Fréttablaðið - 27.11.2010, Blaðsíða 44

44 27. nóvember 2010 LAUGARDAGUR
N
æstkomandi mánu-
dag, 29. nóvember,
fæst úr því skorið
hvaða bíll verður
fyrir valinu sem
bíll ársins 2011.
Dómnefnd helstu fagtímarita bíla-
iðnaðarins stendur fyrir valinu.
Athygli vekur að meðal þeirra sjö
bíla sem eru í úrslitum er jeppling-
ur frá rúmenska bílaframleiðandan-
um Dacia. Fyrirtækið hefur starfað
allt frá árinu 1968, en hefur fram til
þessa kannski ekki verið talið í hópi
virtustu bílaframleiðenda.
Á götum Rúmeníu, sem er eitt
fátækasta land Evrópu, sjást hins
vegar varla aðrir bílar en Dacia,
enda gjaldeyrir lengst af af skorn-
um skammti í þessu fyrrverandi
austantjaldslandi. Bílaframleiðand-
inn var settur á stofn með aðstoð
frá franska bílaframleiðandanum
Renault í árdögum ógnarstjórnar
Ceausescu. Fyrstu bílarnir voru
samsettir úr bílhlutum Renault,
en fyrsti „rúmenski“ bíllinn frá
grunni leit dagsins ljós árið 1969
og nefndist Dacia 1300. Eftir það
hélst hönnun bíla Dacia að mestu
óbreytt í rúm þrjátíu ár og lifði þar
með bæði Ceausescu-stjórnina og
fall járntjaldsins.
Raunar er það svo að Dacian
leikur sitt hlutverk í frásögnum af
falli Ceausescus, en sagan segir að
þegar Nikolae Ceausescu og kona
hans gerðu bíl upptækan á flótta
sínum í desember 1989 hafi eig-
andi hans gert bílnum upp bilun og
þannig truflað flóttann. Skömmu
síðar var einræðisherrann hand-
samaður og þau hjón líflátin.
Rúmenar eru afar stoltir af Dacia-
bílum sínum, en þeir eru jafnframt
ein helsta útflutningsafurð landsins.
Í seinni tíð hefur framleiðslan sótt
í sig veðrið og má rekja þau tíma-
mót til þess að Renault keypti fyrir-
tækið árið 1999 og jók starfsemina
til muna. Bílarnir eru hræódýrir í
samanburði við aðra evrópska bíla
og hefur tegundin því breiðst ört út
til annarra landa, svo sem Þýska-
lands, Frakklands og Ítalíu.
Í fyrra seldi Dacia yfir 200 þús-
und bíla í vesturhluta Evrópu og jók
sölu sína á heimsvísu um fimmt-
ung frá fyrra ári. Þá kemur fram í
tölum samtaka evrópskra bílafram-
leiðenda að í september á þessu ári
hafi sala bíla í Evrópusamband-
inu aukist mest hjá Mitsubishi og
Dacia. Þannig hafi söluaukning
milli ára numið 12,1 prósenti hjá
Dacia í september, en þá seldust
15.466 nýir bílar fyrirtækisins í
löndum Evrópusambandsins. Þá er
Dacia Duster jepplingurinn, sem nú
er í forvali fyrir bíl ársins í Evrópu,
einhver vinsælasti bíll fyrirtækis-
ins frá upphafi.
Mikið fæst fyrir eyrinn í kaup-
um á Dacia Duster jepplingi sam-
kvæmt því sem evrópsk bílablöð
halda fram, en hann er sagður ódýr-
asti jepplingurinn á evrópska mark-
aðnum. Bíllinn er fáanlegur með
105 hestafla 1,6 lítra bensínvél og
tveimur útfærslum á 1,5 lítra dísil-
vél, 85 og 109 hestöfl.
Svo er bara að bíða og sjá hvort
eitthvert bílaumboðanna hér á landi
sér hag sinn í að flytja inn Dacia-
bíla, en hingað til hefur ekki orðið
af því þótt einhverjar viðræður hafi
átt sér stað árið 2005 milli Bifreiða
og landbúnaðarvéla og Dacia. Í öllu
falli ætti sá áhugi að vaxa fari svo
að ódýrasti jepplingur Evrópu fái
þá upphefð að vera valinn bíll árs-
ins.
Í fyrra var Volkswagen Polo val-
inn bíll ársins í Evrópu 2010. Valið
á bíl ársins í Evrópu 2011 hefur
hins vegar staðið lungann úr árinu.
