast annan
Jesú og það held ég að sé ekki á
dagskránni,“ segir Anna Mjöll og
brosir út í annað.
„Ég held að milljónaborg sé
ekki verri staður en hver annar
til að finna ástina því hún leynist
alls staðar svo lengi sem maður
er ekki að leita. Kannski er hún
á Íslandi; þar eru margir góðir
menn, hver veit, en ég hefði senni-
lega ekki tíma fyrir rómantík fyrr
en á næsta ári eða þarnæsta héðan
af,“ segir Anna Mjöll, sem kemur
heim um jólin og heldur tónleika á
Rosenberg 19. desember. Christ-
mas JaZZmaZ verður ekki gefin
út hérlendis en fæst meðal annars
á iTunes.
„Alvöru jólin eru heima á
Íslandi, ég reyni alltaf að koma
þegar ég get og jólin koma ekki til
mín nema ég rölti niður Laugaveg
á Þorláksmessu. Þangað til óska
ég þess heitt að birti yfir gamla
landinu mínu því það er virki-
lega sorglegt að horfa héðan upp
á ástandið heima og landa sína í
sárum. Ég vildi því óska þess að
geta fundið takka sem lagar það
allt í hvelli, en byrja á tónleikum í
jólagjöf.“ thordis@frettabladid.is
Anna Mjöll hefur búið í Los Angeles síð-
ustu átján ár en segir það engu breyta
um að heima sé bara á Íslandi.
Ljósmyndasýningin Ekkert af
þessum heimi opnar í dag á
vegum ljósmyndarans Ingu Sól-
veigar Friðjónsdóttur og hönnuð-
arins Dúsu Ólafsdóttur í gallerí-
inu Auga fyrir auga. Dúsa hannar
undir merkinu Skaparinn og hefur
hönnun hennar birst í mörgum
alþjóðlegum tímaritum.
Að sögn Dúsu kom samstarfið
til vegna þess að henni fannst
ljósmyndirnar Ingu Sólveigar fal-
legar og hana hafði lengi langað
til að vinna með henni. „Mynd-
irnar hennar Ingu Sólveigar eru
oft draumkenndar og dramatísk-
ar og dálítið dimmur tónn í þeim.
En það þýðir hins vegar alls ekki
að þær séu niðurdrepandi held-
ur þvert á móti fangar hún und-
urfagra stemningu sem ekki sést
mikið af, sérstaklega ekki hérlend-
is.“ Inga Sólveig tekur mestmegnis
svarthvítar myndir á filmu og það
heillaði Dúsu.
„Áferðin á myndunum er alveg
dásamlega fögur. Hingað til hef
ég látið mynda línur Skaparans í
stúdíói og í lit. En mig langaði til
að fá aðeins dramatískari áferð,
enda er mín hugmyndavinna yfir-
leitt í draumkenndum tóni.“ Dúsa
segir að þær hafi ákveðið að setja
upp sýningu til að sýna hvað þær
fást við dags daglega. Hún segir
öðruvísi fyrir sig að sýna fallegar
myndir í stað þess að hafa fötin
hangandi á herðatré.
Dúsa segir þær ekki hafa starfað
saman áður, en telur líklegt að þær
muni vinna meira saman í fram-
tíðinni. „Samstarfið hefur gengið
vel og okkar sýn er ekki svo ólík,
þó að við fáumst við ólíka miðla.
Það er erfitt fyrir fatahönnuð að
starfa án ljósmyndara, þótt ljós-
myndarinn geti vel verið án fata-
hönnuðarins.“
Sýningin verður opnuð í Auga
fyrir auga að Hverfisgötu 35
klukkan 17.00 í dag og eru allir vel-
komnir á meðan húsrúm leyfir.
Draumkenndar ljósmyndir
Myndir Ingu Sólveigar eru draumkennd-
ar og dramatískar.
Dúsu (til hægri) hafði lengi langað til að vinna með Ingu Sólveigu FRÉTTABLAÐIÐ/STEFÁN
Ljósmyndasýningin Ekkert af þessum heimi opnar í dag. Sýningin er
samstarfsverkefni Dúsu Ólafsdóttur og Ingu Sólveigar Friðjónsdóttur.
Jólamarkaður Skógræktarfélags Reykjavíkur við Elliðavatnsbæinn í Heiðmörk opnar í
dag og verður opinn allar helgar fram að jólum milli 11 og 17. Þetta er í fjórða sinn sem mark-
aðurinn er haldinn en Skógræktarfélagið selur jólatré og ýmsan annan varnig sem á uppruna
sinn í skógum Heiðmerkur. Þá bjóða yfir sjötíu handverksmenn og hönnuðir fram vörur sínar.
ÞORLÁKSMESSUTÓNLEIKAR 2010
Í HÁSKÓLABÍÓI
BUBBI
MORTHENS
BYLGJAN KYNNIR:
ÁRLEGIR ÞORLÁKSMESSUTÓNLEIKAR BUBBA MORTHENS VERÐA Í
HÁSKÓLABÍÓI ÞANN 23. DESEMBER OG HEFJAST KL. 22.00.
SÉRSTAKUR GESTUR BUBBA ER JÓNAS SIGURÐSSON.
MIÐASALA ER HAFIN Á MIDI.IS.
MIÐAVERÐ 3.500 KR.
ALLAR NÁNARI UPPLÝSINGAR Á PRIME.IS.
Framhald af forsíðu