Í dómnefnd eiga 58 manns sæti og
stóð valið upphaflega á milli 41 bíl-
tegundar hvaðanæva úr bílamark-
aðnum. Nú standa eftir sjö bílar í
úrslitum, en til að einn standi uppi
verður hver dómnefndarmaður að
útdeila 25 stigum á að minnsta kosti
fimm bíla af þeim sem í úrslitum
eru. Ekki má gefa neinum einum
bíl meira en tíu stig, auk þess sem
umsögn þarf að fylgja, að því er
fram kemur á sérvef tímaritanna
sem að valinu standa.
ENDIST VEL Dacia 1300 fólksbíll á fullri ferð í Búkarest í fyrrahaust. Dacia-
bílar eru algengasta bílategundin í Rúmeníu, stolt þjóðarinnar og helsta
útflutningsafurð hennar. NORDICPHOTOS/AFP
Á AFMÆLISHÁTÍÐ Francois Fourmont,
forstjóri Dacia í Rúmeníu, heldur tölu á
hátíð sem haldin var í fyrrasumar í tilefni
af því að tíu ár voru frá því að franski
bílaframleiðandinn Renault keypti fyrir-
tækið. NORDICPHOTOS/AFP
REYNSLUAKSTUR Í RÚMENÍU Dacia hefur lagt mikið í kynningu á Duster-bílnum og farið með hann víða um heim. Hér að ofan
má hins vegar sjá reynsluakstur á sólbaðsströndinni Mamaia við Svartahaf, en það er einn vinsælasti sumardvalarstaður Rúmeníu.
MYND/DACIA GROUP
Með seiglunni hefst það
Rúmenski bílaframleiðandinn Dacia á fulltrúa í úrslitum um val á Bíl ársins í Evrópu 2011. Að valinu standa evrópsk bílatímarit.
Dacia-bílar voru sjaldséðir utan Rúmeníu þar til fyrir áratug eða svo, en framleiðsla á þeim hófst við upphaf einræðisherratíðar
Ceausescus. Í tilefni af nýfenginni upphefð bílanna kynnti Óli Kristján Ármannsson sér sögu fyrirtækisins og valið á bíl ársins.
Tímabil Gerð
1968–1972 Dacia 1100
Dacia 1200
1969–1979 Dacia 1300
1979–2004 Dacia 1310
1970–1974 Dacia 1301
1973–1982 Dacia 1302 pick-up
1979–2006 Dacia 1304 pick-up
1985–2006 Dacia 1305 vörubíll
1992–2006 Dacia 1307 double cab
1992–1999 Dacia 1307 king cab
1992–1997 Dacia 1309 pick-up
1983–1992 Dacia Sport 1310
Dacia 1410 (byggður á 1310)
Dacia 2000
1974–1976 Dacia D6
1983–2003 Dacia Duster/ARO 10
1985–1989 Dacia 500 (Lastun)
Dacia Pick-Up
1985–1989 Dacia 1320 hallbakur
1990–1996 Dacia Liberta hallbakur
1994–1999 Dacia Nova
2000–2002 Dacia SuperNova
2003–2005 Dacia Solenza
2004– Dacia Logan
2006– Dacia Logan MCV
Dacia Logan VAN
Dacia Logan pick-up
2008– Dacia Sandero
2010– Dacia Duster
GERÐIR DACIA-BÍLA
FRÁ UPPHAFI
Bílar eru bornir saman á ýmsum vettvangi, en valið Bíll ársins í Evrópu er með því virtara sem á sér stað. Sjö bílablöð frá jafn-
mörgum löndum taka sig saman um að standa að valinu og tilnefna
bíl ársins eftir strangt útilokunarferli. Í ár verður upplýst um sigur-
vegarann næstkomandi mánudag, en valið stendur um eftirtalda sjö
bíla:
Alfa Romeo Giulietta
Citroën C3/DS3
Dacia Duster
Ford C-Max/Grand C-Max
Nissan Leaf
Opel Meriva
Volvo S60/V60
DACIA-BÍLARNIR Svona hefur vörulína Dacia litið út síðustu ár, Dacia
Logan fólksbíll, Dacia Logan MCV fjölnotabíll, Dacia Logan flutninga-
bíll, Dacia Logan pallbíll og Dacia Sandero fólksbíllinn. MYND/DACIA GROUP
DACIA 1300 Rúmum tveimur áratugum eftir fall Berlínarmúrsins eru
afurðir frá valdatímum kommúnista sagðar vekja nostalgískar tilfinn-
ingar í þeim eldri og forvitni hjá yngra fólki. NORDICPHOTOS/AFP
VAKTASKIPTI Rúmenskt verkafólk yfirgefur verksmiðju Dacia í borginni Mioven,
vestur af Búkarest. NORDICPHOTOS/AFP
ÚRSLITIN Í VALINU Á BÍL ÁRSINS Í EVRÓPU
DACIA 1100
Fyrsti Dacia-bíllinn
var samsettur úr
hlutum frá Renault í
Frakklandi.